سأل ذكر (يبلغ عمره 7 سنوات) 18 October, 2026
983 عندى ولد تعبت كتير مش عايز يروح المدرسه ولو راح عايزنى افضل قاعدة معاه فى الفصل والمديرة والمدرسين متفهمين حالته وساعات بيوفقو على أنى اقعد معاه وساعات لا لان فيه مشكله كبيره عليهم والمديرة نصحتنى اتابع مع دكتور نفسانى ارجوكم عايز حل لانى بجد تعبت
في عدم امان نابع من الوالد لازم يتحدد مصدره
أخصائي عصام احمد احمد مساء الخير، المشكلة بسيطة ان شاء الله بس العرض ده ممكن يكون راجع لكذا حاجة من ضمنها اضطراب القلق طبعا هنحتاج تقييم لحالته و وضع خطة علاجية مناسبة
تحياتي
تحياتي
أخصائية يمنى طارق شوف اخصائي نفسي سلوكي افضل من الدكتور النفسي و أن شاء الله خير
أخصائي حاتم بيرم عبد اللطيف فعلا لازم اعرضيه علي متخصص لعمل دراسه حاله ويعرف الاسباب ويعرفك اسلوب التعامل الصحيح معاه
لان حتي لو المدرسة ساعات بتوافق تقعدي معاه لكن دا مش صح ومش حل
لان حتي لو المدرسة ساعات بتوافق تقعدي معاه لكن دا مش صح ومش حل
أخصائية لورا ماجد حمدي غرابة ممكن يكون تعلق زايد بيكي احسن حاجة تبداى تنفذيها معاه تتكلمى معاه عن ايجابيات المدرسة فى البيت و تفهميه انه بيقضي وقت حلو مع صحابه و الدراسة شوية صغيرين و انك هتبفضلي مستنياه لما يرجع طب لو رفض نبدا نتبع تدريج الانفصال تبداى تقعدى معاه وقت صغير بعد كدا تقوليلو متخفش انا هقف برة شوية المرحلة اللى بعدها هجيب حجات و اخر حصة هتخلص هتلاقيني مستنياك
هياخد فترة و هيتعود مع المواظبة و متمليش و تستسلمي ليه
فى البيت بقا بالتدريج برضو مينامش جمبك عشان يبدا يبني شخصيته المستقلة عنك واحدة واحدة
هياخد فترة و هيتعود مع المواظبة و متمليش و تستسلمي ليه
فى البيت بقا بالتدريج برضو مينامش جمبك عشان يبدا يبني شخصيته المستقلة عنك واحدة واحدة
أخصائية منى سيد واضح إن ابنك بيعاني من قلق مرتبط بالمدرسة والانفصال عنك، لكن محتاجين نفهم السبب الحقيقي وراء رفضه للمدرسة. الحل مش إنك تفضلي معاه في الفصل طول الوقت، ولا إننا نجبره يروح من غير ما نفهم خوفه. محتاجين تقييم نفسي وخطة تدريجية تساعده يحس بالأمان ويقدر يعتمد على نفسه.
أخصائية يارا محمود عبد اللطيف ممكن يكون عنده قلق انفصال أو خوف مرتبط بالمدرسة، وده محتاج تقييم لمعرفة السبب. شرفيني في العيادة مع ابنك لمساعدته على التكيف مع المدرسة تدريجيًا.
أخصائية هالة عاشور 
