مشاكل كان مستمره بين والدي والدتي أثرت عليه كتير في...

[أسئلة طبية تخصص نفسي]

4557 مشاكل كان مستمره بين والدي والدتي أثرت عليه كتير في اللي بوجهه قدام عشان بفكر دائما مش عايزه اعيش نفس الشي ف علاقتي علطول متوتره بخطيبي ومش بعرف انام ومتوتره دائما وعصبيه جدا في اي حاجه وعندي دائما فكرت أنه هيبعد أو الانفصال أو الخوف

نلجأ لمختص بالعلاج السلوكي الكلامى يساعدنا على التركيز فى الحاضر وتخطى الماضى
محتاجة جلسات علاج نفسي معرفي سلوكي في جلسات او اخذ علاج دوائي نفسي
اهلا بيكي

طبيعي جدا مشكلات الأهل بتأثر على النفسية وخصوصًا على علاقتنا باللي حوالينا مش أحباء بس، بس لازم تتعرضي على مختص علشان يقيم مدى التأثير وتفهمي ايه طبيعة المشكلة بالظبط وتتعلمي مهارات الحل في الأمور اللي متاح فيها الحلول
اللي حصل بين والدك ووالدتك ممكن يكون أثر في إحساسك بالأمان، وخلاكي تخافي إن نفس السيناريو يتكرر في علاقتك. عشان كده بقيتي مترقبة الانفصال أو البعد، وده بيظهر في التوتر والعصبية وكثرة التفكير والأرق. المهم تعرفي إن علاقتك الحالية مش بالضرورة هتكون نسخة من علاقة والديك، وإننا محتاجين نفصل بين ألم الماضي وما يحدث فعليًا مع خطيبك الآن.
واضح إنك مش بس خايفة من خطيبك، إنتِ خايفة تعيشي نفس الوجع اللي شفتيه بين والدك ووالدتك. عشان كده عقلك دايمًا مستعد لأسوأ احتمال، وده بيخليكي متوترة وعصبية ومش عارفة تنامي.
بس مهم تعرفي إن اللي حصل زمان مش لازم يتكرر في حياتك دلوقتي.
خلينا نفهم الخوف ده ونشتغل عليه، بدل ما يفضل هو اللي يتحكم في علاقتك.
ومحتاجه اشوفك
اللي بتمري بيه ممكن يكون مرتبط بتأثر تجارب طفولتك بعلاقتك الحالية؛ خوفك من تكرار تجربة والديك قد يخليكي في حالة ترقب وقلق مستمر من الفقد أو الانفصال. ده لا يعني إن علاقتك هتنتهي بنفس الشكل. لو التوتر والأرق والعصبية والخوف من البُعد مستمرين، فالأفضل تبدأي جلسات مع أخصائي نفسي، خصوصًا للعلاج المعرفي السلوكي، لفهم الأفكار دي وتنظيم القلق وبناء شعور أكثر أمانًا في العلاقة.
الموضوع غالبا مش بالصورة السطحية دي الامر هيحتاج تقييم أكتر
سوف يتم استخدام اسلوب التدعي الحر من مدرسة التحليل النفسي ثم الاعتماد على العلاج النفسي التكاملى مع التأكد من عدم وجود تأثير على الاضطرابات ذات الاعراض الجسمية
فيه اضطراب قلق ظاهر فى الخوف و التوتر و مخططات غير تكيفيه محتاجه تتظبط علشان الموضوع ميكبرش و تنظيم مشاعر للتعامل مع الخطيب و تقليل العصبيه و تحسين جوده النوم
محتاجة تتعملي في جلسات ازاي تواجهي والدك بهدوء وتعبري عن مشاعرك وتفهمي نفسك واللذى اللي وقع عليك عشان كمان نعالجه
المشاكل المستمرة بين والديك ممكن تكون أثرت على إحساسك بالأمان في العلاقات. فبقيتي بتخافي تكرري نفس التجربة، وبتتوقعي البُعد أو الانفصال حتى من غير وجود دليل واضح، وده بيزود التوتر والعصبية والأرق. المهم نفرّق بين مشاكل حقيقية موجودة في العلاقة دلوقتي وبين خوف قديم بيخليكي تتوقعي الخطر قبل ما يحصل.
العلاج النفسي، خصوصًا مع التركيز على أنماط التعلق وتنظيم القلق وفهم أثر تجربة الأسرة، ممكن يساعدك جدًا في إنك تعيشي علاقتك الحالية من غير ما تفضلي أسيرة لتجربة والديك
يجب دراسة الحاله من قبل مختص ادراسة كل الاعراض وشدتها ممكن يكون اضطراب قلق الانفصال
مساء الخير يا رب تكوني بخير وصحة وسلامة، الموضوع عندك بدأ بمشاكل مع والدك ووالدتك وده عمل ليكي قلق وتوتر ولما يزيد القلق والتوتر بيبدأ يتعل عندنا الجهاز العصبي السمبتاوي في اللحظة دي جسمك بيكون متحفز تجاه اي شيء مش قادر يستحمل حاجة حتى اقل الاصوات وابسط المواقف رد فعلك عليها العصبية والخناق ، حتى عدم استقرار النوم بيحفز الجهاز العصبي علشان كده احنا عايزين نقييم الوضع بجلسة نشوف ايه التطورات اللي احنا وصلنا ليها وبعد نبدأ خطة علاجية علشان نفسيتنا تتحسن بإذن الله

أطباء في تخصص نفسي

المزيد من الاطباء تخصص نفسي