سألت إمرأة (تبلغ عمرها 36 سنة) 9 June, 2026
4362 السلام عليكم
انا ابني 15سنه بيكدب عليا كتر وانا متاكده انه بيكدب وسلوكه اتغير تماما حولت اعاقب بردك مفيش فايده واخر حاجه اكتشفت انه بيشرب سجاير وانا اتاكد وبردك بيحلف انه مش بيشرب انهرت جامد وجالي شبه جلطه ومش عارفه اعمل ايه معاه ولا اتعامل معاه تاني مع العلم باباه مسافر بيجي كل شهر يعني يعتبر متواجد معانا بس انا خايفه اقوله وبداري عليه علشان خايفه من رده فعله هيبقي صعب اوي
اهلا بحضرتك طبيعي في مرحتله كمراهق يكذب ويهرب من الاعتراف بالحقيقه حاولي تتجنبي المواجهة والصراخ اثناء النقاش خلي العلاقه بين حضرتك والده فيها احتواء مبنيه على ثقه وحوار واسمعي اكتر الامر لو زاد من الافضل يعرض على اخصائي نفسي خاص بمشكلات المراهقين
أخصائية خلود جودة وعليكم السلام
الطبيعي والده هو اللي ياخد المسئولية ويتواصل معاه في الجزء ده
وياريت يكون التواصل هادي ويفهم منه ليه بيشربها وليه بيكذب
مش المشكلة في أنه بيسافر المشكلة في طبيعة التعامل مع الولد محتاجة تكون إيجابية علشان نعدل من السلوكيات السلبية
الطبيعي والده هو اللي ياخد المسئولية ويتواصل معاه في الجزء ده
وياريت يكون التواصل هادي ويفهم منه ليه بيشربها وليه بيكذب
مش المشكلة في أنه بيسافر المشكلة في طبيعة التعامل مع الولد محتاجة تكون إيجابية علشان نعدل من السلوكيات السلبية
أخصائية سمر سماح عبد الباقي مساء الخير يا رب تكوني بخير وصحة وسلامة ، ابن حضرتك محتاج جلسات تعديل سلوك ولو حابه تنورينا في العيادة، و خليني اقول ليكي اهم الاسباب اللي بتخليه يكذب:
1. الخوف من العقاب أو رد الفعل العنيف
2. السعي للاستقلالية والخصوصية
3. الرغبة في القبول الاجتماعي ومجاراة الأقران (الصحاب)
4. تجنب خيبة أمل الوالدين والحفاظ على مكانته امامهم
5. حماية أصدقائه (منطلق "الجدعنة")
6. ضعف مهارات مواجهة المشاكل
واتمنى لحضرتك ايام سعيده ان شاء الله
1. الخوف من العقاب أو رد الفعل العنيف
2. السعي للاستقلالية والخصوصية
3. الرغبة في القبول الاجتماعي ومجاراة الأقران (الصحاب)
4. تجنب خيبة أمل الوالدين والحفاظ على مكانته امامهم
5. حماية أصدقائه (منطلق "الجدعنة")
6. ضعف مهارات مواجهة المشاكل
واتمنى لحضرتك ايام سعيده ان شاء الله
أخصائي الحسين حسن البنا عبد المنعم تجنبي المواجهة بعصبية وحاولي احتواء ابنك وفهم أسباب التغيير، وإذا كنتِ بحاجة لمساعدة في التعامل مع مشكلات المراهقة والكذب والعناد فجلسات الإرشاد النفسي والأسري قد تساعدكِ في الوصول للحل المناسب.
أخصائية مروة هندي في سن 15 سنة، العقاب الشديد أو المواجهة المستمرة بيزود الكذب مش بيقلله، لأن المراهق بيبقى خايف من رد الفعل أكتر من الغلط نفسه.
الأفضل تركزي على بناء الثقة والحوار الهادئ، وتحسسيه إنك مهتمة بيه وبصحته مش بس بمعاقبته. كمان مهم تتابعي التغيرات في أصحابه ودراسته ومزاجه، لأن التدخين والكذب أحيانًا بيكونوا علامة على ضغوط أو تأثير الاصحاب
وبالنسبة للأب، يفضل يكون عارف، لكن بطريقة هادئة ومتفقين معًا على احتواء المشكلة بدل التصعيد.
الأفضل تركزي على بناء الثقة والحوار الهادئ، وتحسسيه إنك مهتمة بيه وبصحته مش بس بمعاقبته. كمان مهم تتابعي التغيرات في أصحابه ودراسته ومزاجه، لأن التدخين والكذب أحيانًا بيكونوا علامة على ضغوط أو تأثير الاصحاب
وبالنسبة للأب، يفضل يكون عارف، لكن بطريقة هادئة ومتفقين معًا على احتواء المشكلة بدل التصعيد.
أخصائي أميرة على حمزه لا تجنبي العقاب لان هيزيد من سلوك الكدب عنده لازم نفهم اسباب السلوك ده اي وممكن يبقي خوف ومحتاجه تبدأ تعملي معاه نقاش ويكون في احتواء هيبدا هو يتكلم وتكوني مصدر امان ليه
أخصائي عبد الدايم خالد هذا اضطراب سلوك ومحتاج علاج نفسي معرفي سلوكي في جلسات
دكتور محمد محمد الديب محتاج يجي اشخصة واشوف اي سبب ااكدب وهو عنده اي احتمال شخصية حدية
أخصائي عصام احمد احمد ممكن نروح لاخصائي تعديل سلوك لو طفل ممكن يكون ده رد فعل دفاعي للفت انتباه او حاجه حصلت خلت طفل بيستسهل ده تجنبا للعقاب
أخصائية ملك محمود لازم يعرض على متخصص لمعرفه اسباب التغيير
اكيد فى تغيير سلوكى ملاحظ ولابد من المتابعه
اكيد فى تغيير سلوكى ملاحظ ولابد من المتابعه
أخصائية شيماء احمد الولد كبر ومحتاج راجل في حياتة خلي بابا يكتشف دة لوحدة من غير ما تقولي يعني كدة لما ييجي تقلي الإشارة ريحة غريبة يعني تلميحات وخلية يكتشف لوحدة بس لازم الاب يكون في الصورة لأن الطفل المراهق وخاصة ولد بيحتاج حد يفهم طبيعة اللي بيمر بيها
أخصائية Rania mohamed adel أنا متفهمه قلق حضرتك بس طبيعي في عمره ده ممكن تحصل شوية لغبطه بس مش محتاجه من حضرتك تنهريه وتكرهيه بس محتاجه بالعكس تقربي اكتر وتسمعي منه ليه بيعمل ده و بدون ضغط او اهانه وانصح حضرتك انه يتابع مع حد تخصص مراهقين وتعديل سلوك وبأمر الله تعدي الفتره دي وربنا يهديهولك
أخصائية زينب محمد نجدي وعليكم السلام ورحمة الله وبركاته
الكدب سلوك ينتج من اسباب كتير منها الخوف وقله الثقه ف النفس
ف المواجهه ف موقف زى شرب السجاير العقاب بس هيجيب نتيجه عكسيه وعند قبل ما نعاقب نسمع نفهم نعرف سبب اللى خليه يتجهه للسلوك ده
هل لاثبات الذات انو راجل وكبر
هل علشان يحس ان شبه أصحابه ومش اقل منهم
هل فراغ ... هل وسيله هروب مؤقته للسعاده
معرفتنا لسبب السلوك هيخلى ف سبيل للحل
الكدب سلوك ينتج من اسباب كتير منها الخوف وقله الثقه ف النفس
ف المواجهه ف موقف زى شرب السجاير العقاب بس هيجيب نتيجه عكسيه وعند قبل ما نعاقب نسمع نفهم نعرف سبب اللى خليه يتجهه للسلوك ده
هل لاثبات الذات انو راجل وكبر
هل علشان يحس ان شبه أصحابه ومش اقل منهم
هل فراغ ... هل وسيله هروب مؤقته للسعاده
معرفتنا لسبب السلوك هيخلى ف سبيل للحل
دكتورة آية طلعت وعليكم السلام ورحمة الله
اول حاجه لازم نعرف ان الولد في مرحلة المراهقه وبيحاول يقلد تصرفات الكبار من ناحية شرب السجائر ،
ثانيا لازم نعرف ايه سبب الكذب لانه في اسباب كتير جدا تؤدي ان الولد يكدب
اخر حتجهلازم تلجاي لمختص نفسي يعرف حضرتك سمات المرحله العمريه ويعرفك تتعاملي ازاي مع شكوة حضرتك
اول حاجه لازم نعرف ان الولد في مرحلة المراهقه وبيحاول يقلد تصرفات الكبار من ناحية شرب السجائر ،
ثانيا لازم نعرف ايه سبب الكذب لانه في اسباب كتير جدا تؤدي ان الولد يكدب
اخر حتجهلازم تلجاي لمختص نفسي يعرف حضرتك سمات المرحله العمريه ويعرفك تتعاملي ازاي مع شكوة حضرتك
أخصائية اميره محسن 1. عليكم السلام، ابنك في سن مراهقة + غياب الأب المستمر = طبيعي يدور على إثبات ذات حتى لو بالكذب والسجاير، وده مش معناه إنه ضاع.
2. العقاب والحلفان زودوا العناد والخوف عنده، فبطلي مواجهة وصراخ وابدئي بحوار هادي: "أنا خايفة عليك مش بغضب منك" عشان يثق فيكي.
3. لازم باباه يعرف بهدوء عشان يكونوا فريق واحد، وروحوا سوا لدكتور نفسي مراهقين لأن السجاير والكذب المستمر محتاجين تدخل متخصص مش عقاب بس.
انتِ أم قوية وربنا هيقويكي، متشيليش الحمل لوحدك.
2. العقاب والحلفان زودوا العناد والخوف عنده، فبطلي مواجهة وصراخ وابدئي بحوار هادي: "أنا خايفة عليك مش بغضب منك" عشان يثق فيكي.
3. لازم باباه يعرف بهدوء عشان يكونوا فريق واحد، وروحوا سوا لدكتور نفسي مراهقين لأن السجاير والكذب المستمر محتاجين تدخل متخصص مش عقاب بس.
انتِ أم قوية وربنا هيقويكي، متشيليش الحمل لوحدك.
دكتور عبد الرحمن بن علي احنا هنا في سن مراهقة وسن المراهقة محتاج تفاهم واحتواء كبير لأن في السن ده بيحصل تغيرات نفسية وجسمية كبيرة حتي المراهق نفسه مش بيكون فاهم اي اللي بيحصل
فدوري كام اني اصاحبة مش أوجهه او الومه
أما بالنسبة للكدب فأكيد له أسباب كتير ة محتاجين نوصل للسبب الرئيسي عشان نقدر نعالجه
فدوري كام اني اصاحبة مش أوجهه او الومه
أما بالنسبة للكدب فأكيد له أسباب كتير ة محتاجين نوصل للسبب الرئيسي عشان نقدر نعالجه
أخصائية برناديت عاطف زايد السلام عليكم
ألف سلامه على حضرتك
الكذب عند اوﻻدنا ممكن يكون مرض
وممكن يكون عرض ﻻضطراف اخر
اعتقد حضرتك محتاجه تتعامل مع الوضع الحالى بمساعدة متخصص..
خصوصا أن اﻻب مش متواجد
وياريت في اقرب فرصه لعدم تفاقم السلوك اكتر
موجودة لمساعدتك
ألف سلامه على حضرتك
الكذب عند اوﻻدنا ممكن يكون مرض
وممكن يكون عرض ﻻضطراف اخر
اعتقد حضرتك محتاجه تتعامل مع الوضع الحالى بمساعدة متخصص..
خصوصا أن اﻻب مش متواجد
وياريت في اقرب فرصه لعدم تفاقم السلوك اكتر
موجودة لمساعدتك
أخصائية هبه الله محروس فتره المراهقه ليها سمات معروفه منها انه يكون العلاقه بينكوا متوتره وكمان موضوع انه يخبي جزء منه حميد لكن انه يكون بيعمل كدا لسبب معين زي خوفه او سبب تاني ضروري يتصلح ف روحي ل اخصائي نفسي يتابع معاه فتره صدقيني هتفرق ف حياته وفي علاقتكوا لانه هيقدر يعمل قناه تواصل بينكوا وكمان هيكون فاهم هو بيمر ب ايه
أخصائية سهيلة سامي ابوعيده ممكن حضرتك تشرفنى ف العيادة ضرورى
حضرتك محتاجة بعرف كيفية التعامل مع إبنك ف هذه المرحلة
حضرتك محتاجة بعرف كيفية التعامل مع إبنك ف هذه المرحلة
أخصائية مرام موسي محمد "في سن المراهقة أحيانًا الكذب بيكون مرتبط بالخوف من العقاب أو الرغبة في الاستقلال، لذلك كثرة العقاب وحدها قد تزود المشكلة. الأفضل بناء حوار هادئ معه، ومحاولة فهم سبب تغير سلوكه، مع وضع حدود واضحة وثابتة بدون عنف أو إهانة."
أخصائية آلاء الشاذلي 
