سألت فتاة (تبلغ عمرها 23 سنة) 28 August, 2026
65 انادلوقتي كنت مع حد3سنين وكان بيحبني وبحبه جداوحصلت مشكلةكبيرةبيناوكنت محتاجةمنةفرصةواحدةبس عشان لسةبحبه بس للاسف مقبلش خالص وسابني وانا دلوقتي لسةبحبة وهو خلاص هيخطب اول السنة وانا عايشةتاية ولسة قلبي بيحبه وبفكرفي وكل حاجة بتيجي قدامي تعبانةومخنوقة جدا ومبقتش عارفة اعمل حاجة تاية اوي بجد
أنا فاهمة قد إيه اللي إنتِ فيه موجع، خصوصًا إن العلاقة كانت 3 سنين ولسه جواكي مشاعر قوية تجاهه. بس أحيانًا أصعب جزء مش إننا نفقد الشخص، إنما إننا نفضل متعلقين باحتمال إنه يرجع. خدي وقتك في الحزن، ومتضغطيش على نفسك إنك تنسي بسرعة. خلينا نبدأ نفصل بين حبك ليه وبين إن حياتك تفضل متوقفة عليه، ونشتغل خطوة خطوة إنك ترجعي تلاقي نفسك وحياتك من تاني.
أخصائية مروة الليثي متفهمة مشاعرك جدا بس دة نمط تعلقي محتاجة تتعاملي مع أسبابه اولا و تتعاملي مع مشاعرك و تقدري نفسك والحب بشكل مختلف عن طريق جلسات سلوكي
أخصائية ميرنا نبيل "اللي بتمري بيه يشبه حزن وفقدان علاقة مهمة، ومن الطبيعي تفضلي متعلقة وبتفكري فيه حتى بعد انتهاء العلاقة، خصوصًا بعد 3 سنين. حاولي ما تضغطيش على نفسك إنك تنسي بسرعة، وابدئي تقللي متابعة أخباره والتواصل معاه، وارجعي تدريجيًا لروتينك وأصحابك وحياتك. ولو الحزن والخنقة مستمرين ومأثرين على أكلك أو نومك أو حياتك اليومية، جلسات مع مختص نفسي هتساعدك تتعاملي مع الفقد وتخرجي من التعلق بشكل صحي."
أخصائية آلاء الشاذلي محتاجة تروحي لمعالج نفسى ليساعدك علي فك التعلق
ويساعدك تتعاملي مع الواقع لان خلاص الواقع ان هو اختار الانفصال والارتباط بشخص تاني
ويساعدك تتعاملي مع الواقع لان خلاص الواقع ان هو اختار الانفصال والارتباط بشخص تاني
أخصائية لورا ماجد حمدي غرابة أنا فاهمة إن 3 سنين ومشاعر قوية مش سهل يتخطوا في وقت قصير، خصوصًا إن النهاية حصلت وإنتِ لسه بتحبيه. طبيعي تحسي بالضياع والخنقة، لكن مش مطلوب منك تنسيه فجأة؛ المطلوب إننا نساعدك تتعاملي مع الفقد والتعلق من غير ما يفضلوا مسيطرين على حياتك.
وده شيء نقدر نشتغل عليه في العلاج النفسي خطوة خطوة، لحد ما تستعيدي توازنك وتقدري تكملي حياتك.
وده شيء نقدر نشتغل عليه في العلاج النفسي خطوة خطوة، لحد ما تستعيدي توازنك وتقدري تكملي حياتك.
أخصائية مروة ربيع واضح إن الانفصال مش سهل عليك خصوصًا إن العلاقة استمرت 3 سنين ولسه مشاعرك موجودة. واحتياجك لفرصة أخيرة مفهوم لأنك لسه بتحبيه لكن أحيانًا الحب لوحده مش بيكون كفاية لاستمرار العلاقة. حاولي متضغطيش على نفسك ولا تربطي تعافيك بإنه يرجع أو يديكي فرصة. ادي لنفسك مساحة تفهمي اللي حصل وإيه اللي كان محتاج يتصلح وهل العلاقة فعلًا كانت مناسبة ليكي. ولو حابة تتكلمي مع أخصائية وتفهمي مشاعرك وتتعافي من التجربة بشكل صحي ممكن تتواصلي معايا.
أخصائية اسماء عبد الناصر 
