اكشف

أسئلة في تخصص نفسي

أسئلة طبية تم سؤالها من خلال مستخدمين تطبيق اكشف وأجوبة من أطباء متخصصين على إكشف, يمكنك ترك سؤالك وسوف يتم اجابته في سرية تامة

كيف يمكن تحويل العلاقة من (صراع إرادات) يبحث فيه الزوج عن الطاعة والزوجة عن التقدير، إلى (شراكة آمنة) يشعر فيها الزوج بهيبته دون تسلط، والزوجه بكيانها دون ندية؟"

تنميه مهارات التواصل ف الحل دائما في العلاقات الزوجيه هو صنع جسر من التواصل بين الطرفين حتي يتسني لكليهما الوصول للهدف وهو ليس الانتصار بل الراحه والامان وكل هذا يتم من خلال تعلم مهارات التواصل وهي اهم مهاره في الاعلاقات بين الشخصية اي كيف يمكننا التحدث والتعبير الصحيح لرغباتي بدون الاجترار لصراع ليس نهاية فائدة
7436 مشاهدة 20 إجابات

عايزة طبيب توحد للكبار

احجزي سيشن واتواصلي واتس اب وبلغي بالتخصص المطلوب
1615 مشاهدة 6 إجابات

علاج التوحد عند الكبار

لو تقصدي طفل يبقي ارشاد اسري وتعديل سلوك
لو شخص كبير محتاجين نعمل اختبارات عشان نشخص ونشتغل علي المشاكل بشكل محدد اكتر
6073 مشاهدة 12 إجابات

صباح الخير.... دلوقتي انا بقالي تقريبا سنتين بمر بازمات كتير اوي نفسية بسبب وفاه بابا او تباعا لوفاته وخصوصا ان علاقتي ب ايويا الله يرحمه كانت قوية وفي حب وتعلق شديد [إقرأ المزيد...]

وجعك مقدر جدا، واللي بتمري بيه ده صدمة فقدان قوية أثرت على جسمك وضغط دمك، ووصلتك لشعور باليأس انت لا تستحقيه.
انتي دلوقتي في مرحلة محتاجة تدخل متخصص فورا عشان نبدأ خطة علاج تنقذ جسمك ونفسك من التعب ده، هتحتاجى تروحي لعيادة طب نفسي متخصصة وهتحتاجي جلسات إرشاد نفسي مع العلاج عشان تساعدك تستردي توازنك.
انتي مش فاشلة انتي بس مجهدة وتعبانة، والمساعدة الطبية هي طريقك الوحيد عشان تقدري تكملي حياتك زي ما والدك كان يتمنى يشوفك.
6737 مشاهدة 17 إجابات

دلوقتي انا عندي مشاكل كبيرة جدا مع الشخص اللي موجود ف حياتي والمفروض ع وش اتخاذ اجراء رسمي ( مع العلم لاهلنا بالعلاقة برسمية ولكن في انتظار مجيء والده من الخارج ) [إقرأ المزيد...]

فكرة انكم تروحو لمتخصص فكرة صحيحه خصوصا أن بعض المشاكل تبقي أن كل واحد شايف المشكلة أو الموضوع من وجهه نظرة بس والمتخصص بيساعدكم في انكم تشوفو الجانب التاني للمشكلة
لو حابين تشرقوني اهلا بيكم
احنا بس عايزين نفهم حاجه أن مش شرط في المشكلة أن في حد فينا يكون غلطان ممكن بس نبقي في حاجه فاهمنها غلط او شايفين جزء من الزاوية
واننا ندور علي طريقة نتفاهم فيها مع بعض ده مش عيب
6673 مشاهدة 16 إجابات

باخد علاج لوسترال 100من سنه بس من اسبوعين حاسه بتراجع الأعراض على خفيف

يفضل تراجع طبيبك المعالج لاعادة تقييم الاعراض و التحسن و الخطة العلاجية
7197 مشاهدة 12 إجابات

انا عندي ADHD و علاماته باينة و عارف من صغري كدة هل دكتورة فاطمة شريف هي الي لازم اروحلها و هل كدة هي تقدر تكتبلي روشتة لاي ادوية هحتاجها؟

ممكن أنصحك بالكشف عند دكتور جميل صبحى معايا في العيادة هو استشارى و يقدر يعالج حضرتك و يكتب ادوية تساعد
3524 مشاهدة 6 إجابات

عند قيامي من النوم مهما كانت مدة النوم اقوم في حالة ضيق ادخل الحمام للتبول فقط واستنجا من البول وأخرج علي البلكونه لمده تزيد عن الساعه وفي هذه المده اقوم والاستغفار [إقرأ المزيد...]

ألف سلامه .. اللي بتمر بيه أعراض من القلق ودي بتحسس الإنسان إنه مش قادر يتنفس أو إنه محبوس، وعشان كدة بتهرب للبلكونة عشان تحس بالأمان
​عشان نساعدك تعدي المرحلة دي حابة أنصحك بكذا حاجة بسيطة أنك ​اطمن على صحتك: بما إن حضرتك عندك 72 سنة، أول خطوة نعملها هي إننا نكشف باطنة أو قلب للتأكد بس إن ضيق التنفس ملوش أي سبب عضوي .. وبعدها ممكن تتوجه لمعالج نفسي لمساعدتك في تحسين جوده حياتك
3705 مشاهدة 7 إجابات

ابني 25 سنه مدمن حشيش وبرشام بتاع اعصاب ومبهدلنا علي طول بيتكلم وخناقات وكلامه حاااااااد دايما وقله ادب ومش بيراعي حد خالص ودايما بيتجاوز فالشتايم والاهانه ومش [إقرأ المزيد...]

لازم يرجع تاني المصلحه ولازم يقعد وقت كافي هناك لا يقل علي ٦ شهور ويكون فيه تأهيل نفسي وسلوكي ويتم الشغل علي اكتر من مستوي لاكن في البيت الوضع مش هيتغير
4193 مشاهدة 9 إجابات

انا كنت ف علاقة من سنتين لحد من كام يوم علاقة كانت لمدة اول سنة شبه مثالية بشكل مرعب الشخص اللي دخل حياتي اولا دخل ف وقت حساس جدا كان قبل وفاه بابا بكام شهر وارتبطنا [إقرأ المزيد...]

واضح من كلامك إنك مريتي بفترة صعبة جدا، خصوصا إن العلاقة بدأت في وقت حساس مرتبط بفقدان والدك، وده ممكن يخلي التعلق بالشخص اللي كان جنبك وقتها أقوى وأعمق.

لكن العلاقة الصحية لا تقوم على التهديد، التخيير، الإحساس الدائم بالذنب، التحكم، أو التقليل. من حق الطرف الآخر يطلب اهتمام واحتواء، لكن مش من حقه يحول ده لمراقبة أو ضغط أو إهانة أو تحميلك مسؤولية كل مشكلة.

الأعراض اللي بتوصفيها من استنزاف، فقدان شغف، تعب نفسي وجسدي، انعزال، وإحساس بالصدمة محتاجة تتاخد بجدية. مهم تاخدي مساحة هادئة تراجعي فيها العلاقة بعيدا عن الخوف أو الذنب، وتسألي نفسك: هل العلاقة دي بقت مصدر أمان ولا مصدر ضغط واستنزاف؟

أنصحك تضعي حدود واضحة لأي إهانة أو تحكم أو تهديد، والأهم تراجعي استشاري نفسي يساعدك تفهمي تأثير الفقد والتعلق والضغط النفسي، ويدعمك في اتخاذ قرار صحي يحافظ على نفسيتك وسلامك.
1249 مشاهدة 4 إجابات

سري
هل لديك سؤال طبي؟ إسأل طبيب متخصص

لديك سؤال طبي؟ ارسل سؤالك في سرية تامة الى طبيب متخصص للاجابة عليه في اقرب وقت

إسأل دكتور