اكشف

أسئلة في تخصص نفسي

أسئلة طبية تم سؤالها من خلال مستخدمين تطبيق اكشف وأجوبة من أطباء متخصصين على إكشف, يمكنك ترك سؤالك وسوف يتم اجابته في سرية تامة

اشعر بالاحباط وعدم الرغبه فى اى عمل

الإحباط وفقدان الرغبة في أي عمل مش معناه إنك ضعيف، لكنه غالبًا بيكون نتيجة ضغوط نفسية أو إرهاق مستمر، وأحيانًا يكون من علامات الاكتئاب. لو الإحساس ده بقاله فترة ومأثر على شغلك أو حياتك، متتجاهلوش. حاول تبدأ بخطوات بسيطة وترجع لروتين يومك تدريجيًا، لكن لو مفيش تحسن، الأفضل تحجز جلسة مع أخصائي نفسي عشان نحدد السبب ونحط خطة تساعدك ترجع لطبيعتك.
6226 مشاهدة 14 إجابات

طيب انا محتاجه انى اعرف ابعد الفون ازاى من بينتى لأنها متعلقة بيه جدا بس انا واخده منها لان بيحصل مشاكل وتعمل الغلط وانا لى بشيل بعد كده الغلط علىراسى

إذا كان التعلق شديدًا، فلا يُنصح بمنع الهاتف فجأة؛ لأن ذلك قد يزيد العناد والانفعال. الأفضل تقليل استخدامه تدريجيًا مع وضع قواعد ثابتة وواضحة.

اشغليها ببدائل حقيقية (لعب، رياضة، رسم، قراءة، وقت مع الأسرة)، وحددي أوقاتًا لاستخدام الهاتف، مع الالتزام من جميع أفراد البيت قدر الإمكان.

إذا كانت تدخل في نوبات غضب شديدة، أو يؤثر تعلقها بالهاتف على نومها أو دراستها أو سلوكها بشكل واضح، فأخبريني عمرها كام سنة؟ لأعطيك الطريقة الأنسب لهذه المرحلة العمرية.
4253 مشاهدة 14 إجابات

عاوزة دكتور لابني لعلاج الادمان هو بياخد جبيماش 800 بقاله سنتين ونص وبياخد حشيش بقاله سنين ورافض يروح مصحة بس عاوز يبطل بس هو بيمر بحالة نفسية صعبه بقاله فترة علشان [إقرأ المزيد...]

في البداية أنصحه يراجع طبيبً نفسيً متخصصًا في علاج الإدمان، لأنه هو المسؤول عن تقييم الحالة ووضع خطة العلاج المناسبة والتعامل مع أعراض الانسحاب بأمان. وبعد انتهاء مرحلة سحب المخدر واستقرار حالته، بيكون دور الأخصائي النفسي مهم جدًا من خلال جلسات الدعم النفسي والعلاج السلوكي، للمساعدة على منع الانتكاسة وتغيير السلوكيات المرتبطة بالإدمان.
7166 مشاهدة 17 إجابات

بنتى تعبانه جدا حصل معاها حوار صاحبتها دخلت فيه وهيا صاحبته عمرهاوبنتى دخله ٣ ثانوى اعمل ايه

السلام عليكم
اولا لازم نعرف ايه هو شكل الموقف عشان نعرف تأثيره
ثانيا فى الوقت الحالى احتواء بنتك وتسمعيها كويس من غير لوم او تقليل من مشاعرها وتشجعيها على التركيز على نفسها ودراستها ولو استمر الوضع ده من الأفضل استشاره اخصائى نفسى
5129 مشاهدة 16 إجابات

كيف اوقف واسحب سيروكسات 25 مجم من الجسم

السلام عليكم
مش من الأفضل سحبه بشكل مفاجئ عشان هو بيسبب أعراض انسحاب صعبه جدا زى دوخه وقلق ومشاكل فى النوم وشعور بصداع شديد جدا الافضل سحبه بشكل تدريجى مع خطه دوائيه مع طبيب نفسي عشان يتابع معاك الاعراض وقت الانسحاب اما بالنسبه للآثار النفسيه محتاج جلسات للتاهيل
3219 مشاهدة 9 إجابات

بنتى عندها ١٠ سنوات ولديها سلوك حاد فالتعامل معى ومع اخوها الأصغر ودائما تعترض على كل شى وليست حنينة ومهما اتحدث معها توعدني بالتغير ولا يوجد نتائج انا ووالدها على [إقرأ المزيد...]

تحتاج إلى جلسات تعديل سلوك وتغيير الشخصيه قبل الوقت القادم لأنها اذا اعتمدت على هذه الطريقه لا تتحملو شخصيتها فيما بعد
3753 مشاهدة 12 إجابات

والدي مريض جلطه مخ و عمل تسليك شريان سباني يوم الثلاثاء وضغطه وقع حصله درب واتحجز يومين عنايع وعرفت أن البوتاسيوم قليل ونزلت مرتين طوارئ يظبط ويتكلم ومره واحده ينام [إقرأ المزيد...]

ممكن يكون نقص البوتاسيوم عامل جزء من المشكلة، لكن الأعراض اللي حضرتك بتوصفيها زي النوم المفاجئ، والتشوش، وقول حاجات غير موجودة، وتغير مستوى الوعي، محتاجة تقييم طبي سريع لأنها ممكن تكون مرتبطة بأكتر من سبب، سواء بسبب الجلطة نفسها أو اضطراب في الأملاح أو أدوية أو أي مضاعفات أخرى.
أنصحك تتابعي مع الطبيب المعالج أو تراجعي المستشفى في أسرع وقت لو الأعراض مستمرة أو بتزيد. ربنا يشفيه ويعافيه ويطمّنكم عليه.
2169 مشاهدة 7 إجابات

ليه مبعرفش اعبر ولا اتكلم عن وجعى وكل حاجة عادى لامبالاة فى كل حاجه

يا رب تكوني بخير وصحة وسلامة، الموضوع ده بيحصل لأن النفس تكون مرهقة من كثرة الضغوط، فيلجأ العقل إلى نوع من "التبلد" أو كبت المشاعر كوسيلة لحماية نفسه، فيصبح التعبير عن الوجع صعبًا ويظهر الإحساس باللامبالاة، لكن هذه الأعراض قد تكون مرتبطة باضطراب مثل الاكتئاب أو القلق، لذلك من الأفضل إجراء تقييم لدى أخصائي نفسي أو طبيب نفسي لمعرفة السبب ووضع خطة علاج مناسبة، تنورينا في اي وقت مناسب
5336 مشاهدة 16 إجابات

السلام عليكم
ممكن سؤال لحضرتك
انا بقالى فتره كبيره قلبى وجعنى مش عارفة اتنفس مش عارفه اعيط حاسة ان فى حاجه تقيلة على قلبى بقيت انطوائيه طول الوقت مش عايزه [إقرأ المزيد...]

وعليكم السلام اهلا بحضرتك قبل اي شئ الف سلامة عليكي ثانيا طبعا للتشخيص الدقيق لازم اشوف حضرتك بس من اللي حضرتك كتباه في شوية اعراض لبعض الاضطرابات زي القلق او الاكتئاب وده بيبقي سهل علاجة لو تدخلتي بالعلاج المعرفي السلوكي والمهم تلحقي نفسك من اول السكة علشان لا قدر الله منلجئش ل ادوية
4439 مشاهدة 14 إجابات

اتعامل ازاى مع الضغط النفسى ومع مشاكل اهلى

حاسه انك واقعه تحت ضغط كبير ومش سهل ان مشاكل الاهل تبقى قريبه منك وماثره على نفسيتك بالشكل ده طبيعي تحسي بتعب او حيره او انك مش عارفه تتصرفي
حاولي تهدي نفسك الاول قبل اي رد ومتخليش الخلافات تخليكي تبعدي عن اهلك او تخسري علاقتك بيهم ممكن تحافظي على قربك منهم بكلام هادي وحدود بسيطه من غير ما تشيلي كل المشكله لوحدك
انصحك تتكلمي مع اخصائي نفسي عشان يساعدك تفهمي ضغطك وتتعلمي تتعاملي مع مشاكل البيت من غير ما تتاذي نفسيا
6144 مشاهدة 14 إجابات

سري
هل لديك سؤال طبي؟ إسأل طبيب متخصص

لديك سؤال طبي؟ ارسل سؤالك في سرية تامة الى طبيب متخصص للاجابة عليه في اقرب وقت

إسأل دكتور