اكشف

أسئلة طبية وأجوبة من أطباء متخصصين

أسئلة طبية تم سؤالها من خلال مستخدمين تطبيق اكشف وأجوبة من أطباء متخصصين على إكشف, يمكنك ترك سؤالك وسوف يتم اجابته في سرية تامة

مساء الخير يا فندم أنا مركبة طربوش بس حاليا نزل عن مكانه و بيحشي أكل بس بنصف اول بأول بال fluss
ممكن التعايش كدة عادي بدون رفعه لمكانه لأن كل ما يترفع بينزل تاني [إقرأ المزيد...]

هو احنا محتاجين ف البداية نعرف السبب في نزوله بالشكل ده لأننا بنعالج السبب وليس العرض
وهل فيه تاثير حصل نتيجة نزوله ع اسطح الضرس واللثة ودي بنعرفها بأننا نشوفه ونعمل اشعة عليه
لو الدنيا كويسة ممكن ننزله في مكانه بلزق اقوي
لكن في معظم الحالات بنكون محتاجين نغيره
لان تراكم الاكل بالشكل العنيف ممكن ياثر ع سلامة الضرس وكمان الاسنان المجاورة
5289 مشاهدة 17 إجابات

انا عندي فرط تعرق في اليدين والقدمين فقط كلهم ومش في الوجه الدكتور قال دي عملية جراحية في العصب انا خايفها من الجراحة في العصب هو مفيش حل تاني غير الجراحة والبوتكس [إقرأ المزيد...]

حضرتك ممكن تاخدي راي دكاترة جراحة القلب والصدر
1045 مشاهدة 6 إجابات

السلام عليكم ورحمه الله وبركاته عندي صعوبه في إخراج البراز ولما بدخل الحمام ما يفضي كامل وممكن ادخل ١٠ مرات في اليوم الحمام

لابد من عمل فحوصات من اهمها منظار القولون بعد الكشف بالسونار
1232 مشاهدة 3 إجابات

ابني عنده ١٠ سنين وخاسس ومبياكلش كويس خالص أكله ضعيف ومبيقولش جعان غير فين وفين وبينام كتير وبيسهر كتير برضو

اولا لازم تنظيم وقت النوم ضروري لأن هرمون النمو بيفرز وقت النوم (من الساعه ١٠ مساءا حتي ٦ صباحا)
ثانيا ضروري فحص و عمل بعض التحاليل لان اوقات الانيميا بتسد النفس او مشاكل ف الغده الدرقية
1622 مشاهدة 6 إجابات

طيب انا محتاجه انى اعرف ابعد الفون ازاى من بينتى لأنها متعلقة بيه جدا بس انا واخده منها لان بيحصل مشاكل وتعمل الغلط وانا لى بشيل بعد كده الغلط علىراسى

إذا كان التعلق شديدًا، فلا يُنصح بمنع الهاتف فجأة؛ لأن ذلك قد يزيد العناد والانفعال. الأفضل تقليل استخدامه تدريجيًا مع وضع قواعد ثابتة وواضحة.

اشغليها ببدائل حقيقية (لعب، رياضة، رسم، قراءة، وقت مع الأسرة)، وحددي أوقاتًا لاستخدام الهاتف، مع الالتزام من جميع أفراد البيت قدر الإمكان.

إذا كانت تدخل في نوبات غضب شديدة، أو يؤثر تعلقها بالهاتف على نومها أو دراستها أو سلوكها بشكل واضح، فأخبريني عمرها كام سنة؟ لأعطيك الطريقة الأنسب لهذه المرحلة العمرية.
3680 مشاهدة 14 إجابات

عاوزة دكتور لابني لعلاج الادمان هو بياخد جبيماش 800 بقاله سنتين ونص وبياخد حشيش بقاله سنين ورافض يروح مصحة بس عاوز يبطل بس هو بيمر بحالة نفسية صعبه بقاله فترة علشان [إقرأ المزيد...]

في البداية أنصحه يراجع طبيبً نفسيً متخصصًا في علاج الإدمان، لأنه هو المسؤول عن تقييم الحالة ووضع خطة العلاج المناسبة والتعامل مع أعراض الانسحاب بأمان. وبعد انتهاء مرحلة سحب المخدر واستقرار حالته، بيكون دور الأخصائي النفسي مهم جدًا من خلال جلسات الدعم النفسي والعلاج السلوكي، للمساعدة على منع الانتكاسة وتغيير السلوكيات المرتبطة بالإدمان.
6363 مشاهدة 17 إجابات

سبب الازمه البتجيلي كل فتره وبالأخص عند الأكل من برا تحت الصدر مع شبه شلل في الكتف اليمين وتستمر لحد ال6ساعات مع العلم اني مستأصله المراره

محتاجه اشعه موجات صوتيه على اعلى البطم
661 مشاهدة 2 إجابات

شرخ شرجي ما بعد الولاده الطبيعة نتيجة اخذ حقنه شرجيه لتسهيل عملية الولادة ادت الي شرخ شرجي و تم الكشف من قبل و لاكن لم يذهب الألم و مر حوالي عشرة أشهر مع العلاج و [إقرأ المزيد...]

ضرورى اشوفك واكشف عليكى علشان اققر علاج والا عمليه...والعمليه دلوقتى بالليزر
1623 مشاهدة 5 إجابات

عندي قرحة بسمانة رجلي اليمين وعالجتها ببيتادين والمحلول الملحي دون فائدة ماذا أفعل

محتاج تزورنا بالعيادة ف اقرب وقت ممكن
1399 مشاهدة 6 إجابات

مريضه مسنه 95سنه تعاني من كسر بالحوض وخلال الفحوصات الطبية والاشعه الدوبلكس أظهرت جلطه بالرجل المصابه ارجو الرد سريعا

لو هتعمل عملية عظام طوارئ لازم نركب فلتر للحفاظ ع ان الجلطة متتنقلش للرئة تؤدي للوفاة
1333 مشاهدة 5 إجابات

سري
هل لديك سؤال طبي؟ إسأل طبيب متخصص

لديك سؤال طبي؟ ارسل سؤالك في سرية تامة الى طبيب متخصص للاجابة عليه في اقرب وقت

إسأل دكتور