أخصائية يمنى طارق

طبعا هنحتاج لزيارة معالج نفسي لان فيه تفاصيل كتير ناقصة محتاجين نعرفها عشان نحدد سبب المشكلة بالظبط بس خليني افهمك بشكل مبدأي ده ممكن يكون ايه هو في الغالب بيكون قلق زائد ممكن يبقى قلق من الموت او قلق من الهجر او الوحدة وممكن يكون بعض الوساوس القهرية وده بيكون راجع للنظرتك السلبية ذي مثلا نظرة ان كل حاجة حلوة عمرها قصير او الحلو مبيكملش دي كلها رؤى سلبية تخليكي تحسي بالقلق

سؤالك جميل
لما تلاقي نفسك دايما زعلانة او متعصبة او متوترة بسبب او من غير ومش عارفة تخرجي من الحالة دي
وكمان لما تبقي مش مركزة في حياتك سواء شغل او دراسة وفجأة تلاقي نفسك مش حابة تقعدي مع الناس وبتبعدي عن اقرب الناس ليكي وبقيتي تنامي كتير جدا او نومك يكون قليل ومتقطع وممكن تفقدي الشهية وممكن كمان تبقي بتاكلي كتير جدا اكتر من الطبيعي
-ممكن يجيلك افكار سلبية طول الوقت عن نفسك او عن اللي حواليكي ذي انا فاشلة ، انا وحشة ، انا مش كفاية ، انا استاهل اني اتأذي ، او انك تقولي الناس كلها وحشة وكل الناس مؤذية ومحدش كويس ، انك تنقي كل حاجة وحشة في يومك ومتاخديش بالك ان فيه حاجة حلوة حتى لو بسيطة بتحصل اصلا
لو كل ده بيحصل وبيعطل حياتك وفيه تغيرات كتير بتحصلك مش عارفة تفسريها يبقى مهم اوي تروحي لمعالج نفسي