ابني لديه ٦ سنوات يعاني من فرط الحركه وتشتت الانتباه...

Question

سألت إمرأة (تبلغ عمرها 38 سنة) 3 June, 2026

3506 ابني لديه ٦ سنوات يعاني من فرط الحركه وتشتت الانتباه كان بياخد اتوموكس وسيكودال لمده سنه وتحسن الي حد ما ولكن من قلقي عليه من الادويه ذهبت لدكتور مخ واعصاب وبطلنا الدوا بالتدريج لكنه تشتت الانتباه مع الحركه لازال موجود والمدرسه بدأت تشتكي ايه الحل

Answer 1

اهلا بحضرتك يافندم مع حضرتك حق جدا في المتابعه مع الطبيب المعالج وقرار الطبيب في وقف العلاج بالتدريج شيء إيجابي ولكن ينقص الخطوه الثانيه متابعة الجلسات النفسيه مع أخصائي نفسي من خلال برنامج علاجي بخطة مع متابعه مستمره انصح حضرتك بزياره العياده

Answer 2

محتاج جلسات مع اخصائي بيشتغل مع adhd , هيقلل الحركه ويزود معدل الانتباه والتركيز بنشاطات معينه بيمارسها مع الطفل فالجلسات وطبعا هيكون فيه توجيه فالمنزل كذلك

Answer 3

علاج اضطراب فرط الحركة ونقص الإنتباه
علاج سلوكي لفهم سمات الاضطراب وكيفية التعامل معها
جلسات تنمية مهارات لتحسين الوظائف التنفيذية
علاج دوائي في بعض الحالات
وليس علاج دوائي فقط لأن عند توقف الدواء تعود الأعراض تطهر مرة أخري

Answer 4

أهلًا بحضرتك، ربنا يعينك شيء تقيل كأم في التعامل مع صعوبات التشتت وزياده الحركة فالبيت وبرا، شائع جدًا ان الاعراض ترجع تاني، محتاجين نشوف الدنيا زي ما هو بيعيشها وانه ليه تجربه مختلفه عننا في انه صاحب نشاط ومليان حياه، وازاي نساعده فالتركيز اكتر ونقلل الحمل عن البيت

Answer 5

محتاجة ترجعى لطبيبه النفسى لاستكمال الادويه بنفس الجرعة ولا فيها تغيير
وفى نفس الوقت يكون بيتابع مع اخصائي نفسى لاكتساب مهارات تساعده فنوصل لتحسن ملحوظ

Answer 6

قلقك على ابنك طبيعي جداً، وخطوة التدرج في إيقاف الدواء مع الدكتور كانت صح
اللي بيحصل دلوقتي — إن التحسن اللي اتعمل محتاج يتدعّم بتدخل سلوكي منظم، لأن الدواء وحده أو إيقافه مش بيحل الموضوع من جذوره. تدريب الوظائف التنفيذية وتعديل السلوك بيعملوا فرق حقيقي في التركيز والحركة الزيادة — وبيساعد المدرسة كمان تتعامل معاه بشكل أفضل.
لو حابة نتكلم أكتر ونشوف إيه الخطة الأنسب لابنك، احجزي جلسة وهنبدأ من أول

Answer 7

محتاج متابعه مع أخصائي نفسي وتعديل سلوك متخصص في علاج فرط الحركة وتشتت الانتباه

Answer 8

من الأفضل الإستمرار ع الدواء مع وجود تحسن
شكرا لتواصلكم

أخصائية مرام موسي محمد

(2 تقييم) 1826

نفسي
العصافرة, الاسكندرية

Answer 9

طفل ADHD يحتاج لجلسات فقط بدون ادويه ولا مهدأت لعدم تغيير كمياء المخ للطفل تقدرى تنورينى فى العياده

Answer 10

وقف أدوية فرط الحركة بيخلي الأعراض ترجع فوراً، والصح هو العودة لطبيب نفسي أطفال لتنظيم العلاج الدوائي الآمن والضروري لمستقبله....كمان الطفل محتاج جلسات تعديل سلوك وتنمية مهارات، مع تعاون المدرسة في التعامل مع حركته وتشتته بطرق تربوية تستوعبه...

Answer 11

محتاجه تروحى لمتخصص ف حالات ADHD
لكيفيه تدريبه ع مهارات معينه للتعامل مع الاضطراب مع طبيب نفسي لمراجعه الادويه بشكل افضل

Answer 12

فرط الخركة محتاج يتفهم اكتر ويتعامل سلوكيا اكتر من التعامل الدوائي

أخصائي عصام احمد احمد

(4 تقييم) 2253

نفسي
مدينة نصر, القاهرة

Answer 13

محتاج تشغلي علي. شوية فى المهارات وترجعي للدكتور اامعالج

أخصائي ولاء عبد السميع زهران

(1 تقييم) 1703

نفسي
الدقي, الجيزة

Answer 14

محتاج تتابعي عند دكتور مخ واعصاب بالاضافه الى المتابعه مع اخصائي تخاطب علشان يعلمه المهارات الكافيه علشان تساعده في المواقف اليوميه

Answer 15

مقدر تعب حضرتك جدا وقلقك ع الابن ودا طبيعي. ولكن احنا لنتابع مع طبيب نفسي تخصص اطفال يساعدك اكتر ويشوف تداعيات الحاله بالضبط وهو يحدد ايه الأنسب ليه دوائيا ولا خطه سلوكيه أو محتاج ينمي مهارات معينه
وبنلتزم معاه لافصي درجه ممكنه لحين تحقيق نتائج إيجابية ترضي حضرتك