سألت فتاة (تبلغ عمرها 19 سنة) 28 May, 2026
91 نا بنت سن19 سنه بحب واحد بقالي كتيير اوي وسوا بس ف زميل ف جامعه لما اشوفه بحس باعجاب ليه هو معجب بيا بس مش بفتكره ولا بفكر فيه غير اما ايق ف جامعه بس فمش عارفه احد د اي
اضطراب تشتت يحتاج الي معرفة سببه
دكتور مروان جمال الشافعي اللي حاساه مش لازم يكون معناه إنك بطّلتي تحبي الشخص الأول، أوقات بنقابل حد يلفت انتباهنا أو نحس بإعجاب ناحيته بسبب وجوده حوالينا أو طريقة تعامله.
طالما إنك مبتفكريش فيه غير في الجامعة ومش شاغل تفكيرك براها، فده غالبًا إعجاب أكتر من إنه مشاعر عميقة.
المهم متتسرعيش في الحكم على نفسك أو على علاقتك، وحاولي تسألي نفسك: هل ده مجرد انبهار مؤقت؟ ولا فعلًا فيه مشاعر حقيقية ومستقرة
طالما إنك مبتفكريش فيه غير في الجامعة ومش شاغل تفكيرك براها، فده غالبًا إعجاب أكتر من إنه مشاعر عميقة.
المهم متتسرعيش في الحكم على نفسك أو على علاقتك، وحاولي تسألي نفسك: هل ده مجرد انبهار مؤقت؟ ولا فعلًا فيه مشاعر حقيقية ومستقرة
أخصائية شيماء فاروق شاهين اقولك بجد و بامانه لو انتى بتحبى اللى معاكى بقالك فتره طويله زى ما انتى قولتى مكنتيش اخدى بالك من حد تانى حتى لو هو المهتم ممكن نقعد نتكلم مع بعض أنا و انتى و بخصوصيه شديدة جداً و هقولك و تقوليلي شوية حاجات نقدر بيها نعرف تكملي ازاى حبيبتى
أخصائية رانيا مجدي كيرلس بلاش تظلمى نفسك ولا تظلمى شخص تانى معاكى حتى ولو لاعجاب بسيط لازم تحددى اسلوبك فى التعامل وعلاقتك لازم تكون واضحه
أخصائية شيماء احمد ده ممكن تعلق شكلي ، ممكن الشعور ده ناقص عندك ف بتاخد الشعور ده لما تتعرض أو تشوفه ف الجامعة
أخصائي حاتم بيرم عبد اللطيف اللي محتاج يتفهم هنا مش الإعجاب نفسه، لكن سبب التذبذب والحيرة وراه. أحيانًا الإعجاب بيكون مرتبط باحتياج نفسي للاهتمام أو التقدير أكتر من كونه مشاعر حب حقيقية.
وفهم الفرق ده بعمق بيساعد الشخص ياخد قرارات أوضح ومايدخلش في صراع داخلي، وده من الحاجات اللي الجلسات النفسية بتساعد فيها جدًا.
وفهم الفرق ده بعمق بيساعد الشخص ياخد قرارات أوضح ومايدخلش في صراع داخلي، وده من الحاجات اللي الجلسات النفسية بتساعد فيها جدًا.
أخصائية مروة ربيع ده ممكن يكون لأسباب كتير وكلها وارده صعب تحديد السبب بالظبط بدون اخذ تاريخ مرضي مفصل ،بس الاهم من ده ايه ،هو انك تسألي نفسك عايزه ايه وليه وليه مش بتعرفي توقفي اللي انتي مش عايزاه ؟.
دكتورة أماني فلاح الاسئله من هذا النوع لازم نتكلم فيها مع بعض لان يحتاج اعرف تفاصيل كتير وبحتاج احدد نوع المشكله عشان نشتغل على حلها سواء مشكله من اضطرابات شخصية أو نفسيه او صدمات طفوله.. يسعدنى مساعدك
أخصائية وفاء العقاد واضح إن ده مجرد إعجاب عشان بتشوفيه في الجامعة، لكن الشخص الأول لسه واخد مساحة أكبر في قلبك. متتسرعيش وخدي وقتك عشان تفهمي مشاعرك.
أخصائية مروة هندي ممكن يكون في اعجاب بصفه معينه فيه
مش شرط يكون حب
احنا بطبعنا كبشر ممكن تعجبنا صفات في شخص آخر ولد او بنت
اهم حاجه انك تحددي مشاعرك بالظبط وتبقي عارفة اي هو احتياحك
ولو مش بتعرف نعمل ده ممكن نتوجه لمتخصص يساعدنا في الجزء ده
مش شرط يكون حب
احنا بطبعنا كبشر ممكن تعجبنا صفات في شخص آخر ولد او بنت
اهم حاجه انك تحددي مشاعرك بالظبط وتبقي عارفة اي هو احتياحك
ولو مش بتعرف نعمل ده ممكن نتوجه لمتخصص يساعدنا في الجزء ده
أخصائية برناديت عاطف زايد بنصحك تتابعي عند معالج نفسي يساعدك على التعرف على نفسك ويساعدك في تحديد الافكار والمشاعر وازاي نطبق سلوك مناسب تجاه المواضيع والمواقف اللي بتقابليها ، وده بيتم عن طريق العلاج المعرفي السلوكي
أخصائي الحسين حسن البنا عبد المنعم 
