عنده دور برد ورشح بياخد برونكو برو وليفوهستام مره قبل...

ليفوهيستام كويس بس لازم كشف

الف سلامه ممكن نوقف البرونكوبرو ونكمل علي الليفوهستام مساء مع تنضيف الانف بنقط محلول ملح ونشرب سوايل دافيه ونركز علي اكلات فيها فيتامين سي ولو لسه مفيش تحسن يبقي لازم نكشف عليه عشان نسمع صدره ونطمن عليه ونشوف لو محتاج حاجه زياده ويتعمله اللازم

الف سلامه عليه
ممكن نستعمل بخاخ ماء البحر لسليك الأنف مؤقتا لحين ما يتم فحص الطفل اولا لتشخيص الحالة ومعرفة السبب

يستحب فحص الطفل لمعرفة سبب عدم التحسن.

في طفل عمره سنتين، أغلب حالات الرشح بتكون فيروسية وبتتحسن تدريجيًا خلال 7–10 أيام
لو الرشح فقط بدون:
حرارة عالية مستمرة
نهجان أو صعوبة تنفس
ألم أذن
خمول شديد
رفض أكل أو شرب فالعلاج غالبًا بيكون داعم أكثر من أدوية إضافية.
الحاجات اللي ممكن تساعد:
غسيل الأنف بمحلول ملح طبيعي (saline) عدة مرات يوميًا، وده من أفضل الحاجات للأطفال الصغيرين.
شفاط أنف لو الأنف مسدود خاصة قبل النوم.
سوائل كويسة.
رفع بسيط للرأس أثناء النوم

غالبًا أغلب أدوار البرد الفيروسية في السن ده بتاخد ٥–٧ أيام والتحسن بيكون تدريجي: أهم حاجة غسيل الأنف بـ محلول ملح فسيولوجي + شفاط أنف خاصة قبل النوم. سوائل دافية وترطيب الجو. ممكن الاستمرار على ليفوهستام لو فيه حساسية أو رشح كتير بالليل، ممكن ناخد نوع تاني زي تلفاست عشان لو مشينا فتره ع ليفوهستام ومفيش تحسن برونكوبرو مش هيوقف الرشح ده للكحة لازم فحص لو مفيش تحسن

السلام عليكم
الطفل عمر سنتين
الافضل يتفحص لان دور البرد لو متعالجش كويس ممكن يتطور أنزله شعبيه او التهاب رئوى
وطبعا لازم الفحص
دمتم بخير وعافية

لو الرشح مفيش معاه سخونية أو كحة شديدة فغالبًا فيروسي وبيتحسن بالتدريج، ممكن نركز على غسيل الأنف بمحلول ملح وشفط الإفرازات خصوصًا قبل النوم والرضاعة.
ولو الأنف مسدود جدًا ممكن نستخدم نقط للانف .
لو الأعراض زادت أو استمرت أكتر من ٥–٧ أيام أو في صعوبة تنفس يبقى لازم كشف.

اهلا يا مامى والف حمدالله على سلامته لابد من فحص الطفل والاطمئنان عليه لمعرفه هل السبب فعلا نزله البرد ام تحسس بالانف ام مشاكل بالجهاز الهضمى وادّت إلى ذلك وربنا يحفظه

الف سلامة عليه محتاج فحص وأخذ تاريخ مرضي لمعرفة سبب الرشح هل ده دور برد فيروسي أو بكتيري أو حساسية.

اكتر من ٣ ايام لو مافيش تحسن يبقى نكشف على الطفل علشان الامور ما تتطورش والف سلامه على البطل الصغير

الأفضل الكشف لمعرفة السبب ووصف العلاج المناسب له