أسئلة في تخصص نفسي

أولاً، أشكركِ على مشاركة مشاعركِ بكل صراحة، ده دليل قوة ووعي بنفسكِ. اللي بتصفيه – الإرهاق الدائم، التأثر السريع بالكلام، الحديث مع النفس، النسيان، اضطراب النوم، والقلق المستمر – ده أعراض شائعة لـ"الإرهاق الأمومي والمهني" (Parental Burnout)، خاصة للأمهات العاملات زيكِ مع طفلة صغيرة. ده مش ضعف، ده إشارة إن جسمكِ وعقلكِ محتاجين دعم فوري عشان ترجعي أقوى.
ليه بيحصل كده؟
*الضغوط المتعددة: شغل + أمومة + مسؤوليات منزلية بيخلقوا "تحميل زائد" على الدماغ، اللي بيؤدي لإفراز هرمونات التوتر زي الكورتيزول بشكل مستمر، وده بيسبب التعب والقلق
*نقص النوم: الطفلة بعمر سنتين غالباً بتحتاج رعاية ليلية، وده بيقلل من هرمون الميلاتونين، فبتحسي بالخوف والنسيان.
*الحساسية العاطفية: الكلام السلبي بيضرب "الاحتياطي العاطفي" اللي خلص، فبتحسي إنه بيأثر أكتر.
ممكن تعملي خطوات بسيطة مؤقتا بس لازم جلسات تفريغ نفسي و دعم مهني :
*تمارين خفيفة (مش رياضة قاسية): مشي 15 دقيقة يومياً مع الطفلة – أفضل للإرهاق لأنه يزيد الإندورفين.
*طلب مساعدة يومية من الزوج (مثل "خد الطفلة 30 دقيقة")
* تمارين تنفس لخفض التوتر
* حددي موعد نوم ثابت و استخدمي روتين تهدئه للنوم
* اكتبي ٣ حتجات ايجابية عن نفسك كل يوم بليل قبل متنامي عشان تستعيدي ثقتك بنفسك
أنتِ مش لوحدكِ، كتير من الأمهات العاملات بيعدوا ده ويرجعوا أحسن. لو طبقتي الخطوات البسيطه دي هتحسي بتحسن ان شاء الله .

إدمان الإباحية يحتاج لعلاج دوائي وجلسات علاج نفسي فردية وجماعية لفترة

ادمان الإباحية يحتاج إلى علاج دوائي و جلسات علاج نفسي لفترة... جلسات فردية و جماعية

معني أننا كارهين الدنيا أن علينا ضغوط كتير وافكار سلبيه مش عارفين نتخلص منها
نصيحتي ليك مارس رياضة المشي وتمارين النفس هتساعدك كتير انك تهدي واتمني تتابع مع مختص عشان نعالج بعض الأمور

يتم تدريج العلاج علي مدار أسبوع
يعني باخد نص الكميه اسبوع وبعدين اسبوع ااقل الجرعه التانيه
يعني لو بتاخد قرص بنقلله لنص قرص لمدة أسبوع وبعد كده ربع قرص لمدة أسبوع وبعدين نوقف
بس في حاجه اهم احنا اصلا اخدناه ليه
فيه بعض المشاكل والاضطرابات النفسية اني اشتغل علي نفسي واكون مع ثيرابيت افضل من العلاج الدوائي

متاح اكتر من مدرسة علاجية وبيتم تحديد المدرسة علي حسب المشاكل الموجودة

مساء الخير اللي بتشرحه عن نفسك هو في إطار مشكلتين اضطراب القلق العام واضطراب الشخصية الكمالية والاتنين احيانا بيبقوا في نفس الشخص والعلاج الدوائي زي المسكن بيقلل دواير القلق وبيزود السيروتونين في الدماغ ويقلل من الادرينالين وتوابعه على الجسم لكن المشكلة في الجينات الوراثية اننا بنبقي أهلنا على الأغلب اناس قلقة او وسواسيه او شخصيات كمالية يعني احنا شاربين منهم مش بمزاجنا احنا محتاجين نتعلم في العلاج النفسي طرق التراحم مع الذات وتقبل النقص والخطأ وتغيير الاسكيمة اللي اترسمت في دماغنا وهكذا عشان كده العلاج المعرفي السلوكي هيفرق معك الاستمرار في دوا زي لوسترال مش هيفيدك لانه جرعة ٥٠ مجم ولا حاجة وكمان في آثار جانبية اهمها قلة الرغبة الجنسية عند الرجال واحيانا تبلد المشاعر لا عارف افرح ولا عارف أحزن وخلافه بقي شوف معالج نفسي يجيد العلاج المعرفي السلوكي ومدارس التراحم والتقبل والالتزام هيفرقوا معك كتير الف سلامه

مساء الخير في مدرسه نظم الأسرة الداخليه ودي إحدى المدارس العلاجية بتتكلم ان الانسان جواه كيانات مختلفه وكل كيان هو حتما له وظيفه وعلى الاغلب حمايته او انها تخلي شخصيته متسقة مع الواقع ومع المجتمع وفي العلاج النفسي بنبقي عايزين نخليهم يشتغلوا مع بعض مش ضد بعض عشان الشعور اللي بتوصفيه ده يقل وارد طبعا يكون اتعرضنا لصدمات نفسية مفاجأة ويمكن وده الأغلب اننا تربينا في بيئة متناقضة ومتضاربة في زرع المفاهيم والقيم وتطبيقها مع قلة المرونة في التعامل مع الخطأ اتمنى تدوري على النسخة الأنسب من نفسك حتى لو كانت البنت الجريئة مع محاولات تقليل الأخطاء او تصحيحها وعدم تكرارها احنا الأصل في خلق الإنسان الخطأ والاستغفار والسعي للتصحيح

اولا الف سلامه علي الوالده شفاها الله وعافاها فهمت من كلامك أن الأعراض الحركية ظهرت بعد تغيير الخطة الدوائية، وده يجعل واردًا جدًا — بشكل عام — أن يكون هناك ارتباط بين الأعراض وبين الأدوية النفسية نفسها أو طريقة التبديل بينها، لأن بعض مضادات الذهان قد تسبب أعراضًا حركية مثل التصلب، البطء الشديد في الحركة، صعوبة الاتزان أو المشي، وأحيانًا إحساسًا كأن الجسم لا يستجيب بسهولة. كما أن تبديل الأدوية أو سحب بعضها قد يتداخل مع الصورة الإكلينيكية، لكن لا يمكن الجزم عن بُعد أن السبب هو الانسحاب وحده أو الدواء وحده دون فحص مباشر وتقييم كامل. المصادر الطبية الموثوقة تذكر أن الريسبيريدون ومضادات الذهان عمومًا قد تسبب تيبسًا وصعوبة في الحركة أو السيطرة على العضلات، كما أن التصلب الشديد يستدعي تقييمًا طبيًا عاجلا
وبما أن الوالدة الآن لا تستطيع الوقوف على قدميها، فهذه ليست شكوى بسيطة ولا أنصح بالتعامل معها على أنها عرض عابر. في هذه الحالة الأفضل مراجعة طبيب نفسي استشاري في الطب النفسي والمخ والاعصاب بشكل عاجل جدًا، أو التوجه للطوارئ/مستشفى فيها نفسية وعصبية في نفس الوقت، مع أخذ قائمة كاملة بالأدوية القديمة والجديدة، وجرعاتها، وتاريخ بدء كل دواء وتاريخ إيقافه، لأن هذا التسلسل مهم جدًا في معرفة هل نحن أمام أثر جانبي دوائي، أو ما يشبه الأعراض الحركية الناتجة عن مضادات الذهان، أو سبب طبي/عصبي آخر يحتاج تدخل سريع.
مع تمنياتي بالشفاء العاجل لها .وجزاكم الله خيرا عنها

الاول افتكري انتي جايه الدنيا ليه( وما خلقت الجن والإنس إلا ليعبدون) ثانيا واضح انك كارهه نفسك وده اما لاساءه اتعرضتي لها وصلتلك انك ما اتحبين ودي كده تروما محتاجه تتحل او لإحساس بالذنب بسبب غلطه او تقصير قصرتيه في حق نفسك وده يتحل بالإنجاز وانك تنصفي نفسك بس لازم تفتكري انها صنعة الله وتتحب وتحبيها عشان تقدري تنصفيها