أسئلة في تخصص صدر

ضيق النفس مع المجهود عرض مهم جدًا، ومحتاج تقييم دقيق وشامل

اهم اسباب ضيق التنفس مع المجهود:
امراض القلب
زي ضعف عضلة القلب أو ضيق الشرايين التاجية

أمراض الرئة المزمنة
زي انسداد الشعب المزمن أو حساسية الصدر، خصوصًا لو في تاريخ تدخين أو كحة مزمنة.

أنيميا أو أمراض الدم

زيادة الوزن أو قلة اللياقة البدنية
بتخلي التنفس والمجهود أصعب حتى لو الرئة سليمة.

نصيحتي لازم نعمل
• أشعة على الصدر
• رسم قلب وEcho للقلب
• تحليل صورة دم كاملة (CBC)

وبناءً على النتائج هنحدد السبب هل المشكلة في القلب ولا الرئة ولا الدم.

ضيق التنفس اللحظي او المؤقت ليه أسباب كتير ممكن تكون بسيطة ومؤقتة، وممكن تشير لمرض يحتاج فحص.

من أهم الأسباب المحتملة:
القلق أو التوتر، بيعمل انقباض مفاجئ في عضلات الصدر وإحساس بعدم القدرة على التنفس لثواني أو دقايق.

نوبات تشنج بالقصبة الهوائية
بتحصل أحيانا في الناس اللي عندهم حساسية صدر أو تاريخ مع الكحة أو الربو، وبتكون لحظية.

ارتجاع في المريء
ساعات بيعمل إحساس مفاجئ بالاختناق خصوصًا بعد الأكل أو وقت النوم.

نصيحتي لو النوبات دي بتتكرر أو بتزيد، هنحتاج نعمل
أشعة على الصدر
رسم قلب
كشف وفحص كامل مع اخذ تاريخ مرضي لو فيه كحة، صفير، إحساس بالحموضة، أو قلق نفسي مصاحب للحالة.

العدوى من الدرن بتختلف على حسب
١. مدة التعامل
٢. مناعة والدتك
٣. مريض الدرن رئوي ولا غير رئوي
٤. المريض اتشخص ب مزرعة بصاق ولا منظار او وسيلة التسخيص

مفيش داعي للقلق طالما لا توجد ألام أو أعراض تانية.. أحيانًا بعد جراحة الغدة الدرقية يحدث تغير بسيط في شكل المنطقة فوق عظمة القص بسبب التئام الأنسجة أو شد الجلد أو تغير بسيط في وضع العضلات..
لكن عشان الاطمئنان الكامل يفضل عمل فحص سريري بسيط عند الطبيب أو أشعة سونار على الرقبة.. و ألف سلامة عليك

الاعراض دي ممكن تكون بسبب ارتجاع في المريء او انتفاخ والتهاب بالقولون.
وممكن الانيميا تكون سبب
وممكن التهاب بالشعب الهوائيه
الاسباب كتير ولازم الفحص لمعرفه السبب الرئيسي وكتابه العلاج اللازم

علشان أزمات الصدر بتزود من حساسيه جدار الشعب الهوائيه و ممرات الهوائيه للموثرات الخارجيه زي الهواءالساقع والتراب فبيزيد معاها الألم و الكحه عشان كدا بننصح اننا نلبس كمامه لو بتنزل الصبح بدري سواء للشغل او المدرسه أو الجامعه والاماكن اللي فيها أطفال كتير لو ف حد عنده عدوه

لازم حضرتك تكشفي عشان نقدر نحدد التشخيص الصحيح لان الاعراض دي ممكن تكون نزلة برد و ممكن تكون التهاب في الشعب الهوائية و ممكن تكون من القلب و ممكن احتمالات تانية .. لازم كشف

الاعراض تستلزم الفحص وأخذ تاريخ مرضي أكثر تفصيلا .

في الغالب ممكن تكون لقطت عدوى ڤيروسيه و مسبب نزله شعبيه نحتاج للكشف الاكلينيكي لكتابة العلاج اللازم

حنحتاج اشعة عادية علي الصدر
الالم ماشي مع التهاب الغشاء البلوري اللي محوط الرئة ومعظم امراض الصدر تعمل كده فلابد من اشعة
اما مع الشرب قد تكون ارتجاع بالمري ولابد من الكشف للتأكد من التشخيص