ا عندي مشكل كبير اني كلام الناس بياثر عليه جامد وساعات ...

اهلا بحضرتك الفكره ان حضرتك بتاخذي كلام الناس بعين الاعتبار وبتقيمي نفسك من خلال رؤيتهم ليكي دوافع ثقتك في نفسك تكون اكبر وتركيزك على الجوانب الايجابيه واكتشاف ذاتك هيساعدك اكتر لو تم المتابعه مع اخصائي نفسي ده افضل

التأثر بكلام الآخرين ووجود اعراض كالخوف منهم وبمواجهتهم اعراض لضعف الثقة بالنفس التي قد تكون احد اعراض اضطراب ما لا يجب الاعتماد علي وصف مختصر لوضع تشخيص بل يجب اخذ تاريخ مرضي كامل ومفصل لوضع تشخيص مناسب ومن ثم وضع خطة علاجية مناسبة لذلك يجب زيارة الاخصائي النفسي

واضح إن كلام الناس بيضغط عليك جامد وبيسبب لك خوف وحزن. وده مؤلم خصوصا لما يأثر على عبادتك وثقتك بنفسك.

الخوف من مواجهة الناس والتأثر الزائد بكلامهم ممكن يكون مرتبط بقلق اجتماعي أو حساسية عالية للنقد. وده قابل للتحسن.

حاول تقلل مراقبة ردود الناس ليك. وافتكر إن رأي الناس مش دايما حقيقة عنك.

أنصحك تبدأ جلسات نفسية. عشان تتعلم تواجه الخوف تدريجيا وتبني ثقتك بنفسك بدون جلد ذات.

اهلا بيك
ده وصف لعدم الثقة الداخلي والتشكك العالي وبالتالي بتكون الحساسية عالية للآخرين سواء بالتأثر بيهم أو تفسير التفاعلات معاهم بشكل فيه مشكلة أو الخوف والانسحاب من مواجهتهم للخوف من عواقب المواجهة
تقدر تشرفني في العيادة للكشف عن المشكلات وأسبابها وتوعيتك بيها وتعليمك مهارات التعامل معاها ومهارات التواصل أيضًا

الشخص الي بيكون حساس لاي نقد وبيأثر عليه بيبقي محتاج شوية بس مهارات يتعلمها بحيث انه تزود ثقته بنفسه وتصلح علاقته بنفسه ويتعلم طرق ازاي نواجهه اي شخص بينتقدنا ف منتأثرش بعد كده

ده ممكن يكون نوع من أنواع اضرابات القلق أو الفوبيا لكن طبعا محتاجة تقييم لأن ما ينفعش ندي إجابة بدون تقييم مفصل..

راجع لطريقة التربية السلبية وهي التضخيم من صوره الناس في ذهنك من احد الوالدين الناس هتقول علينا اي فدا اثر عليك دلوقت وخلي تعمل حساب للناس زيادة على العموم بيتعالج من الجذور ثم بنعمل علاج سلوكي معرفي

> "تأثرك الشديد بكلام الناس والخوف من نظرتهم أو مواجهتهم قد يشير إلى وجود قلق اجتماعي أو انخفاض في الثقة بالنفس، خاصة إذا كان هذا الأمر يؤثر في حياتك اليومية أو يجعلك تتجنب المواقف الاجتماعية. وهذه المشكلة شائعة ويمكن علاجها. أنصحك بمراجعة اختصاصي نفسي لإجراء تقييم دقيق لحالتك، حيث يساعد العلاج النفسي -وخاصة العلاج المعرفي السلوكي- في تقليل الخوف، وتغيير الأفكار السلبية، وزيادة الثقة بالنفس.

اللي بتمر بيه غالبا مرتبط لحساسيه زايده تجاه تقييم الآخرين ودا بيخلي كلام الناس ياخد مساحه اكبر من حجمه الحقيقي والشخص يبدأ يراقب نفسه ويخاف من الرفض والانتقاد ويدخل ف دائره من الانسحاب والتجنب والعزله وكمان القلق والحزن
من المفيد المتابعه مع معالج نفسي لمساعدتك ع تعديل افكارك تجاه ذاتك والاخرين وتنميه مهاراتك الاجتماعيه ومهارات التعامل مع القلق الاجتماعي

واضح إن تأثير كلام الناس وصل لدرجة مأثرة على راحتك ونفسيتك وحتى عبادتك، وده يستحق الاهتمام. محتاجين نفهم مصدر الخوف ده وإيه اللي بيغذيه، لأن لما السبب يتحدد، العلاج بيكون أوضح وأسرع. احكيلنا أكتر، وإن شاء الله نساعدك خطوة بخطوة.

المواجهه مع الناس بتوجع اول وتانى مره بعد كدا باخد تعود مايكون فى حساسية وضعف العبادة محتاج تثق ان ربنا مايزعل من العبد اللى بيحاول لكن الشخص اللى بيترك نفسه للضعف ذنبه اكبر

اهلا وسهلا بحضرتك
قد يكون هناك مؤشرات للقلق الاجتماعي والتاثر بكلام الناس عرض من اع اضه والخوف من النقد
الحل والعلاج بيكون بحلسات العلاج المعرفي السلوكي بتجيب نتايج كويسه جدا
وطبعا مراجعه متحصص نفسي لاتاكد من اااعراض ووضع خطه علاجيه .
والف سلامه عليك