ازاي اعرف ان انا عندي اكتئاب لان انا بقالي اكتر من7سنين ...

الاكتئاب محتاج تشخيص معالج او طبيب ف بالتالي يفضل متحاوليش تشخصي نفسك وعموما الاكتئاب ك اضطراب ليه سمات معروفه زي فقدان الشغف وفتور الهمه اضطرابات فالنوم والشهيه والانسحاب الاجتماعي وعدم الاهتمام بالنضافه الشخصية وغيره وللاسف فيه سمات كتير تتشارك فيها عده اضطرابات مختلفه ف يجب التوجه لمختص افضل

الأعراض اللي بتحكيها زي الخوف من التعامل مع الناس، إنك بقيتي ساكتة ومش زي طبيعتك، وفقدان الإحساس بنفسك القديمة… دي كلها مؤشرات إنك محتاجة تهتمي بصحتك النفسية وتتكلمي مع أخصائي نفسي يساعدك تفهمي اللي بتمري بيه بشكل أدق.
الاكتئاب مش مجرد حزن، بيكون له أعراض مستمرة بتأثر على التفكير والمشاعر والطاقة والتعامل مع الناس.
وأهم خطوة دلوقتي إنك ماتهمليش نفسك، لأن العلاج والدعم النفسي بيفرقوا جدًا حتى لو بقالك سنين حاسة بكده.

شوفي أقرب طبيب نفسي في مستشفى حكومي او عيادته الخاصة يقييم الاعراض و الشكوى

تبلد المشاعر. عدم تقبل الحياه. نزول ف الوزن او زباده. عدم انتظام النوم. الكبت

محتاجه أنك تحكي لمتخصص الي بتمري بيه و بدايه ظهور الأعراض وايه سببها و بعدها بيتم تشخيصك بتشخيص مبدئي و أثناء رحلة علاجك بنركز أكتر علي الأعراض الي ظاهره
زي مثلا الشعور بالقلق والخوف ، ضعف التوكيدية ، الحساسية الانفعاليه ، العزله ، عدم الاستمتاع بالأشياء ، ضعف التعاملات الاجتماعيه وقله الاصدقاء والمعارف ، صعوبه في اتخاذ القرارات ، الشعور بالوحده ، فقدان الشغف والطاقة ، الخمول والتعب ، اضطرابات في الأكل والنوم ..
المتخصص بيساعدك أكتر في تحديد الأعراض و بعدين تشخيصها و بيساعدك في تحسين جوده حياتك

الفكرة ان التشخيص بيتم عن طريق المتخصص لكن انا لو بعاني وحياتي واقفه في جانب ما والوضع مستمر معايا بقاله فتره فالأفضل ألجأ للعلاج النفسي لأن ممكن يكون حاجات تانيه غير الإكتئاب مقدرش اشخص كده
سلامتك

محتاجة تزوري طبيب لأن في فرق بين الاكتئاب والحزن والقلق وهكذا..
عشان لو في اكتئاب او قلق هتحتاجي علاج دوائي بجانب العلاج النفسي .. وعامة أعراض الاكتئاب( مزاج حزين وسيئ لا يتغير،احساس بالدونية والذنب ،انخفاض في الطاقة ،تغيرات في الشهية والنوم ...)

اللي بتحكيه دي علامات مهمة مينفعش تتساب 7 سنين.
تغيرك، خوفك من الناس، سكوتك طول الوقت... دي مش حاجة بسيطة وممكن تكون اكتئاب.
الحل؟ متشخصيش نفسك لوحدك. روحي لطبيب أو أخصائي نفسي يقيم حالتك صح.
اللي إنتي فيه له علاج، و7 سنين كفاية أوي تشيليهم لوحدك. خدي خطوة النهاردة

لازم تعمل سيشن مع لايف كوتش أو اخصائي نفسي
و هو بعدها بحدد ده اية

يتم تشخيص الإكتئاب من الاخصائي النفسي او الطبيب مع توفر مجموعة من الاعراض تتمثل في فقدان الاستماع والمزاج السئ واضطرابات في النوم والاكل والنشاط مع مشاعر تأنيب للذات وفقدان القدرة عل القيام بالمهام اليومية البسيطة ومع بعض الحالات افكار انتحارية وفقدان للركبة الجنسية
للتشخيص والعلاج يتم الحجز معي على طريق الموقع.
عماد حمدي

اكتر حاجه صح ف سؤالك اخر كلمه ..انك عايزه تعرفى الحل
وده اهم حاجه سواء كان اكتئاب او قلق او اى تشخيص اخرزع حسب الحاله المهم انى اعرف اتعامل ازاى مع المشكله اللى عندى
وخلينا نبدأ بالمشكلة من الاخر سكوتك وتغير طبيعتك وخوفك من التعامل مع الناس اكيد ليه اسباب كتير ممكن يكون الخذلان او الفقد او التعلق وفهمنا للأسباب ديه واصل المشكله هيخليكى تعرفى ترجعى احسن من الاول وتعرفي تتعاملي مع الناس بالطريقه الصح اللى تريحك
ممكن تتعامل تحطى حدود نفسيه صحيه ف التعامل مع الناس
ممكن نتعامل مع الافكار الغلط اللى فهمتها مثلا وانتى صغيره ممكن تقبل طبيعه الاخر وفهمها
ديه كلها حاجات هتساعدك بشكل مبداى انك تعرفى تحمى نفسك وتتعامل مع الناس بشكل صح يريحك

مقدر جدًا لمشاعرك.. ومدى معاناتك على مدى ٧ سنين..
لكن مش لازم يكون ده إكتئاب، ممكن يكون مرض نفسي تاني أو اللي حضرتك قولتيه ده عَرَض لمشكلة أكبر.. لكن في جميع الأحوال طالما حاسة إنك مش بخير ومش على طبيعتك ومتعطلة في حياتك؛ فالأفضل إننا نروح لمختص نفسي يقدر بالتعاون معاكي يقيم المشكلة بدقة ويساعدك في علاجها وحلها؛ لأن التشخيص بيكون عملية دقيقة جدًا تستدعي وجودك أمام مختص، ماينفعش تتم عن طريق كلام مرسل أو منقول من حد أو مكتوب في سطور..
أتمنالك تكوني بخير في أقرب وقت

مساء الخير. طبعا انا مقدره كمل معاناه اللي انت بتمري بيها ولكن احنا ما نقدرش نحدد اللي بتمر بيه كان اكتئاب او لا. لان الاكتئاب احيانا بيكون جاي مع الضربات تانيه. او ممكن يكون عندي عرض اخر هو اللي موصلني للمرحله دي او ممكن اكون مريب صدمه نفسيه سببت لي ضغوط وخوف من المجتمع وما بقتش قادره ارجع زي الاول ولكن مش معنى كده ان احنا هنفضل واقفين في نفس المحطه دي عشان الدنيا ما تكونش صعب عليك فيما بعد ابداي خدي خطوه ناحيه معالج علشان هو اللي يقدر يحدد التشخيص المناسب ليكي ويمشيك على خطه علاجيه تقدري تطلعي منها بالمرحله دي بكل سلام

سؤالك مهم جداً علشان تعرفي لو كان عندك اكتئاب ، حسب الدليل التشخيصي للاضطرابات النفسية التابعة لجمعية الطب النفسي الامريكي اتفقوا على
( يكون الشخص مكتئبا اذا انطبق عليه 5 أعراض أو أكثر لمدة لا تقل عن أسبوعين بشرط أن يكون أحد الأعراض منهم العرض الأول أو الثاني:

1 مزاج مكتئب معظم اليوم تقريبا كل يوم ) حزن ، فراغ ، يأس ، عيناه د دامعتان ) .

2. فقدان الاهتمام أو المتعة في معظم الأنشطة.

3 تغير ملحوظ في الوزن زيادة أو نقص أو تغير في || الشهية.

4. أرق أو فرط النوم.

5. بطء حركي نفسي أو تهيج يلاحظه الآخرون).

6. تعب أو فقدان الطاقة.

7. شعور بانعدام القيمة أو الذنب المفرط.

8. ضعف التركيز أو صعوبة اتخاذ القرارات.

9 أفكار متكررة عن الموت أو الانتحار.

التشخيص بيتم من خلال الجلسه من خلال مقياس لدرجه الاضطراب و بنحدد اي درجه اكتئاب عندك و بناء عليه بنوضع خطة العلاج

أول خطوة محاولة رؤية منظور الآخر بدون أحكام. بنغير دايرة التفاعل السلبية اللي فيها هجوم ودفاع.

مش مطلوب منك تشخصي نفسك لان فيه مقايس بنستخدمها علشان نقدر نشخص المرض ونوعه مش مجرد عرضين او تلاته .

&و الافضل ليكى انك تروحى لشخص متخصص يكون مصدر ثقه ويسمعك ويفهم حالتك ويساعدك
وان فرضنا ان عندك اكتئاب فالاكتئاب درجات وكل درجه ليها شغلها الخاص

التشخيص بيكون من قبل مختص
الاكتئاب احيانا بيكون عرض وليس اساس المشكلة
الافضل التوجه لمختص يساعدك علي فهم مشاعرك وكيفية التعامل معها.

الاكتئاب مش مجرد شعور بالحزن، لكنه حالة نفسية بتأثر على التفكير والمشاعر والطاقة والسلوك، وأحيانًا بتستمر لفترات طويلة ف لازم تقيميه الأعراض بناء ع المده

لازم نتوجه لمعالج او طبيب لتشخيص الحاله

لابد من زيارة متخصص نفسي لانه هناك مقاييس سيكومتريه ومقابلات شخصية لتشخيص الاكتئاب وبعدها يتم التوجه لطبيب نفسية لإعطاء أدوية لو وجد اكتأب وهو سوف يقوم بتحويل حضرتك لاخصائي نفسي لمتابعة جلسات العلاج

التشخيص مش بيكون من عرض واحد والاكتئاب مش مجرد مزاج سيء هواعراض مستمره من التأثير علي المزاج والنوم والطاقه ووظائف تانيه ويحتاج تقييم طبي دقيق لوضع الخطه العلاجيه المناسبه حسب شدة الأعراض بين العلاج النفسي السلوكي او الدوائي

اللي بتحكيه واضح إنه متعب جدًا، وكونك حاسة إنك “مش زي الأول” بقالك سنين ده يستحق الاهتمام فعلًا.
لكن مهم تعرفي إن تشخيص الاكتئاب ما يعتمدش على الحزن بس، إنما على مجموعة أعراض بتستمر فترة وتبدأ تأثر على حياتك وطريقتك في التعامل مع نفسك والناس.

من العلامات الشائعة للاكتئاب:

* فقدان الشغف أو الإحساس إن مفيش حاجة تفرّح
* الانعزال والخوف من التعامل مع الناس
* فقدان الطاقة أو الإحساس بثقل داخلي طول الوقت
* تغيّر الشخصية عن المعتاد (تبقي ساكتة أو مطفية)
* جلد الذات وكثرة التفكير
* اضطراب النوم أو الشهية
* الإحساس إنك “مش نفسك”

وفي نفس الوقت، في حاجات تانية ممكن تعمل أعراض شبه الاكتئاب، زي القلق الاجتماعي أو الضغوط المزمنة أو الإرهاق النفسي، عشان كده التشخيص الأفضل بيكون مع متخصص نفسي يقدر يفهم الصورة كاملة.

لكن أهم حاجة:
اللي بتمري بيه مش “دلع” ولا ضعف شخصية، ومش لازم تفضلي مستحملة لوحدك بعد 7 سنين تعب.
وفي ناس كتير جدًا كانت فاكرة إنها “اتغيرت للأبد” وتحسنت لما بدأت تفهم نفسها وتاخد دعم مناسب.

ابدئي بخطوة بسيطة:

* احكي لحد متخصص تثقي فيه
* حاولي ما تعزليش نفسك أكثر
* وماتحكميش على نفسك من النسخة المتعبة منك دلوقتي

إنتِ محتاجة احتواء ومساعدة، مش لوم