أسئلة في تخصص نفسي

أول حاجة أحب أقولك إنك مش لوحدك، واللي بتمري بيه معروف جدًا في الوسواس القهري الديني، وناس كتير بتعاني من نفس الأفكار والإعادة والخوف ده.
والأفكار اللي تيجي غصب عنك مش معناها إنك موافقة عليها أو إنك شخص سيئ أو قليلة الإيمان.

الوسواس بيخلي العقل يفضل يقول:
“عيدي”
“اتأكدي”
“لو ما عدتيش تبقي غلطتي”

لكن الحقيقة إن كل مرة بتسمعي له وتعيدي، هو بيقوى أكتر، ويطلب إعادة أكتر بعد كده.
وعشان كده العلاج بيكون إننا بالتدريج نتعلم ما نمشيش وراء كل أمر يقوله الوسواس، حتى لو حسينا بقلق وخوف في البداية.

ولو طنشتي الوسواس وماعدتيش الوضوء أو الصلاة بسبب الشك القهري، فده مش ذنب، بالعكس ده جزء من مقاومة الوسواس وعلاجه.
الدين أصلًا مبني على اليسر، وربنا لا يكلّف الإنسان بهذا العذاب والتكرار المستمر.

إنتِ محتاجة دعم وعلاج مناسب، لأن واضح إن الوسواس مرهقك جدًا ومستنزفك، وده قابل للتحسن بإذن الله مع العلاج الصحيح.
حاولي ما تدخليش في نقاش طويل مع كل فكرة، وما تبحثيش عن يقين 100%، لأن الوسواس عمره ما يقتنع بالكامل.

وربنا يعلم إنك متألمة ومش قاصدة أي إساءة، فاهدَي ومتعذبيش نفسك وتجلديها

ضروري تروحي لمعالج نفسي لأن مش هتعرفي تتعافى لوحدك بكام نصيحه كدا، الموضوع مش سهل ومحتاج متابعه و ربنا يخفف عنك

الاكتئاب محتاج تشخيص معالج او طبيب ف بالتالي يفضل متحاوليش تشخصي نفسك وعموما الاكتئاب ك اضطراب ليه سمات معروفه زي فقدان الشغف وفتور الهمه اضطرابات فالنوم والشهيه والانسحاب الاجتماعي وعدم الاهتمام بالنضافه الشخصية وغيره وللاسف فيه سمات كتير تتشارك فيها عده اضطرابات مختلفه ف يجب التوجه لمختص افضل

الطبيب فالغالب مده الجلسه لا تتعدي ٢٠ دقيقه وشغله بيكون في تشخيص الحالة وكتابه الدواء المناسب بناءا علي الاعراض ومتابعه كل فتره ( بيركز اكتر علي الجزء البيولوجي ) اما الاخصائي مده الجلسه لا تقل عن ٤٥ دقيقه ودا اللي بيقدر يمشي معاك رحله تغييرك ف انك تنظم انفعالاتك و تفهم نفسك وتبدا تتعلم طرق جديده للعيش بكفاءه

تنميه مهارات التواصل ف الحل دائما في العلاقات الزوجيه هو صنع جسر من التواصل بين الطرفين حتي يتسني لكليهما الوصول للهدف وهو ليس الانتصار بل الراحه والامان وكل هذا يتم من خلال تعلم مهارات التواصل وهي اهم مهاره في الاعلاقات بين الشخصية اي كيف يمكننا التحدث والتعبير الصحيح لرغباتي بدون الاجترار لصراع ليس نهاية فائدة

احجزي سيشن واتواصلي واتس اب وبلغي بالتخصص المطلوب

لو تقصدي طفل يبقي ارشاد اسري وتعديل سلوك
لو شخص كبير محتاجين نعمل اختبارات عشان نشخص ونشتغل علي المشاكل بشكل محدد اكتر

وجعك مقدر جدا، واللي بتمري بيه ده صدمة فقدان قوية أثرت على جسمك وضغط دمك، ووصلتك لشعور باليأس انت لا تستحقيه.
انتي دلوقتي في مرحلة محتاجة تدخل متخصص فورا عشان نبدأ خطة علاج تنقذ جسمك ونفسك من التعب ده، هتحتاجى تروحي لعيادة طب نفسي متخصصة وهتحتاجي جلسات إرشاد نفسي مع العلاج عشان تساعدك تستردي توازنك.
انتي مش فاشلة انتي بس مجهدة وتعبانة، والمساعدة الطبية هي طريقك الوحيد عشان تقدري تكملي حياتك زي ما والدك كان يتمنى يشوفك.

فكرة انكم تروحو لمتخصص فكرة صحيحه خصوصا أن بعض المشاكل تبقي أن كل واحد شايف المشكلة أو الموضوع من وجهه نظرة بس والمتخصص بيساعدكم في انكم تشوفو الجانب التاني للمشكلة
لو حابين تشرقوني اهلا بيكم
احنا بس عايزين نفهم حاجه أن مش شرط في المشكلة أن في حد فينا يكون غلطان ممكن بس نبقي في حاجه فاهمنها غلط او شايفين جزء من الزاوية
واننا ندور علي طريقة نتفاهم فيها مع بعض ده مش عيب

يفضل تراجع طبيبك المعالج لاعادة تقييم الاعراض و التحسن و الخطة العلاجية