ابني 25 سنه مدمن حشيش وبرشام بتاع اعصاب ومبهدلنا علي...

Question

سألت إمرأة (تبلغ عمرها 46 سنة) 29 April, 2026

1422 ابني 25 سنه مدمن حشيش وبرشام بتاع اعصاب ومبهدلنا علي طول بيتكلم وخناقات وكلامه حاااااااد دايما وقله ادب ومش بيراعي حد خالص ودايما بيتجاوز فالشتايم والاهانه ومش بيراعي اني امه دايما يزعق فيه ويزقني وانا تعبت لاني كمان وديته المصحه واول ماطلع شرب تاني وخلاص جبت اخري مش عارفه اعمل ايه تاني ورافض تماما اي علاج من اي نوع

Answer 1

لازم يرجع تاني المصلحه ولازم يقعد وقت كافي هناك لا يقل علي ٦ شهور ويكون فيه تأهيل نفسي وسلوكي ويتم الشغل علي اكتر من مستوي لاكن في البيت الوضع مش هيتغير

Answer 2

تقدري تروحي لدكتور بحيث يقدر يساعدك ف فتره اولي ازاي تخليه عنده عدم مقاومه للعلاج ومن بعدها علطول يقدر يروح مستشفي او يتابع حتي مع الامانه العامه للصحه النفسيه وهو فالخارج وتذكري دائما انه مريض يحتاج للعلاج ف التراحم اولي خطوات علاجه

Answer 3

رحله علاج الادمان تحتاج علاج دوائي و علاج تأهيلي و تعديل السلوكيات الادمان و يفضل حجزه في مكان تأهيل تحت إشراف أطباء و المتابعه المستمرة
تمنياتي بالشفاء العاجل

Answer 4

محتاج متابعة مع طبيب او حجز في مصحة فترة لا تقل عن ٦ شهور

أخصائية نورهان جمال محمد

197

نفسي
مدينة نصر, القاهرة

Answer 5

اول حاجة محتاجة تعرفيها ان كل ده من سلوكيات وسمات المدمن
لان ده مرض بيؤدى لتغيير فالسلوك والتصرفات
ممكن المصحة اللى راحها مكانتش مرخصة او مفيهاش اخصائيين ودكاترة يساعدوه على العلاج النفسي
مهم جدا انك تحمى نفسك تشليى اى الات حادة من قدامه او اى حاجة ممكن يأذيكم بيها

وربنا معاكم ويشفيه

Answer 6

اضطراب نفسي مصاحب للاعتماد لابد من الكشف للتحديد الحجز المناسب للمريض طبق للظروف الخاصة بالمريض والأسرة.
وقد يكون الحجز إجباري على أكثر تقدير

Answer 7

حاولي تحاوريه وتقنعيه وتخليه يشوف الخساير اللي وصلها والمزايا اللي ممكن يكسبها من خلال العلاج، وبعدين توديه لمختص نفسي وادمان يقدر يساعده وقتها لو جاي بإرادته..
وربنا يعافيه ويطمنكم عليه

Answer 8

يا رب تكوني بخير وصحه وسلامه اتمنى الشفاء لابن حضرتك ، اولا لازم يتحجز في المصحه تاني ويتعالج من ادمان الحشيش ، ثانيا لازم يتابع بعد خروجه من المصحه مع دكتور نفسي بيعالج بالادويه علشان ما تحصلوش انتكاسه زي اللي حصلت له دلوقتي وثانيا لازم يعمل جلسات cbt ودي عباره عن علاج كلامي بيعملها الاخصائي النفسي علشان يدي له مهارات حل المشكلات اللي بتقابله ويعرف شخصيته كويس ويعرف نقاط قوته ونقاط ضعفه علشان يتوافق مع نفسه ومع الاخرين ويبدا يهتم بشغله ويحقق اهدافه في الحياه