أخصائي نورهان نادر شراقه

اللي بتمري بيه صعب ومؤلم، وشايفة قد إيه شايلة مسؤوليات كبيرة فوق طاقتك. طبيعي جدًا تحسي بالتعب والضغط في ظل الظروف اللي انتي فيها، ومفيش أي ضعف في إحساسك ده.
بس مهم تعرفي إن الحل مش إنك تأذي نفسك، لأن اللي محتاجاه فعلًا دلوقتي هو دعم واحتواء مش نهاية.
اتكلمي مع حد تثقي فيه — صاحبتك القريبة، قريبة بتحبيها،وجود حد يسمعك هيفرق جدًا.
وضروري جدا تروحي لحد متخصص يساعدك

الاعراض أشبه لاضطراب القلق لكن يرجي زيارة متخصص لتحديد مدى شدة ونوع الاضطراب واتحاذ الخطة العلاجية المناسبه ..لو الحالة دي مستمرة أكتر من أسبوعين بنفس الشدة، أو بدأ يظهر معاها خفقان، دوخة، أو نوبات هلع — فده يحتاج مقابلة متخصصة سواء مع طبيب نفسي أو أخصائي علاج معرفي سلوكي (CBT).
ممكن العلاج يكون بسيط جدًا — إما جلسات دعم نفسي، أو دواء خفيف مؤقت لو الطبيب شاف ده مناسب.

الهدف من الجوسكا هي ان العقل بيحب يحل المواقف اللي ما خلصتش كويس، فبيرجع يعيدها ويحاول “يصلحها” في الخيال
لكن مفيش فايدة حقيقية من الحوار ده
هنا الوعي اول خطوه في العلاج
أول ما تلاقي نفسك بدأتي “تتحاوري” في دماغك، قولي لنفسك “أهو دماغي بدأ السيناريو تاني”
وده عشان تقدري تسكتي دماغك وتقطعي الافكار
قومي غيري وضعك، اشربي ميه، امشي شوية، أو شغّلي موسيقى.
الحركة بتكسر دائرة التفكير التلقائي.
. افرغي الكلام برة دماغك:
اكتبي الحوار اللي بتتخيليه على ورقة أو على الموبايل.
مجرد الكتابة بتخلي الحوار “يتجمد” بدل ما يفضل داير في دماغك
اسألي نفسك سؤال واحد:
“هل التفكير ده بيضيف حاجة دلوقتي؟”
لو الإجابة لأ → وقفي، وخدي نفس عميق، وارجعي للحاضر.
استخدمي تمارين وعي الذات (mindfulness):
ركّزي على أنفاسك أو على إحساسك بالجسم والمكان حواليك.
ده بيرجعك للحظة الحالية بدل ما تعيشي في السيناريوهات.
لو الموضوع متكرر جدًا:
ساعات بيكون مؤشر على قلق أو احتياج لمهارة تنظيم أفكار ومشاعر،
وساعتها يفضل تتوجهي لجلسات نفسية مع متخصص عشان الموضوع ميتطورش معاكي لقلق

“اللي بتحسيه ناتج عن تفاعل بين الجسم والنفس، جسمك بيترجم الضيق أو الزعل في صورة نغزات ورعشة ودوخة، وده طبيعي جدًا بيحصل مع التوتر أو الزعل، بس ضروري نطمن الأول إن كل التحاليل سليمة.
، فحص القلب (رسم قلب ECG) لاستبعاد أي مشكلة عضوية.
• قياس ضغط الدم ونسبة الهيموغلوبين (الأنيميا ممكن تسبب دوخة ورعشة).
• تحليل وظائف الغدة الدرقية.
بعد التأكد إن التحاليل سليمة، يبقى فعلاً السبب نفسي - جسدي (Psychosomatic)
وبعدها نبدأ نشتغل على علاج القلق والضغط النفسي.