السلام عليكم انا بفضل افكر كتير اوي في كل حاجه حصلت أو...

​اللي بتوصفه بيعكس حالة من القلق بتمر بيها و لما الضغوط دي بتزيد، العقل بيلجأ لـ "أحلام اليقظة" أو تخيل حوارات طويلة مع أشخاص كنوع من الهروب أو محاولة "السيطرة" على مواقف حاسس إنك مخدتش حقك فيها في الواقع.
​و عمر ال 20 بيكون مليان بتغيرات وضغوطات حياتية كبيرة. وعشان نحدد بدقة هل الأعراض دي تندرج تحت قلق عام أو آلية دفاعية معينة، بنصحك جداً بزيارة طبيب أو معالج نفسي مختص لتقييم الحالة بشكل كامل ووضع خطة علاجية تناسبك. أتمنى لك راحة البال.

مساء الخير
لازم اسأل حضرتك اكتر من سؤال علشان نتأكد من وجود اضطراب نفسي

وعليكم السلام ورحمه الله وبركاته لازم تتعرض لاخصائي نفسى

التفكير بصوت مرتفع Thinking out loud هو عادة صحية جدًا تحسِّن من عمليات الوعي كيفية أداء العمليات العقلية meta cognition وهو ما يساعدك على التفكير بشكل أفضل وتخفيف التوتر.

ولكن إذا كان هذا التفكير يعطلك عن استذكار دروسك ومتابعة مهام يومك بكفاءة فأنت بحاجة إلى إرشاد نفسي وربما علاج قصير المدى للتخلص من هذه المشكلات.

وبشكل مبدئي أنصحك بالعمل وشغل الوقت بالهوايات وأداء المهام المؤجلة منك وإعداد قائمة بالأنشطة السارَّة والهوايات لتقليل وقت الفراغ.

التفكير الزائد محتاج تدخل من معالج نفسي علشان نعرف ازاي نتعامل مع تدفق الأفكار
كمان محتاجين تشخيص لسبب الحالة لأن التفكير الزائد سمة من سمات اضطراب adhd علشان كدا محتاجين نتأكد من التشخيص ونعرف سبب تدفق الافكار ونتعامل معاه كعرض ونتعامل مع الاضطراب الأساسي

انا شايفه ده قلق توتر زائد جدا وعامل معاك جلد ذات واحساس ذنب وتوقعات وبناءات ع تفكير ده محتاجين تقييم من كذا جانب هل اشخاص بتكلمها بتسمع صوتها وترد عليك ولا ده تخيل هل فى صدمه او حاجه حصلت قبل ده .

انا شايفه ده قلق توتر زائد جدا وعامل معاك جلد ذات واحساس ذنب وتوقعات وبناءات ع تفكير ده محتاجين تقييم من كذا جانب هل اشخاص بتكلمها بتسمع صوتها وترد عليك ولا ده تخيل هل فى صدمه او حاجه حصلت قبل ده .

زوري طبيب نفسي لتحديد الاضطراب وكتابة الدوا اذا لزم الامر شرط الطبيب قبل المعالج

أهلا بحضرتك
التفكير الزائد في اللي حصل أو اللي ممكن يحصل مع الإحساس بالذنب ممكن يكون مرتبط بالقلق أو الضغط أو اجترار الأفكار، ومحتاج تقييم لو مستمر ومأثر على حياتك.
وبالنسبة لتخيل أشخاص والتكلم معاهم: لو أنت عارف إن ده خيال وبيحصل جوه دماغك، فده ممكن يحصل مع التفكير الزائد. لكن لو بتسمع أصوات كأنها حقيقية أو من بره، لازم تكشف عند طبيب نفسي.
الأفضل تحجز مع أخصائي أو طبيب نفسي لو الموضوع مأثر على نومك أو دراستك أو يومك.

وعليكم السلام
ده وصف لانشغال زايد واندماج مع الماضي والمستقبل وصعوبة الاتصال بالحاضر، ده بيكون نابع من أمور متعددة، وبالنسبة لتخيل الأشخاص فا ممكن لفراغ داخلي عندك أو كبت من أمور
تحتاج مختص يحددلك المشكلات وتعرفها وتشتغلوا بخطة علاجية اذا كانت المشكلة اللي بتوصفها معطلة حياتك

دا over thinking
وليه مدارس علاجيه
زى العلاج المعرفي السلوكي والعلاج الجدلى
تكتسب المهارات دى
علشان الريموت بتاع افكارك ودماغك يكون معاك ومتكنش مسحول من الأفكار هى اللى بتتحركك

المهم تكونى عارفه انه تخيل يعنى بشوفى فعل حد وتكلميه ويكلمك ولا مجرد تخيل

عليكم السلام،الف سلامة
ضروري التوجة الي استشاري طب نفسي لتشخيص المشكلة و البدء في العلاج

اضطراب نفسي يحتاج الحضور للتقيم

وعليكم السلام
كثرة التفكير والتخيلات ممكن تكون نتيجة قلق أو ضغط نفسي، خصوصًا مع تأنيب الضمير والتفكير الزائد. لو الموضوع بقى مستنزف ليك أو واخد وقت كبير من يومك فالأفضل تتكلم مع أخصائي نفسي يساعدك تنظم أفكارك وتفهم السبب ويساعدك علي اداره الافكار

ده overthinking نتيجة تجارب وخبرات مرينا بيها خصوصا من الطفولة
نصيحتي التوجة لمعالج عشان يقدر يساعدك في الجزء ده

عليكم السلام ورحمه الله وبركاته
ده جاى من مشاعر جواك محتاج تطلع يفضل تفريغ مشاعر بالكتابة كل يوم و ربع ساعة بدون موبيل ف هدوء
والصلاة ع أوقاتها و حاول تحجز مع اخصائي نفسي علشان تعرف كيفية التعامل مع الأفكار السلبية .

اهلا بحضرتك يافندم اسال الله العظيم الشفاء العاجل. التفكير الزائد وتأنيب النفس المستمر قد يكون مرتبطًا بالقلق أو الوسواس، حاول تقلل مراجعة المواقف القديمة وركز على الحاضر ولو الأعراض زادت استشر مختص.

مساء الخير يا رب تكون بخير وصحه وسلامه، في اسئله كتير مهمه زي كم ساعه بتنام في اليوم + ولازم يتعمل لك اختبار في اضطرابات الشخصيه علشان يكون عندك المهارات الكافيه علشان تواجه نوع الاضطراب اللي بتعاني منه وده بيتم عن طريق اخصائي نفسي ، اما لو كان الموضوع متعلق بان انت مش عارف تنام وعدد ساعات نومك قليله جدا فيرجى التوجه الى طبيب نفسي بيعالج بالادويه

و عليكم السلام ورحمة الله من الافضل ان تزور طبيب نفسي للفحص و التقييم ثم العلاج المناسب