إبني عنده 7 سنين بيعاند دائما وبيعكس أي كلام بيتقال...

الأطفال مش بتقدر تعبر عن مشاعرها بوضوح احنا اللي بنعلمهم ده وبنفهمهم ازاي يعبروا عنها بشكل واضح، والعند شكل من أشكال التمرد والغضب أحيانًا
محتاجين توسعوا مساحة التواصل معاه علشان تقدروا تتعرفوا إيه الدوافع من سلوكياته
ومحتاجين نراقب سلوكياتنا كآباء، هل احنا بنطلب منه أمور احنا مش بنعملها؟ هل احنا متفهمينه ولا بنتعامل معاه بصيغة الأوامر فقط ؟

والأفضل حضرتك تتواصل بمختص نفسي للأطفال

العند المستمر عند الأطفال أوقات بيكون طريقه للتعبير عن احتياج أو ضغط مش بيعرفوا يقولوه بالكلام، خصوصًا لو فيه استخدام موبايل لفترات طويلة أو مفيش روتين ثابت للنوم واللعب
وابنك لسه في سن محتاج حركة وتفاعل أكتر من الشاشات.
حاولي بالتدريج:
تقللي وقت الموبايل من غير خناق أو منع مفاجئ
تعملي روتين ثابت للنوم
تدي له وقت لعب وحركة خلال اليوم
تتكلمي معاه بهدوء وتدي له اختيارات بدل الأوامر الكتير
ولو السلوك مستمر بشكل مرهق أو بيزيد، الأفضل يتقيم بشكل أعمق عشان نفهم السبب الحقيقي ونتعامل معاه صح

السلام عليكم ورحمه الله وبركاته
لازم نسحب الفون بالتدريج
و استبداله بالباطل
او اشتراك فى لعبة رياضية
و بالنسبة للاكل لازم نبعد عن السكريات و المياة الغازية
و الاهتمام بالتغذية الصحية
و اشتراك أيضا فى تعليم دينى
و جلسات تعديل سلوك

مساء الخير يا رب تكوني بخير وصحه وسلامه،محتاج جلسات تعديل سلوك ودي بتتم عن طريق اخصائي نفسي

محتاج تقليل وقت الشاشات
ممارسة لعبة رياضية الافضل سباحة
الاشتراك في أنشطة لتعليم مهارات
اليوم يكون منظم لتنظيم مواعيد النوم
تقديم الاحتواء والدعم من أهله لتشجيعه علي السلوكيات الإيجابية بالتحفيز و التشجيع

اهلا. بك
العند سلوك مكتسب نحاول نعدل طريقه التعامل مع الطفل بدلا من لو معملتش الواجب مش هتروح النادى
لكن لو قلنا ايه رايك تحب تخلص واجبك وبعدها هيكون في وقت نروح النادى ولا متعملتش الواجب والوقت يخلص ومش هنلحق الذهاب للنادى
بالنسبه للفون بندا نعوض بدلا منه يلعب رياضه ويحاول يكتسب مهارات جديدة كالرسم والتلوين

في السن ده غالبا بيبقي تصرف طبيعي محتاج بس تقويم سلوك

اللي بتوصفيه شائع عند أطفال كتير في سن 7 سنوات، ومش معناه تلقائيًا إن عنده مشكلة كبيرة، لكن محتاج تنظيم وحدود ثابتة.

العناد، رفض التعليمات، والتعلق بالموبايل غالبا بيزيدوا لما الطفل:

يقضي وقت طويل على الشاشات

يكون نومه غير منتظم

. أو يكتشف إن الرفض والعكس بيجيبوا له انتباه أو يخلوه ياخد اللي عايزه
والافضل تعرضي الحاله ع اخصائي نفسي اطفال

الطفل العنيد بيكون بذرة لشخصية قوية وقيادية ، لكن لازم نتعامل معاه بحكمة ونحاول نشركه في مهمات و نوجهه ولكن مش بصيغة الامر
وغالبا العنف والعصبية هتزود المشكلة اكتر
ممكن تشرفوني واقدر اساعدكم في وضع برنامج نمشي عليه عشان نحتوي المشكلة ونحولها لمكسب .

العرض علي أخصائي نفسي

حاولي تقللي الموبايل بالتدريج مش مرة واحدة، وحددي وقت ثابت ليه خلال اليوم، وقبل النوم بساعة على الأقل يبقى مفيش شاشة نهائي.
واستبدلي وقت الموبايل بحاجة فيها مشاركة منك حتى لو بسيطة، زي لعبة تركيب، رسم، حكاية قبل النوم أو لعبة حركة

بالراحة كدا لانى حضرتك عوديته على الموبايل و و لو هو مش بيسمع الكلام و بيعند ممكن نغير أسلوب كلامنا معاه لانى غالبا حضرتك بتزعقي كثير و هو أتعود على كدا . ممكن نحدد ميعاد مع بعض نتكلم و افهم منك تفاصيل اكثر و هتوصل باذن الله لحلول مع بعض لانى الولد لسه فى سن التنشئه فلسه قدامنا وقت قبل فوات الاوان