أخصائية وردة محمد رجب

بقالي أكتر من أسبوع مش بنام من كتر التفكير في الماضي ودماغي بتوجعني كاني بشوف كل حاجه وحشه حصلت لي قدامي عبارة عن فيلم كل يوم

حاسه احساس وحش اوي ومتعب عندي حاله من الوحده مش عايزه اشوف حد ولا اصحي من النوم ماعنديش قدره اعمل حاجه في البيت لعيالي تعبت من ضغط الناس بعد ما خذلوني اقرب الناس ليا خذلوني ودمروني أهل أصحاب جيران كلهم ظلموني ظلم واضح وبين وسب وقذف واتفقوا عليا خلوني مش قادره أواجه حد ثقتي اتهزت في نفسي ومش قادره اتخطي. ولا شايفه نفسي زي زمان مع اني الناس كانت بتقول عليا مغرورة من كتر ثقتي في نفسي

مراتي حامل وعندها انفصام في الشخصيه بتفكر كثير بتصلي كتير و بتعيط تاخد علاج اريبيزاول 30وكوتيزيك300

انا عايزه دكتوره تساعدني ابطل نتف شعري و ضرب نفسي و تساعدني اتعامل مع اني اقلع الحجاب

عندي مشكله في النوم من فتره كبيره اكتر من شهر كنت بتابع مع دكتور ف كتبتلي كبسولات اشواجندا و melacryst بس مكنش فيه اي نتيجه ولحد دلوقتي عندي مشكله بردو وكنت عايزه اخد حاجه تكون احسن في البدايه كنت بحس بخنقه وقبضه واجي انام بتخض ومش بعرف انام دلوقتي ده راح ممكن شوية قلق بس صغيرين ومش دايما

مؤخرا بقيت عصبية جدا مش بعرف اتحكم ف اعصابي لما بتوتر ساعات بحس اني مخنوقة اوي ومحدش فاهمني أو بمعنى أصح مش عارفه اتكلم واقول انا حسة ب اي بعد ما بتعصب بحس صدري اتقفل ونفسي اتكتم وساعات بحس ماما مش بتحبني ومعنديش مبرر لكل دة

انا خاطب وتراودنى افكار شذوذ هل يوجد علاج للشذوذ لا استجيب لتلك الافكار ولكن اصبحت تتزايد على وخايف تكمل معايا باقيه عمرى

من و انا طفله بتوتر من التواصل مع الناس و أو الكلام أمام للناس و لكن مع الوقت سيطرت على الإحساس ده و بقيت شخص اجتماعي و عندي علاقة كتير و لكن من بعد تمت 18 سنة التوتر رجع لكن بشكل هجومي بقيت بعرق بغزاره نفسي بيروح جسمي بيترعش بدوغ بفقد النطق مش بقدر اقف على رجلي الرؤية بتكون مش واضحه بقيت بخرج من البيت بصعوبه ممكن ما اروحش امتحان لمجرد اني هنزل لوحدي علاقاتي قلت و كل ده حصل فجاه و مش قادره امنعه

إزاي اقدر اتعامل مع تروما الفقد والخوف من ان الشخص اللى بحبه ممكن يحصله اي حاجة وميبقاش موجود زي ما حصل مع بابا وسابني(مات على ايدي)