أسئلة في تخصص نفسي

إدمان الإباحيه مسبب أساسي للإدمان ..مجرد ما بتتعالج منه الاكتئاب بيقل و ده بيحصل بالجلسات و التزام حضرتك بتنفيذ المهام الأسبوعيه

اهلا بيك
وتحت امرك اي وقت
الأسباب كتير
ممكن بقالك فترة مضغوط ومش بتفرغ مشاعرك ولا بتحكي وابتدي جسمك يعبر
او في صدمة عدت عليك ودة آثارها اللي ظاهر دلوقت
محتاج تفهم بس السبب عشان نتعامل معاه

لأ يا حبيبي دة مش مرض السرقة غالبا لأن مرض السرقة صاحبه ممكن يسرق عادة حاجات تافهة وبسيطة وغالبا مش ناس يعرفهم .. يعني مثلا تروح مطعم تسرق شوكة وأنت مش محتاجها .. حاجات زي كدة.

أنت بتاخد الحاجة من والدك فقط لأنك بتعتقد إنك لما بتاخد من والدك ماتعتبرش سرقة وإنه ممكن يسامحك أو بتعتبرها حاجة تافهة بالنسبة للي والدك بيصرفه.

أنت دلوقتي ما شاء الله شاب عندك ١٩ سنة وأكيد بتشوف زمايلك بيجيبوا حاجات ممكن تكون أعلى من مستواك المادي. فممكن تحط خطة إنك تنزل شغل وتحوش. واحدة واحدة حاول تجيب للبيت فاكهة وحاجات كدة تعوضهم عن الحاجات دي وتحوش الباقي عشان تجيب اللي عايزه. وحاول تشوف اللي أقل منك عشان ترضى باللي معاك. وربنا يوفقك يا رب. لو جيتني ممكن أعمل لك جلسة بتكلفة بسيطة جدا.

غالبا دي اعراض اضطراب قلق معمم لازم تتعرض علي متخصص يساعدها في تعليمها ازاي تتحكم في أفكارها ومشاعرها بستراتحيات واضحه ووممكن يكون العلاج الدوائي كمان مناسب ليها

هذه الأعراض تسمى أعراض ذهانية تحدث في أمراض نفسية عدة.
هذا المريض يعتبر غير واعي أو لايملك البصيرة لذا معروف عالمياً أنه يتم إجباره لدخول مستشفى الأمراض النفسية للعلاج، في دول الخارج توجد خدمة من الشرطة للقبض على هؤلاء المرضى وإجبارهم على الذهاب للمستشفى.
كثير من الأهل يحزنون لمثل هذا الكلام أو حتى المريض يمارس عليهم ضغط مثل: "انتم خنتوني" "انتم لستم اهلي تفعلون ذلك بي" يجب عدم التأثر نهائيا بهذا الكلام لأنه عندما يتلقى العلاج ويتحسن تعود له البصيرة ويصبح مدركاً أن ما حدث كان الأفضل له وأنه كان غير طبيعي ويحتاج العلاج فلا يجب الخوف من هذا الكلام.
المريض حاليا يشكل خطر على نفسه وعلى من حوله ويجب قبوله في مستشفى الأمراض النفسية.

اولا لازم نعرف اذا كان دا سلوك مرضي أو مشكلة سلوكية نفسية أو حتي نتيجة اضطراب تاني لازم بتعملها فحص اكلينكي ويتاخد التاريخ المرضي بتاعها عشان يتحط ليها برنامج مناسب علي حسب المشكلة

كده في لغبطه في الهرمونات والفيتامينات محتاجين يظبطوا .ونظبط النمو والسلوك وهيبقي كويس بفضل الله ..ممكن حضرتك تتواصلي معانا وباذن الواحد الاحد نظبط لحضرتك الاسعار

البنت في سن المراهقة تمر بمرحلة انتقالية حساسة بين الطفولة والرشد، وتشمل تغيرات جسدية، نفسية، وعاطفية
تقلب المزاج بين الفرح والحزن بسرعة.
الحساسية الزائدة تجاه النقد أو الملاحظات.
لديها الرغبة في الاستقلال وإثبات الذات
وبتحاول أن تفهم من تكون وماذا تريد
تتأثر كثيراً ب (الصداقة، الإعجاب، أو الرفض).
عليكي احتواء كل ذلك بالإنصات لأفكرها و مشاعرها والصبر و الحكمة و اللين دون اصدار احكام بالإضافة الي تحديد الحقوق و الواجبات لكل طرف وكسبها في تلك الفترة الحرجة كصديقه.

اكيد طبعا
تقدري تشرفيني في العيادة في اي وقت يناسب حضرتك وان شاء الله اقدر اساعدكم في إيجاد العلاج المناسب بإذن الله

اللي بيحصلك مش معناه إنك عايزة تؤذي نفسك، دي أفكار قهرية ناتجة عن القلق، وبتخوفك لأنها ضد رغبتك الحقيقية. وجودها مش خطر في حد ذاته، لكن مهم تتكلمي مع مختص نفسي يساعدك تتعاملي معاها صح قبل ما القلق يزيد. في كل مرة تجيكي الفكرة، خدي نفس عميق، وقولي لنفسك: هي فكرة مش نية، وهتعدي.بس بردو لازم تزوري مختص يساعدك في التخلص من الفكره دي لو معرفتيش توقفيها