اكشف

أسئلة في تخصص نفسي

أسئلة طبية تم سؤالها من خلال مستخدمين تطبيق اكشف وأجوبة من أطباء متخصصين على إكشف, يمكنك ترك سؤالك وسوف يتم اجابته في سرية تامة

انا عندى مشاكل نفسيه وحشه مأثره ف حياتى اوى ونفسي احلها هينفع اتواصل مع الدكتور اون لاين وبعدين ابدأ جلسات على الحقيقه

طبعًا ينفع نبدأ أونلاين الأول.
الجلسات الأونلاين بتكون خطوة مبدئية ممتازة، بنقدر من خلالها نفهم حالتك بشكل أوضح، ونحدد أهداف العلاج، ونحط خطة أولية قبل ما نبدأ الجلسات وجهًا لوجه.

وده بيساعدك تدخلي العلاج وإنتِ مرتاحة ومطمنة، وبيسهّل علينا نختار الطريقة الأنسب لحالتك لما تيجي في الجلسات الحقيقية.

لو حابة نبدأ أونلاين مبدئيًا قبل الحضور، تقدري تحجزي ونحولها اوتلاين
169 مشاهدة

هو بصراحه فيه سؤالين دلوقتي انا عندي قصر نظر وعندي 19 سنه هينفع اعمل عمليه الليزك دا السؤال الاول السؤال التاني هو انا ممكن اعرف تفاصيل أن انا لو روحت حجزت في عياده مع [إقرأ المزيد...]

ينفع تعمل عملية الليزك وإنت عندك 19 سنة لو درجة نظرك ثابتة وسمك القرنية مناسب، وده الدكتور بيحدده بالفحص. وبالنسبة للجلسة النفسية، أول ما تروح الدكتور هيسمعك كويس، يسألك شوية أسئلة عن نومك ومزاجك وحياتك، وبعدها يشرحلك الخطة العلاجية اللي هتمشي عليها. الجلسة مجرد كلام وفهم للمشكلة ومفيش فيها أي حاجة تخوّف
591 مشاهدة

وسواس في الطهارة و خاصة غسل الجنابة

تحتاج الى جلسات للتأهيل النفسي والثقه بالنفس والتغلب على هذه الحاله
تقدر تنورنى فى العياده
115 مشاهدة

ابني بقا بيسرق رغم ان معاه الفلوس الكتير وبقا بيشرب سجاير وبعاقب بالضرب مفيش نتيجه بالهدوء برضو مفيش نتيجه وبيكذب دايما اعمل ايه

محتاجين نعمل ملاحظة سلوكية اية اللي وصل الطفل لده لأن سن الطفل صغير جدا هل بيتفرج علي الفون ام الاب والام قاسيين معاه فبيلجئ للكذب والسرقة محتاجين تعرضوا الطفل لمتخصص في العلاج النفسي تخصص اطفال
910 مشاهدة

ابنى فى سن مراهقة ومرحلة صعبة جدا ولا استطيع التعامل معه ولا زوجتى ناقم على حياته متمرد سلوكياته اتغيرت اصبح قليل الادب وعصبى جدا متحاوز مل الخطوط الحمراء لا يفرق [إقرأ المزيد...]

اللي بيمر به ابنك مش قلة أدب قد ما هو صراع مراهقة وضغط نفسي مخليه يخرج عن السيطرة. الشدة واللين مش هيحلّوا لوحدهم. المطلوب تقييم نفسي بسيط نشوف منه سبب التمرد، وبعده نبدأ خطة تعامل واضحة داخل البيت: قواعد ثابتة، عقاب منطقي، وطريقة تواصل تهدّي العناد مش تزوده. الحالة محتاجة تدخل نفسي سريع قبل ما السلوك يتثبت
581 مشاهدة

السلام عليكم زوجي عنده ٦٠ سنه كان عنده جلطات متكرره بس مجلوش جلطه تاني من ١٠ سنين الجلطه كانت في المخ أثرت علي المخ وجعلت فيه فجوات كثيره وهو الان بيعمل حاجات مش [إقرأ المزيد...]

عليكم السلام ورحمة الله
الف سلامة علي زوجك،انتي مش محتاجة تجبلي أدوية كتير ،ولا محتاجة تكشفي كشف غالي،الموضوع ببساطة انه محتاج دكتور نفسي يشوفه ويشخصه حص ويكتبله علاج فعال"مش شرط غالي،ولا شرط كتير" والأطباء هنا كتير علي موقع اكشف
وكمان العلاج
ده متاح بأجر رمزي في عيادة الطب النفسي بالقصر العيني وعين شمس
شفاه الله وعفاه
71 مشاهدة

أنا فى تالت ثانوى ويحاول اذاكر بالعافيه شويه اذاكر كويس وشويه بذاكر بالعافيه وبعد ما اسستن الاستاذ بتاع العربى كانت سؤالتنى سؤال وانا اتلغبط فقولت اسؤالنى سؤال [إقرأ المزيد...]

قد يكون احتراق نفسى Burnout
يعنى اى احتراق نفسى؟
الاحتراق النفسي هو حالة من الإرهاق النفسي والعقلى والجسدى اللي بيحدث نتيجة للضغط المستمر و التحديات الكبيرة في الحياة.

و ده ممكن يكون بسبب
- الضغط في العمل أو الدراسة
- عدم التوازن بين الحياة الشخصية و العملية
- عدم الحصول على الدعم النفسي
- التوقعات العالية من النفس أو الآخرين
- التعامل مع ضغوط نفسية كبيرة بدون تفريغ

ممكن نتعامل معاه ازاى؟
- ناخد فترات راحة منتظمة
- نمارس الرياضة و الهوايات
- نتحدث مع أصدقاء أو أهل ثقة
- نتعلم نقول "لا" لما يكون الضغط كتير
- نطلب المساعدة من متخصصين لو احتاجنا
423 مشاهدة

ابنى عنده18سنه فى ثانويه عامه ظهر عليه اعراض زى عدم الرغبه فى الطعام وحزن وقلق وفقدان شغف وعدم وجود طاقه لاى شئ لا مذاكره ولا دروس حتى الصلاه بيصلى بالعافيه مع انو [إقرأ المزيد...]

محتاج جلسات علاج نفسى بجانب الأدوية
435 مشاهدة

هل استطيع مواكبة حياتي مع ثنائي القطب لانني لا املك المال للعلاج.. وايضا حياتي تتدمر ببطئ

لازم علاج ولو لفتره معينه مع الجلسات علشان تقدر تواكب حياتك بشكل أفضل لاستمرار حياه افضل لان ثنائي القطب من الاضطرابات التى تحتاج لعلاج دوائي
102 مشاهدة

حل للخوف والواسواس القهري

اللي بتحسي بيه ده اسمه قلق زائد مع وسواس، وده بيخلي العقل يكبّر أي إحساس بسيط في الجسم أو أي فكرة ويحوّلها لخوف.
أول خطوة إنك توقفي البحث عن الأعراض على الإنترنت لأنه بيزود الوسواس.
وتاني خطوة إننا نشتغل سوا على تهدئة القلق وتغيير طريقة تفكيرك من خلال جلسات علاج نفسي منتظمة، لأنها أهم جزء في علاج الوسواس جنب أي دواء.
والحالة دي ليها علاج وبتتحسن جدًا مع الالتزام.
355 مشاهدة

سري
هل لديك سؤال طبي؟ إسأل طبيب متخصص

لديك سؤال طبي؟ ارسل سؤالك في سرية تامة الى طبيب متخصص للاجابة عليه في اقرب وقت

إسأل دكتور