إزاي اقدر اتعامل مع تروما الفقد والخوف من ان الشخص...

Question

سألت فتاة (تبلغ عمرها 21 سنة) 1 June, 2026

4406 إزاي اقدر اتعامل مع تروما الفقد والخوف من ان الشخص اللى بحبه ممكن يحصله اي حاجة وميبقاش موجود زي ما حصل مع بابا وسابني(مات على ايدي)

Answer 1

مقدرة جداً وعارفة إن اللي مريتِ بيه مع والدك (ربنا يرحمه) مكنش سهل أبداً، وإنك تشوفي موقف زي ده يحصل قدام عينيكِ دي تروما (صدمة) حقيقية مش مجرد زعل عادي. طبيعي جداً عقلك يحاول يحميكِ دلوقتي بوجع الخوف من تكرار الصدمة مع حد بتحبيه، اقبلي مشاعرك ومتقاوميهاش، افصلي الماضي عن الحاضر، رجعي نفسك للواقع(هنا والآن)، شاركي مشاعرك ومخاوفك مع مختص
البقاء لله في والدك، وافتكري دايماً إنك تستحقي تعيشي وتطمني.

Answer 2

أنا حاسة بيكِ جداً، واللى بتمرى بيه ده طبيعي بعد الوجع والصدمة اللى عشتيها. لما بنفقد حد بنحبه فجأة، عقلك بيبدأ يعمل إنذار خوف طول الوقت عشان يحميكِ من إنه يتوجع تاني، فبيخليكِ خايفة على الباقيين.عشان نقدر نتعامل مع الخوف ده، هنمشي مع بعض في كام خطوة:اقبلي الخوف: متقاوميش الفكرة، قولي لنفسك: 'أنا خايفة عشان اتوجعت قبل كده، وعقلي بيحاول يحميني'.افصلي الماضي عن الحاضر: فكرى نفسك إن اللى حصل زمان كان حدث منفصل

Answer 3

في كذا مدرسة علاجية لعلاج الصدمات و الفقد
حضرتك ممكن تشرفيني عشان اقدر اساعدك تفهمي مشاعرك ويبقي عندك صلابة نفسية ومهارات تقدري بيها تتخطي حادث الفقد وتعيشي بشكل طبيعي .

Answer 4

فقدان شخص عزيز خصوصًا في ظروف مؤلمة ممكن يخلّي الخوف من فقدان الناس اللي بنحبهم يزيد جدًا مهم تفتكري إن الخوف ده مرتبط بالتجربة اللي مريتي بيها، مش بالضرورة دليل إن حاجة وحشة هتحصل مع الوقت ومعالجة مشاعر الفقد بشكل صحي الإحساس بالأمان بيزيد والخوف بيقل ومهم اعرف تفاصيل اكثر طبعا علشان أعرف أفيدك أكتر في حالتك

Answer 5

الخوف اللي بتحسي بيه ده مش مجرد قلق عادي — ده جرح حقيقي اتشكّل من تجربة صعبة جداً زي فقدان بابا بالطريقة دي .ده اسمه "قلق الفقد الثانوي"، وهو شائع جداً عند ناس عاشوا صدمة فقدان مفاجئة . الواحد يبدأ يحس إن اللي بيحبهم في خطر دايم.
الخطوة الأولى في التعامل معاه هي إنك تتعلمي تفرقي بين "خطر حقيقي" و"خوف بيجي من الجرح القديم" — لأن الاتنين بيحسوا بنفس الشكل من جوا، بس محتاجين استجابة مختلفة.
الموضوع ده محتاج شغل أعمق من مجرد نصيحة.

Answer 6

ربنا يرحم الوالد ، الخوف من الفقد ووجود مشاعر صعب علينا اننا نقدر نتعامل معاها و كمان اننا نغرق في نخارفنا ونخليها تأثر علينا في الوقت الحابي ، فيه افكار اتكونت في الحدث ده بقت مسببه مخارف ومأثرة في الوقت الحالي عشان كذه محتاجه تتابعي مع اخصائي نفسي يساعدك اكتر في ده وان شاء الله هتكوني احسن

Answer 7

محتاجة مختص يقيم هي كانت صدمة فقط ولا الصدمة دي عملتلك اضطراب كرب ما بعد الصدمة لإن في فرق كبير
وفي الحالتين محتاجة متابعة جيدة والتزام مع المختص خصوصا في حالة اضطراب كرب ما بعد الصدمة

Answer 8

مقدّرة جدًا حجم الألم اللي مريتِ بيه مع والدكِ، ربنا يرحمه ويغفر له. اللي شوفتيه وقتها كان موقفًا صادمًا ومؤلمًا، ومن الطبيعي إن أثره يفضل موجود ويظهر في صورة خوف شديد على الأشخاص اللي بتحبيهم.
أحيانًا العقل بيحاول يحمينا من تكرار التجربة المؤلمة، فيخلينا نتوقع الأسوأ أو نقلق بشكل زائد، لكن مهم نفتكر إن الماضي شيء، والحاضر شيء آخر. حاولي ترجعي نفسك للواقع الحالي وتفرقي بين ما حدث وقتها وما يحدث الآن.
تقدري تتواصلي معايا لنبدء خطه التعافي

Answer 9

اهلا بحضرتك شيء طبيعي في الصدمات بنخاف من تتالي الفقد الفقد يعتبر كرب وحضرتك معرفتش تتعايشي معاه لان حتى كلمه التخطي صعبه ساعات العقل بيتوقع الخساره حتى لو مفيش مؤشرات لحدوث ذلك العلاج بيبتدي في الفصل بين الماضي والحاضر القلق عمره ما يمنع الفقد ولا يحمي يرهق اكتر

Answer 10

لازم نعمل تعديل للافكار الموجوده عن الفقد و نواجه الخوف وندخل برنامج معرفي ان شاء الله حضرتك تحجزي و نبدا التقييم

Answer 11

محتاجة جلسات مع معالج نفسي
هيساعدك تفهمي مشاعرك وتتخلصي من الأفكار الي بتسبب لكي القلق والخوف

Answer 12

مقدر ان شعور الفقد شعور مميت ومهلك جدا اني احس اني فقدت حد وهو موجود، فلا بنبسط بوجوده معايا وخايف افقده، عشان كده محتاجين نفهم سوا نفسنا وليه بنخاف نفقد الناس، وازاي نتصرف

Answer 13

محتاجين نتعالج مع موقف فقدان الاب لأنه لو متعالجش هيفضل لي تأثير كبير علي اي حد بتحبيه

Answer 14

التجربة اللي مريتي بيها تعتبر صدمة فقد، وده ممكن يسبب خوف زائد من فقد أي شخص بتحبيه.

التعامل مع ده بيكون من خلال تهدئة القلق وقت ما يشتد (زي التنفس البطيء وتثبيت نفسك ف
ي الواقع)، ومعالجة أثر الصدمة تدريجيًا.

ويُنصح بالمتابعة مع معالج نفسي لمساعدتك على تجاوز أثر الفقد وتقليل الخوف بشكل مستمر

Answer 15

من خلال الجلسات مع أخصائي نفسي أو صحة نفسية هتتعافى بإذن الله

أخصائية مرام موسي محمد

(2 تقييم) 1780

نفسي
العصافرة, الاسكندرية

Answer 16

اهلا بيكي. اتمنالك ان قلبك يهدى ويطمن.

اللي مريتي بيه فقد صعب جدا. وكون والدك توفى قدامك شيء مؤلم وممكن يسيب خوف قوي من فقد أي شخص بتحبيه.

الخوف هنا مش دلع ولا ضعف. ده غالبا أثر صدمة وفقد محتاج يتشاف برحمة وهدوء.

حاولي ما تفضليش لوحدك مع الأفكار. اكتبي مشاعرك. وكلمي شخص آمن قريب منك.

أنصحك جدا تبدأي جلسات نفسية. عشان تقدري تعالجي أثر الفقد والخوف من التكرار بشكل آمن.

Answer 17

الخوف الزائد من فقدان الناس بعد صدمة فقد كبيرة بيكون طبيعي نسبيا، لأن العقل بيحاول يحميكى من وجع متكرر.
فبتلاقي نفسك تتعلقي زيادة، تقلقي عليهم طول الوقت، أو تتخيلي إن ممكن يحصلهم حاجة فجأة.
التعامل مع ده بيبدأ إنك تفهمي إن خوفك نابع من الصدمه معينه مش من الواقع الحالي.حاولى تعبري عن مشاعرك ومتفضليش شايلة الذنب أو الخوف لوحدك، لأن كتمانهم بيكبرهم.
ومع الوقت والدعم النفسي المناسب، الإحساس بالأمان بيرجع تدريجي وبيخف التعلق والخوف.