ابنى سنه ١٥ سنه اتغير تغيير سلبى فى حياته كلها

Question

سأل ذكر (يبلغ عمره 15 سنة) 1 August, 2026

665 ابنى سنه ١٥ سنه اتغير تغيير سلبى فى حياته كلها

أخصائية اية عابد 113 نفسي 6 اكتوبر, الجيزة · Answer 1

في سن 15 سنة التغيرات السلوكية والانفعالية واردة جدا لكن لو التغيير كان واضح ومفاجئ وشامل لكل جوانب حياته مهم ما نعتبرهوش مجرد مرحلة مراهقة. حاولي تقربي منه من غير لوم أو ضغط ونفهم إيه اللي حصل أو اتغير حواليه، ومع استمرار التغيير أو تأثيره على دراسته وعلاقاته ونومه الأفضل يتقيم من حد متخصص

أخصائي عمرو المهدي 1401 نفسي 6 اكتوبر, الجيزة · Answer 2

اولا الشباب ف مرحله المرهقه بيتغير. تغيرات كتير. طبقًا لمرحله المرهقه
لانه بيحاول يثبت انه موجود او يطلع كل اللي اكتسبه الفتره اللي فاتت
دورك. انك تقف جانبه. وتقومه بشكل. يخليه مطمن انه زي مرحله وهتعدي
ومش هي دي حياته اللي جايا

Answer 3

التغير اللي حصل لابنك في السن ده ممكن يكون ليه اكتر من سبب ومحتاج نعرف ايه اللي ادى للتغيير ده الافضل تعرضيه على اخصائي نفسي او طبيب نفسي عشان ياخد تاريخ الحالة ويقيمه بشكل كامل وبعدها يتحدد انسب تدخل ليه

Answer 4

سن 15 سنة مرحلة بيحصل فيها تغيرات كبيرة، لكن لو التغيير كان مفاجئ وسلبي في شخصيته أو سلوكه أو دراسته أو علاقاته، فمهم ما نعتبرهوش مجرد سن مراهقة حاول تقرب منه من غير لوم أو تحقيق، واسمعه أكتر ما تتكلم. وإذا استمر التغيير أو زاد، فمن الأفضل عرضه على أخصائي نفسي لتقييم السبب مبكرًا، لأن التدخل في الوقت المناسب بيفرق جدًا.

Answer 5

اهلا بحضرتك
محتاج يتعرض على مختص نفسي لتقييم الأسباب اللي وصلته لهذا التغيير اللي مستحيل يكون حصل بين يوم وليلة
أو حصل بلا سبب

Answer 6

محتاجين نحدد هل التغيير السلبي ده حصل فجأة ولا بالتدريج؟ وإيه شكله تحديداً (عزلة، عصبية، تراجع دراسي، ولا تغير في النوم والأكل)؟
التغيير الجذري في السن ده غالباً بيكون علامة لتعرضه لضغوط نفسية؛ علشان كده أنصح جداً بحجز جلسة تقييم نفسي للإبن. الجلسة هتوفر له مساحة آمنة يعبر فيها عن نفسه بشكل محايد، وهتساعدنا نوجهكم كأهل لأفضل طريقة لاحتوائه.

Answer 7

لو التغيير اكثر من اسبوعين متواصلين يفضل تقييم نفسي لاحتماليه ADHD او اضطراب فرط الحركه وتشتت الانتباه في المراهقين ..وهو شائع جدا في هذه المرحله العمرية ويوجد ايضا في البالغين ليس كما يعتقد الكثير انه في الاطفال فقط..احتمال اخر لا قدر الله تعاطي مواد مخدرة وارد فضولا في هذه المرحله ايضا..سلامته

Answer 8

تغير السلوك في سن 15 قد يكون مرتبطًا بمرحلة المراهقة أو بضغوط نفسية أو اجتماعية، لذلك من المهم تقييم الأسباب مبكرًا. أنصح بحجز جلسة تقييم في العيادة للابن والأسرة لمعرفة السبب ووضع خطة مناسبة للتعامل معه.

Answer 9

فترة المراهقة من اكتر الفترات اللي بيكون فيها تغيرات نفسية مش بس بدنية
بتبقي في طباعه وأفكاره وصفاته وكل جذر في شخصيته
ممكن يزود التغير للشق السلبي لو هو تعرض لسلسلة من المواقف السيئة أو الإحساس بمشاعر سلبية قوية زي الوحدة أو عدم وجود توجيه ملائم للفترة دي ا. الح..
مهم جدا تقرب منه وتتكلم معاه عشان تفهم سبب التغير
ولو ده منفعش ممكن توديه لمتخصص نفسي يساعده اكتر

Answer 10

كنت أحب أن أعرف من حضرتك متى بدأت بالتحديد هذه التصرفات ؟
وطبيعة نومه وأكله ؟والى اى حد تصل ؟وعلاقتة بحضرتك وبالأب وبأخواته؟
لكن عامةسن المراهقة بحاجة للاحتواء والقرب وابعدى كل البعد عن مدمرات العلاقة بينك وبين ابنك وهى اللوم والنقد والمقارنة والتهديد ...عامليه ككبير وحاسبيه كطفل وتقبلى تقلباته المزاجية وسمات المرحلة العمرية وكونى صديقة له كى تمر المرحلة بسلام

Answer 11

ممكن من سوء التعامل معه في مرحله المراهقة ليها تعامل خاص لادلع ولا شد بيفضل الصحوبية فبيحاول يتمرد لتعويض اثبات ذاته

Answer 12

اهلاً بيك ، ضروري فحص المشكلة و تقيمها و معرفة اسباب التغير ، التعرض للصدمات احد اهم اسباب التغير الجذري الملحوظ .

Answer 13

ابحثي عن اىاسباب متصدريش لنفسك المشكله وتقفي عندها فقط لان ممكن تكون الصحبه صدمات عاطفيه معامله ابويه متغيره تفضيل اقرانه عليه

Answer 14

ابن حضرتك في مرحله المراهقه و هي مرحلة تتميز بالتغيرات الهرمونية الكثيرة
انصحك بالتعامل بهدوء و عدم النفعال والاكثار من الحوار
ولكن ايضا سرعه التوجه لمختص اذا ظهر سلوك عدواني او ايذاء للنفس او الغير او عزله اجتماعية و تدهور في المستوي الدراسي