بنتى تعبانه جدا حصل معاها حوار صاحبتها دخلت فيه وهيا...

Question

سألت أنثى (تبلغ عمرها 17 سنة) 13 July, 2026

3543 بنتى تعبانه جدا حصل معاها حوار صاحبتها دخلت فيه وهيا صاحبته عمرهاوبنتى دخله ٣ ثانوى اعمل ايه

Answer 1

السلام عليكم
اولا لازم نعرف ايه هو شكل الموقف عشان نعرف تأثيره
ثانيا فى الوقت الحالى احتواء بنتك وتسمعيها كويس من غير لوم او تقليل من مشاعرها وتشجعيها على التركيز على نفسها ودراستها ولو استمر الوضع ده من الأفضل استشاره اخصائى نفسى

Answer 2

مساء الخير يا فندم حاولي تحتوي مشاعرها جدا الفترة دي وتسمعيها اكتر بدون نصايح لان عقلها مش هيستوعب لاي كلام الفترة دي و خليها تعمل أنشطة بتحبها بحيث تقلل الstress الي بتمر بي

Answer 3

السن ده بيكون حساس جدًا، وأي مشكلة مع صديقة مقربة ممكن تأثر على نفسية البنت بشكل كبير، خصوصًا وهي في 3 ثانوي. أهم حاجة دلوقتي تسمعيها من غير لوم أو ضغط، وتحاولي تعرفي هي حاسة بإيه. لو لقيتي إنها بقت حزينة جدًا، أو منعزلة، أو تأثير الموضوع مستمر ومأثر على مذاكرتها أو نومها، يبقى الأفضل تتقابل مع أخصائي نفسي يساعدها تتجاوز اللي حصل بطريقة صح. التدخل بدري بيفرق جدًا.

Answer 4

يرجى مراجعة أخصائي نفسي اكلينيكي لفهم الاسباب وعمل خطة علاجية مناسبة لها

أخصائي الحسين حسن البنا عبد المنعم

(6 تقييم) 1511

نفسي
فيصل, الجيزة

Answer 5

في السن ده محتاجة احتراء وتفهم وانك تسمعيها وتحسي بيها واتكلمي معاها لحد ما تفهم ازاي تواجه صحبتها

Answer 6

التدخل النفسي المبكر بيفرق جدًا، وبيساعدنا نمنع المشكلة من إنها تكبر أو تأثر على حياتها الدراسية والعاطفية بعد كده.
لو حابة أعرف تفاصيل الحالة وأوجهك للتعامل الصحيح معاها، ممكن تحجزي جلسة تقييم نفسي.

Answer 7

طيب يافندم طالما في سلوك غير سوي صدر من البنت زميلتها اولا تجنبها تماما ثانيا تسمعيها وتعرفي الأسباب ولو الحاله طولت يستحب زياره مختص نفسي على الاقل لتخطي الصدمه وكيفيه تفريغ المشاعر السلبية

Answer 8

التعامل مع الأبناء فى السن ده ليه طبيعة خاصة
حضرتك محتاجة تعرفى المشكلة بتفاصيلها علشان تعرفى ازاى تتعاملى معاها
وفى نفس الوقت محتاجة تحتوى مشاعرها وتسمعيها بدون لوم أو ضغط
ولو المشكلة استمرت هنكون محتاجين زيارة متخصص لتحديد المشكلة والتدخل بشكل صحيح

Answer 9

عفوآ محتاجه توضيح لو سمحتي

أخصائية اشرقت محمد خليل

313

نفسي
المنصورة, الدقهلية

Answer 10

إذا كانت ابنتك تعاني نفسيًا بسبب ما حدث مع صديقتها، خصوصًا وهي في ثالثة ثانوي، فالأولوية الآن هي احتواؤها لا الضغط عليها.

اسمعها بهدوء دون لوم أو مقاطعة، ودعها تحكي ما حدث كاملًا، وأكد لها أن المشكلة يمكن التعامل معها.

ساعدها على تقليل الاحتكاك بالمشكلة مؤقتًا، والتركيز على النوم، والأكل، والمذاكرة، مع دعم عاطفي مستمر.

إذا استمر البكاء الشديد، أو توقفت عن المذاكرة، أو ظهرت أفكار بإيذاء النفس، أو استمر التدهور أكثر من أسبوعين، فاعرضها على طبيب نفسي في أقرب وقت.

Answer 11

تواصلي مع الدكتور فون واشرحيله الوضع بالكامل

أخصائي محمد عصام العجوز

(9 تقييم) 2175

نطق وتخاطب , نفسي
ميت غمر, الدقهلية

Answer 12

مساء الخير
انا متفهم حضرتك انك بتحاولي تساعديها...محتاجة تقعدي تفهمي منها براحة ايه المشكلة وياريت لو ليكي تواصل مع صاحبتها دي تعرفي منها
قدمي لها الدعم انك تسمعي منها كويس وحاولي متاخديش رد فعل مع صاحبتها من باب الأمومة غير لما تلمي الموضوع كله في ايدك

Answer 13

ممكن بنت حضرتك تتواصل معايا ونحاول نطمنها وتابع جلسات علشان تعرف ازاى تتصرف فى المواقف الصعبه إلى زى دى

Answer 14

خليها تحاول تعيد حسابتها في اختيارها للاصدقاء وتعرف ان الصدقات مش لازم تستمر طول العمر ومعرفة الناس في كل فترة بتتغير أو القديم بيبعد دة طبيعي ودايما في المرحلة دي بيكونو الصحاب شبة قريبن منزبعض لدرجة أنهم بيعتقدو أنهم لازم يبقو في نفس القرب دة طول العمر ودة غير حقيقي لأن في كل مرحلة الظروف بتتغير