دكتورة سمر الخزرجي

مساء النور.. ممكن تروحي چيم و لكن هنتجمع حاجات معينه.. الچيم لوحده مش كافي أبدا.. محتاجين نظبط الأكل كمان.. فترة الرضاعه من اكتر الفترات اللي سهل النزول فيها في الوزن جدا لو ظبطنا الأكل.. هنحط نظام دايت مناسب للمرضعات و من أكل البيت مع الذهاب للچيم، و ممكن تعملي دايت لوحده من غير چيم هتخسي كويس جدا كمان..
فقدان الوزن يعتمد على الأكل بنسبة 80%

أولا قلة الأكل مش هتخليكي تخسي، بالعكس انتي بتدخلي نفسك في ثبات و احيانا زيادة.. السناكس طول اليوم مهمه جدا للحفاظ على مستوى الأنسولين في الدم، و بالتالي الحفاظ على الحرق..
ثانيا هنحتاج تقييم تغذوي مظبوط.. آخر ٤٨ ساعه أكلتي ايه بالظبط، تحاليل معينه، نظام يومك، شغلك، اعلى وزن وصلتيله و اقل وزن، أنظمة الدايت السابقه ان وجد..
بعد كده نحط دايت مناسب جدا ليومك .. نظام تقدري تمشي و تستمري عليه مش مجرد يومين و خلاص.. و ان شاء الله هتلاقي حرقك ظبط