اكشف

أسئلة طبية وأجوبة من أطباء متخصصين

أسئلة طبية تم سؤالها من خلال مستخدمين تطبيق اكشف وأجوبة من أطباء متخصصين على إكشف, يمكنك ترك سؤالك وسوف يتم اجابته في سرية تامة

شعري بيتساقط كتير و الفراغات بدات تظهر في شعري و بقا خفيف عن الأول اووووووي مش عارف اعمل اي ؟

تساقط الشعر الشديد وظهور فراغات ممكن يكون له أسباب كتير، والأهم إنك ما تهملش الموضوع بدري عشان الشعر يرجع أفضل أسرع.. من ضمن الأسباب
نقص الحديد أو فيتامين D أو الزنك
التوتر والسهر والإرهاق
الدايت القاسي أو نقص الأكل
مشاكل بالغدة الدرقية
الأنيميا
استخدام صبغات أو حرارة بشكل متكرر
أحيانًا بيكون وراثي

لو الفراغات واضحة والتساقط مستمر، لازم كشف جلدية عشان نحدد السبب بدقة ونبدأ علاج مناسب زي جلسات أو أدوية موضعية حسب الحالة.
كل ما العلاج يبدأ بدري، النتيجة بتكون أفضل
1892 مشاهدة 3 إجابات

السائل المنوي بينزل عندي لوحده و اوقات بلاقي الهدوم الداخلية متبهدله مش عارف اعمل حتا بعد التبول بتنزل فرغات كتير من السائل المنوي هل ده سرعة القذف ولا أضرار اخري [إقرأ المزيد...]

غالبا دا مش سائل منوي يا أفندم. أثناء نزوله بيبقي فيه نشوة؟
1719 مشاهدة 5 إجابات

زوجي عنده 43سنه وفي الم من أسفل ظهره لكعب الرجل ومن كتر الوجع مبينمش ولا عارف يقعد ايه الحل معلش ترد عليا ضروري وشكرا جدا

دي أعراض غضروف في الظهر
لازم كشف لتحديد الأشعة المناسبة
ألف سلامة عليه
4261 مشاهدة

عايزة طبيب توحد للكبار

احجزي سيشن واتواصلي واتس اب وبلغي بالتخصص المطلوب
1463 مشاهدة 6 إجابات

علاج التوحد عند الكبار

لو تقصدي طفل يبقي ارشاد اسري وتعديل سلوك
لو شخص كبير محتاجين نعمل اختبارات عشان نشخص ونشتغل علي المشاكل بشكل محدد اكتر
5522 مشاهدة 12 إجابات

صباح الخير.... دلوقتي انا بقالي تقريبا سنتين بمر بازمات كتير اوي نفسية بسبب وفاه بابا او تباعا لوفاته وخصوصا ان علاقتي ب ايويا الله يرحمه كانت قوية وفي حب وتعلق شديد [إقرأ المزيد...]

وجعك مقدر جدا، واللي بتمري بيه ده صدمة فقدان قوية أثرت على جسمك وضغط دمك، ووصلتك لشعور باليأس انت لا تستحقيه.
انتي دلوقتي في مرحلة محتاجة تدخل متخصص فورا عشان نبدأ خطة علاج تنقذ جسمك ونفسك من التعب ده، هتحتاجى تروحي لعيادة طب نفسي متخصصة وهتحتاجي جلسات إرشاد نفسي مع العلاج عشان تساعدك تستردي توازنك.
انتي مش فاشلة انتي بس مجهدة وتعبانة، والمساعدة الطبية هي طريقك الوحيد عشان تقدري تكملي حياتك زي ما والدك كان يتمنى يشوفك.
6118 مشاهدة 17 إجابات

ضمور المخ بسبب السخونيه الطفل كان كويس جدا مكنش في أي تعب وكان طفل عادي جدا جدا

السخونيه الشديده ممكن تعمل تشنجات وليس ضمور
الضمور فى الغالب منذ الولاده
916 مشاهدة

ف مكان ف دماغ ابنى فاضى ومنفوخ

ما هو السبب؟
هل مولود كده او نتيجه حادث
يحتاج الى المناظره فى العياده وقد يحتاج لجراحه لترقيع الجمجمه
927 مشاهدة

دلوقتي انا عندي مشاكل كبيرة جدا مع الشخص اللي موجود ف حياتي والمفروض ع وش اتخاذ اجراء رسمي ( مع العلم لاهلنا بالعلاقة برسمية ولكن في انتظار مجيء والده من الخارج ) [إقرأ المزيد...]

فكرة انكم تروحو لمتخصص فكرة صحيحه خصوصا أن بعض المشاكل تبقي أن كل واحد شايف المشكلة أو الموضوع من وجهه نظرة بس والمتخصص بيساعدكم في انكم تشوفو الجانب التاني للمشكلة
لو حابين تشرقوني اهلا بيكم
احنا بس عايزين نفهم حاجه أن مش شرط في المشكلة أن في حد فينا يكون غلطان ممكن بس نبقي في حاجه فاهمنها غلط او شايفين جزء من الزاوية
واننا ندور علي طريقة نتفاهم فيها مع بعض ده مش عيب
6202 مشاهدة 16 إجابات

الام حبوب الجدري كام يوم مع العلاج

اسبوع علي الاكتر ان شاء الله
2618 مشاهدة 3 إجابات

سري
هل لديك سؤال طبي؟ إسأل طبيب متخصص

لديك سؤال طبي؟ ارسل سؤالك في سرية تامة الى طبيب متخصص للاجابة عليه في اقرب وقت

إسأل دكتور