مبنمش من وفاه ماما بقالى ٤ شهور نوم متقطع وتعب نفسي...

Question

سألت فتاة (تبلغ عمرها 29 سنة) 7 June, 2026

6029 مبنمش من وفاه ماما بقالى ٤ شهور نوم متقطع وتعب نفسي وعياط ووجع

Answer 1

رحمة الله على والدتك حضرتك حاليا تعاني من اضطراب في النوم بالإضافة طبعا إلى صدمة الفقد لو الأمر استمرّ لازم مراجعة العيادة

Answer 2

في الغالب انتي تعانين الم الفقد وربما سبب لكي صدمة نفسية نتيجة فقدان الام
من الواضح انكي متعلقة بها كثيرا نحتاج لبعض التكتيكات العلاجية التي تساعدك علي إعادة توازنك النفسي والتكيف علي مع الحياة

Answer 3

البقاء لله ربنا يرحم والدتك ويصبر قلبك دي صدمة الفقد ...ولسه حديثة عندك وده طبيعي مخك وجسمك يعبروا عن الصدمة والحزن بالبكاء والأرق وضيق الصدر.
انتي محتاجة للوقت ومساحة للتعافي... ويفضل تلجأي لمتخصص يساعدك في تخطي الآلام الفقد

Answer 4

اهلا بيكي. ربنا يرحم والدتك ويطمن قلبك.
اللي بتمري بيه مؤلم جدا. وفقد الأم ممكن يسبب حزن شديد. عياط. أرق. وإحساس بتعب نفسي كبير.
لكن استمرار النوم المتقطع والتعب لمدة 4 شهور مع الوجع والبكاء معناه إنك محتاجة دعم نفسي قريب عشان الفقد كبير ومحتاج يتعالج بهدوء.
أنصحك تتكلمي مع أخصائي نفسي. ولو الأرق شديد جدا راجعي طبيب نفسي كمان.

Answer 5

ألف سلامة لحضرتك،
وأعظم الله أجرك في ماما
ربنا يرحمها
ويغفر لها
ويجعل قبرها روضة من رياض الجنة

اللي بتوصفيه ده اسمه "حزن طبيعي" بس زايد شوية. 4 شهور نوم متقطع وعياط ووجع = قلبك لسه بينزف.
ده مش ضعف إيمان ولا دلع.
دي صدمة فقد الأم،
وأقسى وجع ممكن إنسان يستحمله.

Answer 6

غالبا عندك ptsd اضطراب كرب ما بعد الصدمة ودا محتاج جلسات علاج نفسي وتقنيه emdr

أخصائي عصام احمد احمد

(4 تقييم) 2253

نفسي
مدينة نصر, القاهرة

Answer 7

اولا البقاء لله ربنا يرحمها ويغفر لها
مشاعر الفقد من أصعب المشاعر خصوصا لو كان شخص قريب مننا وانا حاسة بيكي ومتفهمه جدا المشاعر اللي حضرتك بتعشيها
الفترة اللي احنا فيها دي محتاجين شخص داعم في حياتنا أما من الأهل أو حد متخصص يقدر يساعدك عشان تعدي الفترة دي

Answer 8

لانك اتعرضتى لصدمه اثرت عليكى نفسيا ف محتاجه تفرغي كل افكارك ومشاعرك لكى نحدد المشكلة وكيفيه التعامل معاها

Answer 9

البقاء لله ربنا يصبر قلبك ويرزقها الجنة

محتاجة تراجعي طبيب نفسي علشان لو محتاجة دواء يظبطلك النوم، ومن ثم ممكن تحتاجي جلسات علاج نفسي وممكن لا على حسب تشخيص الطبيب

Answer 10

الله يرحمها و يصبرك و يعينك
من الافضل زيارة طبيب مختص هيساعدك تخرجي من المحنة الشديدة دي

Answer 11

البقاءلله، طبعًا وفاة حد قريب وعزيز زى الام بيسبب حزن والم شديد بس احيانًا ممكن يسبب اعراض نفسية بتختلف شدتها من شخص لآخر ، لو الاعراض استمرت فترة طويلة بشكل مؤثر على ممارسة الحياة بشكل طبيعى ممكن نحتاج وقتها مساعدة لتخطى المرحلة بشكل سليم

Answer 12

البقاء لله
طبيعي الفقد شئ مؤلم جدا
وممكن في بعض الأوقات يسبب صدمه
مهم مراجعه الطبيب للتقييم النفسي مبكرا بشكل أوضح
مفيش تشخيص من خلال رساله مهم التقييم في العياده

Answer 13

لازم تتوجه لمعالج نفسى عشان تعرفى تتخطى مرحلة الصدمة من موت الام
احيانا بيحتاج ناس فى حياتنا يساعدونا لتخطى الازمات

Answer 14

فقدان الأم من أصعب الخبرات الإنسانية، والحزن والبكاء بعد الوفاة طبيعيان، لكن عندما يستمر الأرق الشديد والتعب النفسي لفترة طويلة ويؤثران على الحياة اليومية، نحتاج لتقييم أدق لمعرفة هل هو حزن طبيعي ممتد أم توجد أعراض اكتئاب أو قلق مصاحبة تحتاجى دعم وعلاج.

Answer 15

البقاء لله وحده واتمنى لحضرتك بالشفاء العاجل، العلاج النفسي بيتم عن طريقهم الطريق الاول هو الطبيب النفسي اللي بيعالج الادويه، والطريق التاني هو الاخصائي النفسي وده بيعالج عن طريق الجلسات الكلاميه باستخدام العلاج المعرفي السلوكي والاخصائي هيساعدك باعطائك المهارات اللازمه لتجاوز الصدمه النفسيه اللي حصلت لك منذ وقت الوفاه علشان كده لو حابه جلسات كلاميه تنورينا في العياده ولكم جزيل الشكر والتقدير

أخصائي سيمون رأفت 182 نفسي التجمع, القاهرة · Answer 16

دا طبيعي جدا بعد صدمة الفراق لكن محتاجه تتجاوزي الصدمه و ترجعي لحياتك الطبيعي من خلال الجلسات لان لوحدك مش هاتقدري و هتواجهي افكار سلبيه كتير

Answer 17

احتمال يكون حزن طبيعي بعد الفقد
إضطراب تكيف مع بعد الفقد
بداية حزن مطول يعطل الحياة فده يسمى اضطراب الحزن المطول لأن الحزن الطبيعي مع الوقت بيقل تدريجيا

Answer 18

محتاجة جلسات تفريغ مشاعر وتأهيل نفسي للتقبل والتعامل مع مشاعرك السلبية ومواجه وتعديل افكارك

Answer 19

البقية فى حياتك
ربنا يعزيكى ويصبرك
طبيعى انه تحزنى بعد اى فقد فى حياتك وبالذات لو حد غالى عليكى لكن اكتر من ٣ شهور بتكونى محتاجة تطلبى المساعده من طبيب نفسى علشان على حسب شده الأعراض الموجوده هايحدد إذا كنت محتاج أدويه ولا جلسات نفسيه فقط علشان ترجع تكمل حياتك وتقبل موت والدتك

Answer 20

رحم الله والدتكِ، ما تمرين به قد يكون جزءًا من الحزن الشديد بعد الفقد، لكن استمرار الأرق والعياط والتعب النفسي لمدة 4 شهور يستدعي الاهتمام وطلب الدعم النفسي نحن هنا لمساعدتكِ على تجاوز هذه المرحلة والتخفيف من معاناتكِ.

Answer 21

البقاء الله ده حزن طبيعي ع حدث قوي لو موضوع ماثر ع حياتك وشغلك ونفسك وبدا تتجنبي مكان واحداث وفلاش باك يبقي لازم دكتور لان ممكن تعمل اضطراب كرب ما بعد الصدمه

Answer 22

حضرتك محتاجه زياره طبيب نفسي لوصف علاج دوائي يساعد عالنوم ثم علاج سلوكي مع اخصائي نفسي

Answer 23

البقاء لله حزنك علي والدتك فتره ده طبيعي
قلة النوم مع الحزن وتأثيرهم علي حياتك يستدعي مراجعه طبيب نفسي وتقييم الوضع الحالي ويحدد المطلوب سواء علاج دوئي او جلسات دعم نفسي متخصصه

Answer 24

هنا التدخل الدوائى لازم مع تدخل الجلسات نفسى ف نفس الوقت

دكتورة آية طلعت

(58 تقييم) 1160

نفسي
مصر الجديدة, القاهرة

Answer 25

*رد مختصر تبعتيه ليها:*

البقاء لله
اللي بتمري بيه طبيعي جداً بعد الفقد. 4 شهور من غير نوم وعياط ووجع ده كتير على أي حد.
من فضلك كلمي دكتور نفسي في أقرب وقت قلة النوم والحزن الشديد محتاجين مساعدة متخصصة عشان تعرفي تنامي وترتاحي شوية الدكتور هيساعدك تعدي الفترة دي بأمان