اكشف

أسئلة طبية وأجوبة من أطباء متخصصين

أسئلة طبية تم سؤالها من خلال مستخدمين تطبيق اكشف وأجوبة من أطباء متخصصين على إكشف, يمكنك ترك سؤالك وسوف يتم اجابته في سرية تامة

الم في الركبة اليمين مع الم وشد عضلي في السمان نفس الرجل مع الم رهيب في الكتفين بسلسلة الظهر

ممكن يكون التهاب وتقلص في العضلات وده يظهر لما نكشف عليها وممكن نحتاج لعمل بعض التحاليل
2763 مشاهدة 4 إجابات

ولدتي ركبتها وجعها جدا وبتورم هي في دكتور شافها وشخص أنه خشونه والتهاب بس مافيش تحسن

الف سلامه على الوالده الخشونة ايها اكتر من طريقة للعلاج منها العلاج الدوائي والعلاج الطبيعي والحقن الموضعي سواءً بالبلازما او الهيالورونيك اسيد او التردد الحراري واخيراً تغيير المفصل الصناعي وطبعا ده بيعتمد على عوامل كتيره منها السن والامراض المزمنه والوزن والأشعة وطبعاً الكشف الموضعي
5755 مشاهدة 8 إجابات

أكتر ما اشتكي منه هو ألم ذراعيّ الإثنين لدرحة اني مش بقدر اطبق كبرتاية و لا أكتب زي الأول
اللي حصلي قبل كدة
1. من 3 سنوات وقع علي راسي حاجة كبيرة كدة حسيت اني في [إقرأ المزيد...]

يرجي عمل رنين مغناطيسي علي المخ و الفقرات العنقية و عرضها على الطبيب لتحديد الخطوة التالية
1601 مشاهدة

ابني عندو ٤ سنين بيصوت علي اي حاجة ومش بيصبر ولازم الحاجة تجيلو ف ثانيتها وألا هيصوت ويقعد يضربني ويضرب اخواته وبيعيط ويفضل يشتم برضو.. واي ألعاب يقعد يكسرها [إقرأ المزيد...]

محتاج هدوء وثبات في المواقف مش حنية ، الزعيق حيزود الموضوع
وجو البيت عليه عامل لو البيت في صوت عالي طول الوقت دا بيأثر علي جهازه العصبي ويوتره
وممكن يكون اتعود انه ياخد اللي هو عاوزه في وقتها ، لازم يتعلم ان في في قواعد ازاي يطلب ولما يطلب بهدوء تكافئيه
الموضوع محتاج منك صبر وهدوء وممكن حضرتك تشرفيني عشان اقدر اساعدك بشكل ادق .
5362 مشاهدة 13 إجابات

طيب حضرتك ممكن تساعدينى عن طريق الموبايل عشان مشوارى بعيد

تمام متوفر جلسات اون لاين تواصل مع خدمه العملاء للحجز
10643 مشاهدة 17 إجابات

انا من الناس لدي قلق وتوتر مستمر وأأخذ دواء serpass ولكن من وقته أشعر بنعاس طول الوقت وتوتر مستمر دايما أنام واهتز رجلي باستمرار

مساء السعاده
حضرتك اخدت العلاج تلقاء نفسك بدون امر طبيب ؟
والعلاج نفسه لا يكفي احنا مش طول عمرنا هناخد علاج لازم تعالج السبب الرئيسي مع معالج نفسي بجلسات يحددها المعالج ورجاء مراجعه طبيب المعالج للدواء لو في لو من تلقاء نفسك لازم تتوجه لمتخصص او توقفه تدريجيا مع جلسات علاج سلوكي معرفي بالشفاء العاجل لحضرتك
11441 مشاهدة 15 إجابات

الم اسفل البطن والم أثناء الاخراج وكثرة عدد مرات الاخراج5 أو 6 مرات في اليوم وقله كميه البراز ولايوجد الم فى فتحه الشرج الالم داخلى مع الم فى منطقه الحوض وأثناء [إقرأ المزيد...]

اولا ألف سلامة عليك دي أعراض التهابات مزمنة في القولون ممكن تكون التهابات مناعية او ممكن يكون شئ آخر، لابد من فحصك بالسونار العادي وسونار الأمعاء وعمل تحليل مهم وبعدها بناخذ القرار مع بعض بعد شرح الحالة بالتفصيل ، ف الغالب سيكون القرار عمل منظار قولون تشخيصي لكن نتائج الكشف والفحص اللي قولته لحضرتك هتحدد لينا ايه اللي موجود ونعرف هنعمل منظار القولون نبحث عن اي نوع من المشاكل ، يمكنك الحجز وتشرفنا والإجراءات كلها سهلة وبسيطة جدا
2606 مشاهدة 6 إجابات

حضرتك قولتيلى انك ممكن تساعدينى عشان اقدر ابطل اخد اى حاجه مش حاجتى ياريت تساعدينى

عشان تقدري تسيطري علي الافكار اللي بتجيلك بانك تاخدي حاجة مش بتاعتك ، لازم نعرف ايه الاحتياج اللي ورا التصرف دا ونحاول نشبعه بطرق اخري تكون صحية .
يشرفني مساعدتك
4231 مشاهدة 10 إجابات

التعلق واعطاء حب زياده لناس متستحقش ده بيكون ايه سببه؟؟

التعلق والعطاء الزايد لناس مبيقدروش، بيكون وراه أسباب نفسية واضحة:
الخوف من الرفض أو الوحدة: فبنحاول "نشتري" وجودهم في حياتنا بالعطاء المفرط.
ضعف الاستحقاق: الإحساس الداخلي بإننا مش كفاية، فبنربط قيمتنا بتضحيتنا وإرضاء الآخرين.
جوع عاطفي من الطفولة: رغبة غير واعية في تعويض حرمان قديم.
وهم التغيير: بنتعلق بأمل إن كتر الحب هيصلح الشخص التاني.
العطاء الزايد ده بيكون "نداء استغاثة" داخلي.. الشخص محتاج يوجه الحب ده لنفسه الأول، ويتعلم يحط حدود تحميه.
6092 مشاهدة 11 إجابات

إزاي اقدر اتعامل مع تروما الفقد والخوف من ان الشخص اللى بحبه ممكن يحصله اي حاجة وميبقاش موجود زي ما حصل مع بابا وسابني(مات على ايدي)

مقدرة جداً وعارفة إن اللي مريتِ بيه مع والدك (ربنا يرحمه) مكنش سهل أبداً، وإنك تشوفي موقف زي ده يحصل قدام عينيكِ دي تروما (صدمة) حقيقية مش مجرد زعل عادي. طبيعي جداً عقلك يحاول يحميكِ دلوقتي بوجع الخوف من تكرار الصدمة مع حد بتحبيه، اقبلي مشاعرك ومتقاوميهاش، افصلي الماضي عن الحاضر، رجعي نفسك للواقع(هنا والآن)، شاركي مشاعرك ومخاوفك مع مختص
البقاء لله في والدك، وافتكري دايماً إنك تستحقي تعيشي وتطمني.
8696 مشاهدة 18 إجابات

سري
هل لديك سؤال طبي؟ إسأل طبيب متخصص

لديك سؤال طبي؟ ارسل سؤالك في سرية تامة الى طبيب متخصص للاجابة عليه في اقرب وقت

إسأل دكتور