سألت فتاة (تبلغ عمرها 23 سنة) 24 July, 2026
1827 انا دايما بكذب في حاجات عشان بخاف اخسر اللي حواليا وبخاف جدا ابقي لوحدي يعني انا معنديش صحاب خالص كلهم سابوني وبعدوا من غير سبب وانا معملتش لاي حد فيهم اي حاجة حتي الشخص الوحيد اللي حبيته من قلبي بجد عشان مخليهوش يتاذي بسببي كدبت عليه عشان مخسرهوش وهو بعد وخسرنا بعض ومبقاش طايق يكلمني ولا حتي نكون صحاب مبقتش عارفة اعمل اي حاجة غير اني اعيط وحاسة بي اكتئاب رهيب وتفكير طول الوقت محدش هيستحملني ولاه
من كلامك واضح انك بقيتي بتكدبي مش لانك بتحبي الكذب لكن لانك خايفة جدا من الرفض والخسارة وده بيخليكي تعملي حاجات انتي اصلا مش مرتاحة لها وفي الاخر بتحسي بالذنب والخوف اكتر
لما الانسان يخاف من الوحدة بيحاول يتمسك بالناس باي طريقة لكن الحقيقة ان العلاقات الصحية بتتبني على الصدق حتى لو كان صعب في البداية
اما بالنسبة للشخص اللي بعد عنك فممكن تكوني ندمانة وده طبيعي لكن اللي حصل مش معناه ان حياتك انتهت ولا انك مش هتلاقي حد يحبك او يتقبلك
لو حاسه باكتئاب شديد لازم تتوجهى لمعالج نفسي
لما الانسان يخاف من الوحدة بيحاول يتمسك بالناس باي طريقة لكن الحقيقة ان العلاقات الصحية بتتبني على الصدق حتى لو كان صعب في البداية
اما بالنسبة للشخص اللي بعد عنك فممكن تكوني ندمانة وده طبيعي لكن اللي حصل مش معناه ان حياتك انتهت ولا انك مش هتلاقي حد يحبك او يتقبلك
لو حاسه باكتئاب شديد لازم تتوجهى لمعالج نفسي
أخصائية نادية احمد اللي انتي حكيتيه فيه وجع كبير، لكن مجرد إنك واعية إن الكذب عندك سببه الخوف من الفقد دي خطوة مهمة. الكذب هنا غالبًا مش لأنك شخص سيئ، لكنه محاولة منك تحمي نفسك من إن الناس تسيبك، والمفارقة إنه أحيانًا بيؤدي لنفس النتيجة اللي انتي خايفة منها. ولو الإحساس بالاكتئاب والبكاء المستمر بقى شديد أو وصلك لليأس أو أفكار بإيذاء نفسك، مهم جدًا تطلبي مساعدة من أخصائي نفسي في أقرب وقت.
أخصائية مروة الليثي واضح من كلام حضرتك انك بتستخدمى الكذب كوسيلة دفاع وحماية فى علاقتك بالناس اللى حواليكى
ومن كلام حضرتك الدافع هنا للكذب هو الخوف من الفقد ، وانك خايفة تخسرى علاقتك بالطرف الآخر أيا كان مسمى العلاقة سواء صداقة أو علاقة عاطفية
ف بتحاولى تكذبى علشان تحافظى على علاقاتك وتجمّلى صورتك قدر المستطاع
وفى نفس الوقت شايفة عن نفسك أنك حد غير كافى ف بتحاولى تظهرى بأفضل شكل
وفى نمط تعلق وعدم قدرة على تكوين علاقات صحية مما أدى إلى الشعور بالحزن والاكتئاب
ومن كلام حضرتك الدافع هنا للكذب هو الخوف من الفقد ، وانك خايفة تخسرى علاقتك بالطرف الآخر أيا كان مسمى العلاقة سواء صداقة أو علاقة عاطفية
ف بتحاولى تكذبى علشان تحافظى على علاقاتك وتجمّلى صورتك قدر المستطاع
وفى نفس الوقت شايفة عن نفسك أنك حد غير كافى ف بتحاولى تظهرى بأفضل شكل
وفى نمط تعلق وعدم قدرة على تكوين علاقات صحية مما أدى إلى الشعور بالحزن والاكتئاب
أخصائي اسلام وليد عزت غالبًا الكذب هنا مش لأنك سيئة، لكنه وسيلة بتحاولي بيها تتجنبي الرفض أو الوحدة. لكن للأسف بيؤدي لنتيجة عكسية. فهم السبب وعلاجه يساعدك تبني علاقات قائمة على الثقة، ولو النمط ده متكرر فاستشارة أخصائي نفسي هتكون خطوة مفيدة.
أخصائية هالة عاشور واضح من كلامك أن الخوف من فقدان الأشخاص أصبح يدفعك لتصرفات مثل الكذب، رغم أنك لا تقصدين الأذى. هذا النمط غالبًا يكون مرتبطًا بصعوبة في الشعور بالأمان داخل العلاقات أكثر من كونه مشكلة في الأخلاق أو الشخصية. بما أنه أثر على علاقاتك وأصبحت تشعرين بالوحدة، فأنصحك ببدء جلسات علاج نفسي لفهم جذور هذا الخوف وتعلم طرق أكثر صحة للتعامل معه وبناء علاقات مستقرة. وإذا كان هذا الشعور مصحوبًا بحزن شديد أو أفكار بإيذاء النفس، فيجب طلب المساعدة بشكل عاجل
أخصائية دعاء عبد الرحمن واضح إن المشكلة مش الكذب نفسه، لكن الخوف الشديد من إن الناس تسيبك، فبتستخدمي الكذب كوسيلة تحافظي بيها على العلاقة، وفي النهاية بيحصل العكس.
أنصحك متجلديش نفسك، لكن اعتبري اللي حصل رسالة إن الوقت مناسب تبدئي علاج نفسي، لأن المشكلة قابلة للعلاج، ولما السبب يتعالج، هتقدري تبني علاقات صحية ومستقرة
أنصحك متجلديش نفسك، لكن اعتبري اللي حصل رسالة إن الوقت مناسب تبدئي علاج نفسي، لأن المشكلة قابلة للعلاج، ولما السبب يتعالج، هتقدري تبني علاقات صحية ومستقرة
أخصائي عمرو المهدي 
