سألت فتاة (تبلغ عمرها 18 سنة) 8 September, 2026
4550 انا دائما بشوف نفسي حلوه بس لما بشوف بنت احلا مني أو لبسه لبس حلو ببق نفسي أبق زيها وي بياثر عليا كلام الناس انا عت ثالثه ثانوي تاني وي مخنوقه اوي اوي من الموضوع دا الناس كلها شيفاني فشله كان نفسي افرح اهلي وي اخواتي وي أبق دكتوره وي بنت عمي نجحت وي ديما يبق في مقارنه وي انا عمري ما كلمت ولد ودا أثر عليا نفسي احب واتحب زاي البنات وي حته معنديش صحاب وي صحبتي الوحيده مبقتش تكلمني على شان انا سقط
إنتِ مش فاشلة، وإعادة السنة أو نجاح غيرك مش مقياس لقيمتك. واضح إن المقارنات وكلام الناس والوحدة مأثرين جدًا على ثقتك بنفسك. العلاج النفسي هيساعدك تتخطي الضغط ده، وتبني ثقتك بنفسك، وتبطلي تربطي قيمتك برأي الناس أو نجاح غيرك. ابدئي اطلبي المساعدة، لأنك تستحقي ترتاحي.
أخصائية مروة ربيع اللي بتمري بيه مفهوم جدًا، ومش معنى إنك تعثرتي في الدراسة إنك فاشلة أو أقل من غيرك. المقارنة بتتعبنا، وكل شخص له وقته وطريقه. ركزي على نفسك وخطواتك الجاية، وسيبي كلام الناس على جنب
أخصائية اميره محسن إنتِ مش فاشلة، إنتِ بس مرهقة من المقارنة وضغط الناس وتوقعات أهلك. نجاح غيرك مش معناه إنك أقل، وسقوطك مش بيحدد مستقبلك ولا قيمتك. وحتى موضوع الحب والصحاب، كل حاجة ليها وقتها ومش لازم تقارني نفسك بحد.
وفي كذا مهارة بسيطة تساعدك تقللي المقارنة وتسترجعي ثقتك بنفسك وتتعلمي تفصلي بين قيمتك ورأي الناس فيكي.
وفي كذا مهارة بسيطة تساعدك تقللي المقارنة وتسترجعي ثقتك بنفسك وتتعلمي تفصلي بين قيمتك ورأي الناس فيكي.
أخصائية مروة الليثي اللي بتوصفيه ممكن يكون مرتبط بالمقارنة المستمرة بينك وبين غيرك، وده ممكن يخلي ثقتك بنفسك مرتبطة بشكل او نجاح الآخرين. حاولي تفرقي بين قيمتك الشخصية وبين رأي الناس او انجازاتهم، وتركزي على نقاط قوتك وتطورك انت. ولو الاحساس ده مستمر وبيأثر على علاقتك بنفسك او باللي حواليك، فالجلسات النفسية ممكن تساعدك تفهمي السبب وتشتغلي عليه بشكل عملي.
أخصائي اخصائى نفسى امل ابراهيم حبيبتي، إنتِ مش فاشلة عشان سقطتي، ومش لازم تقارني نفسك بحد. اللي إنتِ فيه نتيجة ضغط ومقارنات كتير، وده ممكن يخليكي تشوفي نفسك أقل من غيرك حتى لو مش كده.
عدم وجود أصحاب أو علاقة عاطفية مش معناه إن فيكي حاجة ناقصة. خدي نفس، وابدئي خطوة خطوة، والأهم إنك متحكميش على قيمتك من سنة دراسية أو رأي الناس فيكي.
ومحتاجه اشوفك نتكلم اكثر
عدم وجود أصحاب أو علاقة عاطفية مش معناه إن فيكي حاجة ناقصة. خدي نفس، وابدئي خطوة خطوة، والأهم إنك متحكميش على قيمتك من سنة دراسية أو رأي الناس فيكي.
ومحتاجه اشوفك نتكلم اكثر
أخصائية يارا محمود عبد اللطيف مساء الخير يا رب تكوني بخير وصحة وسلامة، في حاجات محتاجة تتعرفي فيها اكتر على نفسك وتفهمي ازاي تواجهي مخاوفك وقلقك من الحاجات النفسيه ولمزيد من المعلومات تنورينا في اي وقت مناسب ولكم جزيل الشكر والاحترام
أخصائي الحسين حسن البنا عبد المنعم مقياسك لذاتك هو ذاتك و بس
علشان كنتي بتتحطي في مقارنات كتير من زمان فانتي اتعلمتي أن ديه الطريقه الي تمشي بيها حياتك و ديه الي مسببالك وجع كتير دلوقتي، في تمارين كتير اوي نقدر نشتغل عليها مع بعض بس محتاجين نفهم المشكله من جذورها، تنوريني في أي وقت
علشان كنتي بتتحطي في مقارنات كتير من زمان فانتي اتعلمتي أن ديه الطريقه الي تمشي بيها حياتك و ديه الي مسببالك وجع كتير دلوقتي، في تمارين كتير اوي نقدر نشتغل عليها مع بعض بس محتاجين نفهم المشكله من جذورها، تنوريني في أي وقت
أخصائية ياسمين عادل واضح إنك مش تعبانة من موضوع الدراسة بس؛ إنتِ شايلة فوقك مقارنة وضغط وإحساس إنك خذلتي أهلك، ومعاه احتياج طبيعي جدًا إنك تحبي وتتقبلي وتحسي إن ليكي مكانك وسط الناس.
وكونك بتبصي لبنت وتعجبي بيها أو تتمني تبقي زيها مش معناه إنك مش واثقة في نفسك؛ أحيانًا المقارنة بتزيد لما نكون أصلًا مش راضيين عن الصورة اللي شايفين نفسنا بيها.
أهم حاجة دلوقتي نفصل بين **"أنا تعثرت في الدراسة"** وبين **"أنا فاشلة"**؛ الاتنين مش نفس الشيء خالص.
وكونك بتبصي لبنت وتعجبي بيها أو تتمني تبقي زيها مش معناه إنك مش واثقة في نفسك؛ أحيانًا المقارنة بتزيد لما نكون أصلًا مش راضيين عن الصورة اللي شايفين نفسنا بيها.
أهم حاجة دلوقتي نفصل بين **"أنا تعثرت في الدراسة"** وبين **"أنا فاشلة"**؛ الاتنين مش نفس الشيء خالص.
أخصائية ياسمين أحمد شلبي 
