انا عندي حيره بين شخصين الاول خطيبي وفي بينا مشاكل...

انتي مش بتحبي خطيبك الحالي أو بتكني له التقدير الكافي ... و وارد تكوني لسه متعافتيش من العلاقة اللي كانت في الجامعة ... الافضل لو رتم مشاعرك الهادي ده فضل كدة تنفصلي بهدوء عنه

البخل مش من الأمور اللي بتتغير بعد الجواز
وحاجات قليلة اوي اللي بتتغير بعد الجواز ولازم يكون الشخص واعي بإنها مشكلة وعايز يغيرها فا دي مسئولية الشخص نفسه

والحيرة دي غالبا مش لأن الأول افضل لكن لإنك مش مرتاحة مع خطيبك والبخل وطبيعته مسببالك ضغط

ومافيش مختص بياخد القرار لحد لكن نقدر نكشفلك على بعض النقاط والقرار لك

اهلا بك
اللي بينجح العلاقات مش بيكون معتمد علي احتياجتنا ولكن بيكون راجع لمدى مناسبة قيم الشخص لقيمك
وهنا بكلم عن القيم لأنها البوصله الاصليه اللي جوانا وعمرها ما تتغير
هقولك مثال لو كان حبيبك او خطيبك دة شخص كذاب ولكن بيديكي احتياج الاهتمام
هل هيكون شخص مناسب ليه؟!
دة غير صفة البخل من الصفات النادر نتغير

حضرتك هربتي من ذكرياتك بالخطوبه و في الحاله ديه لازم جلسات العلاج السلوكي

في نقطة مهمة جدًا:
الجواز مش مشروع “تغيير شخص”. لو البخل، أو طريقة الكلام، أو عدم التفاهم حاجات أساسية مضايقاكي دلوقتي، فغالبًا هتفضل موجودة بعد الجواز بدرجات مختلفة. ممكن الإنسان يتطور، لكن مش مضمون يتغير بالشكل اللي إحنا متخيلاه، خصوصًا لو الصفات دي جزء من شخصيته.
وفي نفس الوقت، أحيانًا الشخص القديم بيبان في الذاكرة أعمق وأجمل لأن العلاقة ماكملتش، فالمشاعر فضلت معلقة من غير احتكاك يومي ومسؤوليات ومشاكل حقيقية. ده مش معناه إنك كان لازم تكملي معاه، لكنه معناه إن قلبك لسه ماقفلش المقارنة.

انتي مش متقبلة خطيبك ودا اهم اساس في اختيار الشريك التقبل
لكن هل لو الشخص الاخر مش موجود كنتي هتشوفي خطيبك بنفس الصورة ؟
انتي محتاجة تفهمي مشاعرك وتحددي اولوياتك في الشريك اللي حترتبطي بيه عشان تقدري تقيمي علاقتك بخطيبك علي اساس صحيح .
ملحوظة لا تعتمدي علي قدرتك في تغيير طبع لانه صعب جدا خاصة لو البخل .

العرض علي أخصائي نفسي

إنتِ محتاجة تبعدي شوية عن فكرة مين بتحبيه أكتر، وتسألي نفسك:
مين معاه بحس بالأمان والراحة والتقدير؟
مين ينفع أكمل معاه حياة فعلًا من غير ما أكون مستنزفة نفسي

الحيرة بين شخصين محتاجة تهدي شوية قبل أي قرار.

اختاري بناءً على الراحة والتوافق الحقيقي مش ا
لمشاعر القديمة أو المقارنات. لو في مشاكل أساسية في خطيبك وعدم ارتياح مستمر، لازم يتشاف بجد.
ومهم جدًا تزوري معالج نفسي يساعدك تفهمي مشاعرك وتاخدي قرار أوضح من غير ضغط أو تشتت

ممكن نقعد نتكلم مفيش حاجه اسمها تاخدى حد تغيريه مع احترامي لكلام مامتك بس الطبع دايما بيغلب التطبع حبيبتي و هى مش جوازه و خلاص ابداً فبعد اذنك لازم تفكرى كويس و لما توافقى على شخص تبقى قبلاه بعيوبه قبل مميزاته

محتاج تعرفي انتي عاوزه اية ده اهم حاجة ؟
علشان ده حياتك ، و تعرفي اكتر عن مشاعرك وكيفية التعامل معاه
ده من خلال اخصائي نفسي او لايف كوتش ممكن يساعدك خلال السيشن

اللي إنتِ فيه مش مجرد حيرة بين شخصين، ده ضغط نفسي وتشتت خلاكي مش قادرة تميّزي مشاعرك أو تاخدي قرار واضح.
المشاعر دي (الحنين، التعلق، وعدم الرضا) لما بتتكرر بالشكل ده ومع أرق وتفكير زيادة، بيكون الأفضل إنك تروحي لمعالج نفسي يساعدك تفكي اللي جواك بهدوء وتفهمي إنتِ عايزة إيه فعلًا قبل أي قرار.
العلاج هنا مش رفاهيةده طريقة عشان ترجعي تشوفي الأمور بوضوح بدل الدوّامة اللي إنتِ فيها.

واضح إنك محتارة بين عدم رضاك عن خطيبك وبين الحنين لشخص قديم. متستعجليش في المقارنة أو القرار، واسألي نفسك: لو الشخص القديم مش موجود، هل كنتِ هتكوني مقتنعة بخطيبك فعلًا؟
ممكن نعمل جلسة تفريغ ونرتب أفكارك خطوة خطوة عشان توصلي لقرار أوضح.

محتاجين نقيم العلاقة
ونشوف اصلا احنا معايير الاختيار بتاعتنا اي اصلا عشان نقدر نحدد
ومحتاجين نفهم مشاعرنا واحتياجنا

يا رب تكوني بخير وصحه وسلامه الموضوع كله متعلق بالعلاقه الاولى ودي لازم يتم دراستها كويس وهل يا ترى احنا اتعافينا منها ولا سايبة اثار نفسية مؤلمة بتخليكي مش عارفه تاخدي قرار ؟، اما بالنسبه لخطيبك الحالي فلازم يكون توافق فكري وديني ونفسي واجتماعي ومادي والاهم من ده كلو الصراحة وكيفية المواجهة لاختيار أفضل ، الخوف هو اكبر عدو للانسان وعلشان نقضي على خوفنا لازم نواجه وعلشان نواجه صح محتاجين نتعلم ده في الجلسات النفسية وكل سنة وحضرتك طيبه