اولادي صغيرين اصغر طفله عندها سنه كنت بزعق لهم كثير...

[أسئلة طبية تخصص نفسي]

398 اولادي صغيرين اصغر طفله عندها سنه كنت بزعق لهم كثير بصوت عالي فحاليا لو جيت اتحرك وهم مثلا بيلعبوا بيتخضوا خضه جامده قوي حتى الصغنونه اللي عندها سنه اعمل معاهم ايه علشان ما يتخضوش كده

محتاجة جلسات ارشادية للتعرف علي الطريقة المناسبة للتعامل مع اطفالك
أول حاجة، متجلديش نفسك، لكن خدي الموضوع بجدية. أطفالك محتاجين يستعيدوا إحساسهم بالأمان معاكي.
ابدئي من النهارده:
امنعي الزعيق تمامًا قدر الإمكان.
اتكلمي بصوت هادي حتى وقت الغضب.
العبي معاهم وشاركيهم يومهم.
طمنيهم بالقرب والاحتواء من غير إجبار.
لو خافوا، متزعقيش ولا تلوميهم، طمنيهم بهدوء.
افتكري إن الطفل اللي اتعود يخاف محتاج وقت عشان يتعلم يطمن من جديد.
ولو الخضة شديدة ومستمرة، الأفضل تعملي تقييم
حاولي تتعاملي معاهم بهدوء وتطمنيهم بالحب والاحتواء، وقللي الصوت العالي والمفاجآت. الأطفال محتاجين وقت عشان يرجعوا يحسوا بالأمان. ويشرفني تحجزِي جلسة إرشاد نفسي معايا، نقدر من خلالها نشتغل على التحكم في الغضب، ونساعدك تبني علاقة آمنة ومطمئنة مع أطفالك
الزعيق المتكرر ممكن يخلي الأطفال في حالة ترقب وخوف، حتى من الحركات العادية. محتاجين نشتغل على استعادة إحساسهم بالأمان وتعديل طريقة التعامل وقت الغضب. شرفيني في العيادة ونشتغل مع بعض على حل مناسب.
واضح إن الأطفال ممكن يكونوا كوّنوا استجابة خوف مكتسبة نتيجة تكرار الزعيق، فأصبحوا يربطون بعض حركاتك أو نبرة صوتك باحتمال التعرض للتوبيخ.
اطمني، ده قابل للتحسن بالتدريج من خلال الهدوء والثبات والاحتواء، والاعتذار لهم عند الخطأ، وبناء ارتباط جديد بين وجودك وبين الأمان بدلًا من الخوف.
تغيري تعاملك معاهم وتحاولي تصلحي المشكلة عند حضرتك اولا اللي كانت سبب في زعيقك لان لو ما اتصلحتش فأصل المشكلة هيفضل موجود، غير كده نحاول نتشارك معاهم ونطمنهم ونلعب معاهم ومع الوقت ان شاء اله الامور تتحسن وتبقى افضل
اهلا وسهلا

محتاجة الأول تكوني فاهمه انك سببتلهم صدمة صعبة واللي عندهم دي أعراض صدمة
لإن الصوت العالي من اقوى مسببات الصدمات عند الاطفال
ومحتاجة تمنعي الصوت العالي ولما يتخضوا تقربي منهم وتحضنيهم وتطمنيهم وحاولي أي وقت انت معاهم وحواليهم تربطيه في عقلهم بأمور لطيفة بيحبوها وهدوء شديد واحضنيهم كتير
ممكن نتكلم معاها و نغير في طريق التعامل تكون اكتر حنان و التعامل مع الأطفال مع الوقت هيكون كويسين اهم حاجة التعاطف معهم و مشاركتهم ف اللعب ..

وان شاء الله خير
واضح إن الأطفال اتأثروا من تكرار الصوت العالي، لكن ممكن تساعديهم يستعيدوا إحساسهم بالأمان بالتدريج. اعتذري لهم ببساطة، واستخدمي صوت هادئ وحركات متوقعة، واحتضنيهم والاعبي معاهم، وتجنبي الزعيق أو التهديد تمامًا. الأهم الاستمرارية والصبر؛ فاستعادة الأمان محتاجة وقت، ولو استمر الفزع الشديد فالأفضل استشارة أخصائي نفسي للأطفال.
خضة أطفالك قد تكون نتيجة ارتباط حركتك السابقة بالصراخ والخوف، لكن العلاقة الآمنة يمكن استعادتها بالتدريج. اعتذري لهم، وامتنعي عن الصراخ والتهديد، واستخدمي نبرة هادئة، وخصصي يوميًا وقتًا للعب والاحتضان دون إجبارهم. الأهم: لا تلومي نفسك باستمرار، بل اجعليهم يشعرون بالأمان من خلال الهدوء والثبات والحنان المتكرر.

أطباء في تخصص نفسي

المزيد من الاطباء تخصص نفسي