اكشف

أسئلة في تخصص نفسي

أسئلة طبية تم سؤالها من خلال مستخدمين تطبيق اكشف وأجوبة من أطباء متخصصين على إكشف, يمكنك ترك سؤالك وسوف يتم اجابته في سرية تامة

ما أنوع طريقة كورس العلاج نفسي

متاح اكتر من مدرسة علاجية وبيتم تحديد المدرسة علي حسب المشاكل الموجودة
656 مشاهدة

أنا شخص انطوائي ومابحبش اتعامل مع الناس.. بعاني م التوتر والقلق وأي حاجة تكسر الروتين المتعود اعيشه.. موسوس شوية بالنظام.. دماغي مابتفصلش نهائي تفكير زايد ف أي حاجة [إقرأ المزيد...]

مساء الخير اللي بتشرحه عن نفسك هو في إطار مشكلتين اضطراب القلق العام واضطراب الشخصية الكمالية والاتنين احيانا بيبقوا في نفس الشخص والعلاج الدوائي زي المسكن بيقلل دواير القلق وبيزود السيروتونين في الدماغ ويقلل من الادرينالين وتوابعه على الجسم لكن المشكلة في الجينات الوراثية اننا بنبقي أهلنا على الأغلب اناس قلقة او وسواسيه او شخصيات كمالية يعني احنا شاربين منهم مش بمزاجنا احنا محتاجين نتعلم في العلاج النفسي طرق التراحم مع الذات وتقبل النقص والخطأ وتغيير الاسكيمة اللي اترسمت في دماغنا وهكذا عشان كده العلاج المعرفي السلوكي هيفرق معك الاستمرار في دوا زي لوسترال مش هيفيدك لانه جرعة ٥٠ مجم ولا حاجة وكمان في آثار جانبية اهمها قلة الرغبة الجنسية عند الرجال واحيانا تبلد المشاعر لا عارف افرح ولا عارف أحزن وخلافه بقي شوف معالج نفسي يجيد العلاج المعرفي السلوكي ومدارس التراحم والتقبل والالتزام هيفرقوا معك كتير الف سلامه
438 مشاهدة

دايما حاسه انى محبوسه جوا نفسي دايما مش عارفة انا مين وجيت الدنيا لى واعمل اى اسعد به نفسي دايما حاسه اني بكره نفسي ومش عايزاها كأن روحى جت غلط في الجسم دا والدنيا دى [إقرأ المزيد...]

مساء الخير في مدرسه نظم الأسرة الداخليه ودي إحدى المدارس العلاجية بتتكلم ان الانسان جواه كيانات مختلفه وكل كيان هو حتما له وظيفه وعلى الاغلب حمايته او انها تخلي شخصيته متسقة مع الواقع ومع المجتمع وفي العلاج النفسي بنبقي عايزين نخليهم يشتغلوا مع بعض مش ضد بعض عشان الشعور اللي بتوصفيه ده يقل وارد طبعا يكون اتعرضنا لصدمات نفسية مفاجأة ويمكن وده الأغلب اننا تربينا في بيئة متناقضة ومتضاربة في زرع المفاهيم والقيم وتطبيقها مع قلة المرونة في التعامل مع الخطأ اتمنى تدوري على النسخة الأنسب من نفسك حتى لو كانت البنت الجريئة مع محاولات تقليل الأخطاء او تصحيحها وعدم تكرارها احنا الأصل في خلق الإنسان الخطأ والاستغفار والسعي للتصحيح
438 مشاهدة

امي مريضة بالذهان كانت بتاخذ كويتبكس 300 وديباكين 500 ومودابكس 50 ولكن الدكتور قرر ايقاف الدوا لانها اصبحت لا تستجيب له وقرر الانسحاب الي اولابكس 1. وريسبردال 4 واتوموكس [إقرأ المزيد...]

اولا الف سلامه علي الوالده شفاها الله وعافاها فهمت من كلامك أن الأعراض الحركية ظهرت بعد تغيير الخطة الدوائية، وده يجعل واردًا جدًا — بشكل عام — أن يكون هناك ارتباط بين الأعراض وبين الأدوية النفسية نفسها أو طريقة التبديل بينها، لأن بعض مضادات الذهان قد تسبب أعراضًا حركية مثل التصلب، البطء الشديد في الحركة، صعوبة الاتزان أو المشي، وأحيانًا إحساسًا كأن الجسم لا يستجيب بسهولة. كما أن تبديل الأدوية أو سحب بعضها قد يتداخل مع الصورة الإكلينيكية، لكن لا يمكن الجزم عن بُعد أن السبب هو الانسحاب وحده أو الدواء وحده دون فحص مباشر وتقييم كامل. المصادر الطبية الموثوقة تذكر أن الريسبيريدون ومضادات الذهان عمومًا قد تسبب تيبسًا وصعوبة في الحركة أو السيطرة على العضلات، كما أن التصلب الشديد يستدعي تقييمًا طبيًا عاجلا
وبما أن الوالدة الآن لا تستطيع الوقوف على قدميها، فهذه ليست شكوى بسيطة ولا أنصح بالتعامل معها على أنها عرض عابر. في هذه الحالة الأفضل مراجعة طبيب نفسي استشاري في الطب النفسي والمخ والاعصاب بشكل عاجل جدًا، أو التوجه للطوارئ/مستشفى فيها نفسية وعصبية في نفس الوقت، مع أخذ قائمة كاملة بالأدوية القديمة والجديدة، وجرعاتها، وتاريخ بدء كل دواء وتاريخ إيقافه، لأن هذا التسلسل مهم جدًا في معرفة هل نحن أمام أثر جانبي دوائي، أو ما يشبه الأعراض الحركية الناتجة عن مضادات الذهان، أو سبب طبي/عصبي آخر يحتاج تدخل سريع.
مع تمنياتي بالشفاء العاجل لها .وجزاكم الله خيرا عنها
55 مشاهدة

دايما حاسه انى محبوسه جوا نفسي دايما مش عارفة انا مين وجيت الدنيا لى واعمل اى اسعد به نفسي دايما حاسه اني بكره نفسي ومش عايزاها كأن روحى جت غلط في الجسم دا والدنيا دى [إقرأ المزيد...]

الاول افتكري انتي جايه الدنيا ليه( وما خلقت الجن والإنس إلا ليعبدون) ثانيا واضح انك كارهه نفسك وده اما لاساءه اتعرضتي لها وصلتلك انك ما اتحبين ودي كده تروما محتاجه تتحل او لإحساس بالذنب بسبب غلطه او تقصير قصرتيه في حق نفسك وده يتحل بالإنجاز وانك تنصفي نفسك بس لازم تفتكري انها صنعة الله وتتحب وتحبيها عشان تقدري تنصفيها
152 مشاهدة

اذا كان ابن اخ خطيبي مصاب بالتوحد هل من الممكن ان يصاب به اولادنا اذا رزقنا الله باطفال

الدراسات تشير إلى أن وجود قريب من الدرجة الثالثة مصاب بالتوحد يرفع النسبة قليلاً جداً عن النسبة العامة في المجتمع، لكنها تظل نسبة منخفضة مقارنة بوجود أخ أو أخت مصابين. فالاجابة هي نعم و لكن بدرجة بسيطة جداً زيادة عن النسبة العامة.
260 مشاهدة

انا عندي ٢٦ سنه ومتجوزه ونا صغيره شويه وعندي مشكله اني بحس بنقص شديد جدا بمعني الكلمه ف العلاقه الجنسيه بيني وبين جوزي زمان الموضوع دا مكنش فارق معايا خالص زمان [إقرأ المزيد...]

لازم يا فندم تيجيلي العياده
ونتكلم لأن دا هيكون مفيد جدا لحضرتك ونقدر نلاقي حلول
124 مشاهدة

وانا صغيرة كنت بتعرض للتنمر ومكنتش بعرف أتكلم مع اي شخص بسبب احساسي إني قليلة ومكنتش بخرج زي الأطفال ولا كنت بشتري هدوم كتير واهلي كانو بيشتموني ويضربوني ومحدش [إقرأ المزيد...]

قسوة اهلك معاكى خلتك خايفة من الناس، لجأتى لاحلام اليقظة والسعادة السرية للهروب من الواقع المؤلم ،محتاجة جلسات نفسيةمع مختص يساعدك على التعافى
99 مشاهدة

السوأل الاول،،هل يمكن أن يكون لدي الشخص عاده أن يحب التقئ بدون سبب ولا حتي بسبب ألم في المعده او اي اضطراب فقط يشعر بالراحه لمجرد عاده من الطفوله بدون سبب وحب الشعور [إقرأ المزيد...]

السؤال الاول نعم وارد يحصل ده لكن تفصيلا لازم حضرتك تراجعي طبيب نفسية للتشخيص الدقيق ومتابة علاج مناسب ثم متابعة جلسات نفسية .... السؤال الثاني . لازم اوضح لحضرتك امر انه مفيش تشخيص بدون مقابله عيادية ودراسة حاله وافية وانا التشخيص معايا ممتد على اكتر من لقاء لدراسة الحالة جيدا ... انصح حضرتك ايضا بمتابعة طبيب نفسية اولا ثم يشرفنى بالحجز معايا لمتابعة الجلسات ان شاء الله . واتمنى لحضرتك العافية
254 مشاهدة

والدتي عندها 70 سنه وحابه تقعد لوحدها كل اما نكون متجمعين كويسين تختلق مشكله علشان تقعد لوحدها وكل شويه عايشه دور الضحيه مش بتحب تكون كويسه ودايما بصالنا اننا [إقرأ المزيد...]

غالبا هذا سلوك ناتج عن شعور عميق بالوحدة او الخوف من فقدان الاهتمام فتختار دور الضحية كطريقة غير واعية لجذب الاحتواء والطمأنينة وليس كرها لكم كما يبدو لكم
الافضل تتعرض نفسيه لتحديد المشكله ومعالجتها مبكراً
309 مشاهدة

سري
هل لديك سؤال طبي؟ إسأل طبيب متخصص

لديك سؤال طبي؟ ارسل سؤالك في سرية تامة الى طبيب متخصص للاجابة عليه في اقرب وقت

إسأل دكتور