ابني عمره ٩ سنين عينه احمرت كشفت عليه قالي التهاب...

لازم تتأكدي إن الاحمرار اللي رجع مرة تانية هو فعلًا التهاب صلبة، ومش نوع تاني من التهاب العين، لأن العلاج بيختلف حسب التشخيص

لو التهاب بالصلبه ممكن حاجه في المناعه
نشوف طبيب مناعه ممكن

اهلا بيكى والف سلامه على اابنك ... محتاج اعاده كشف للتحقق من صحه التشخيص .. لو التهاب صلبه بيخف ومبيرجعش تانى ... برجااء تنورينا ف العياده لتحديد التشخيص المظبوط وتوجيهك للعلاج النهائي

الف سلامة عليه يا فندم .. اولا حضرتك لازم نتاكد من التشخيص لان فيه التهاب فالاغشية اللي فوق الصلبة و التهاب فالصلبة نفسها و الفرق مابينهم كبير .. التهاب ما فوق الصلبة موضوع عابر بسيط .. امت التهاب الصلبة نفسها بيبقي مؤلم ولازم علاج و معرفة السبب .. الحاجة التانية التهاب الصلبة نفسه ممكن هجمة عابرة و الموضوع خلص و ممكن يكون جزء من مرض مناعي .. بنحاول نعرف هل معاه التهاب قزحي ولا لا لان دا بيفرق حدا فالتشخيص والعلاج .. اذا تكرر لازم ندور عالسبب و بناءا عليه بندي العلاج.

الف سلامه عليه يافندم طبعا التهاب الصلبه قد يكون بدون سبب وقد يتكرر مهم معرفة ذلك ومعرفة هل هناك الم او احمرار او مؤثر علي الرؤيه

ممكن تكون معلا التهاب مناعي بالصلبه محتاج كشف ومراجعه بالعياده

التهاب الصلبة ليه اختبارات معينة نقدر نعملها في العيادة لتأكيد التشخيص ، ارتفاع سرعة الترسيب ده بيحصل في حالة وجود اي التهاب في الجسم عامةً فهو مش مؤشر دقيق لحالة زي كده