أخصائي مصطفى العزب

التفكير بصوت مرتفع Thinking out loud هو عادة صحية جدًا تحسِّن من عمليات الوعي كيفية أداء العمليات العقلية meta cognition وهو ما يساعدك على التفكير بشكل أفضل وتخفيف التوتر.

ولكن إذا كان هذا التفكير يعطلك عن استذكار دروسك ومتابعة مهام يومك بكفاءة فأنت بحاجة إلى إرشاد نفسي وربما علاج قصير المدى للتخلص من هذه المشكلات.

وبشكل مبدئي أنصحك بالعمل وشغل الوقت بالهوايات وأداء المهام المؤجلة منك وإعداد قائمة بالأنشطة السارَّة والهوايات لتقليل وقت الفراغ.

الأخصائي النفسي خريج كلية آداب علم نفس بالأساس ويستكمل دراسات عليا متخصصة في علم النفس ويقوم بتقديم تدخلات نفسية غير دوائية من خلال الجلسات النفسية.

الطبيب النفسي هو طبيب مرجعيته طبية بحتة بيركز ازاي يوصف الدواء المناسب ويقترح التدخلات الطبية مثل العلاج بالصدمات الكهربائية ونحوها، ويقوم بتحويل الحالات للتخصصات الطبية الأخرى.

الاتنين بيشتغلوا ضمن الفريق العلاجي ويتكاملوا في الأدوار ودة الوضع المثالي.

لو مش عارفة تؤدي أدوارك الأساسية كطالبة وصديقة وابنة وأخت وحتى أدوارك تجاه نفسك زي مذاكرتك ورياضتك ونومك رغم اجتهادك في تحسين الجوانب دي قدر المستطاع.

بداية لا يمكن تشخيص الوسواس بدون الرجوع لمختصين. علاج الوسواس القهري يعتمد بشكل أساسي ما يسمى التعرض _ منع الاستجابة ERP بالإضافة إلى العلاج بالقبول والالتزام ACT وربما علاجات أخرى. لابد من بدء الجلسات مبكرًا لأن التدخل المبكر يمنع تطور الأعراض.

لأ يا حبيبي دة مش مرض السرقة غالبا لأن مرض السرقة صاحبه ممكن يسرق عادة حاجات تافهة وبسيطة وغالبا مش ناس يعرفهم .. يعني مثلا تروح مطعم تسرق شوكة وأنت مش محتاجها .. حاجات زي كدة.

أنت بتاخد الحاجة من والدك فقط لأنك بتعتقد إنك لما بتاخد من والدك ماتعتبرش سرقة وإنه ممكن يسامحك أو بتعتبرها حاجة تافهة بالنسبة للي والدك بيصرفه.

أنت دلوقتي ما شاء الله شاب عندك ١٩ سنة وأكيد بتشوف زمايلك بيجيبوا حاجات ممكن تكون أعلى من مستواك المادي. فممكن تحط خطة إنك تنزل شغل وتحوش. واحدة واحدة حاول تجيب للبيت فاكهة وحاجات كدة تعوضهم عن الحاجات دي وتحوش الباقي عشان تجيب اللي عايزه. وحاول تشوف اللي أقل منك عشان ترضى باللي معاك. وربنا يوفقك يا رب. لو جيتني ممكن أعمل لك جلسة بتكلفة بسيطة جدا.