عملت حشو ليزر ومش عارفه اكل علي الضرس

ممكن تكون حساسيه مؤقته ولكن لو استمرت لتلات ايام لازم ترجعي للدكتور
ممكن يكون الحشو عالي او محتاجه تعملي حشو عصب

محتاجه أشعه مبدأيا علشان نعرف محتاج حشو عصب او لا لان فيه احتماليه الحشوة تكون عاليه

ده بيكون في حالتين
الحاله الاولي حساسيه بعد الحشو ودي مدتها من أسبوعين الي ٣ وتروح
الحاله التانيه الحشوه تكون عاليه ودي هتحتاجي تروحي الدكتور يشوفها

ممكن يبقى الحشوه عاليه محتاجه يتشال منها شويه تقدر تكشف وتشرفنا نشوفك في العياده

ممكن يكون فيه حساسيه بعد حشو الضرس بيفضل موجود لحد ١٤ يوم و لو فضل مستمر يفضل نعمل كشف علي الضرس و اشاعه

اهلا وسهلا بحضرتك
الف سلامة على حضرتك
ممكن يكون الحشو عالي شوية ومحتاج تظبيط ده لو حضرتك لسه عاملاه من فتره قريبه

ده ممكن يكون لسببين
السبب الاول ان الحشو عالي وده حله اننا نرجع للدكتور وهو ينزله شويه
السبب التاني ان السن او الضرس فضل مسوس او مكسور لفترة طويلة لدرجة ان الفم اتعود عليه كده فلما حطينا الحشو فالفم مش متعود عليه وده حله انه مع الوقت الفم هيتعود عليه
وشكرا

ممكن يكون الحشو عالي او محتاج يتعاد تاني الوجع عامل إزاي؟

وارد تكون حساسية في الضرس او زيادة في الحشوة
محتاجه ترجعي لنفس الدكتور ممكن يعمل حاجات بسيطه تعالج المشكله
لان لو روحتي لدكتور تاني في الغالب هيبدأ من الاول بتكلفة جديدة

لو الالم بيظهر وقت الضغط او العض على الضرس فبنسبه كبيره هيكون نتيجه جزء عالي من الحشو .
لو الالم بيظهر مع شرب المشروبات الساخنه او البارده وبيختفي في غضون ثواني او دقيقه بالكتير ف دي حساسيه وهتختفي مع الوقت .
لو الالم موجود من غير اي مسبب له فممكن يكون فيه تسوس باقي وقريب للعصب او ان الضرس من الاول كان محتاج حشو عصب .

ممكن يكون في جزء بسيط عالي من الحشو او حساسية مؤقتة

لو بقاله اكتر من 5 ايام يبقى في مشكله ، الافضل الرجوع للطبيب

هو ممكن حضرتك يحتاج اشعه لانه قد يكون يوجد تسوس يلامس العصب او قريب من العصب ممكن تنورينا في العياده مع خصم خاص لمرضى التطبيق

غالبا هيكون محتاج حشو عصب

بيختلف شعور الالم من مريض للتاني فا مش عارفه اكل عليه دا وصف مش معبر قوي للحاله بس لو في الم شديد مع المضغ يبقي في التهابات اسفل الضرس و دا محتاج حشو عصب ، لو في الم بسيط او بس كهربه فا دا يا حساسيه من المواد المستخدمه في الحشو بالاخص مادة اللزق او في حاجه عليا في الحشو ( لو حاجه عليا هتلاقي انك بدائتي تجزي علي أسنانك و انتي مش حاسه بالاخص اثناء النوم )

محتاجين نعمل اشعة ع الضرس
ونتأكد من سلامة وجودة الحشوة

أهلاً بحضرتك بعد الحشو ممكن يكون فيه حساسية أو ألم بسيط عند الأكل أو الضغط على الضرس لمدة أيام قليلة لكن لو الألم شديد أو مستمر أو مش قادرة تاكلي عليه خالص فالأفضل تعملي كشف للاطمئنان على الحشو والضرس والتأكد إن كل حاجة تمام
لو تحبي احجزي موعد وهنفحص الضرس ونحدد سبب المشكلة ونطمنك عليه

غالبا يحتاج حشو عصب واحيانا اعاده حشو فقط

احتمال وجود حساسيه مكان استخدام البوند ممكن تستمر لأسبوع او وجود جزء عالي فالحشو بسبب ألم عند الضغط عليه

يعني ايه مش عارفة اكل ؟ هل في وجع مع المضغ او عند اصتكاك الاضراس مع بعض،
او هل مش عارفة تاكل مثلا حاجة مسكرة
طبعا الاسباب كتير حسب الشكوي ممكن تكون نقط عالية في الحشو بتبقي بسيطة او الدكتور لو شايف سبب لاعادة الحشوة هيعيدها تاني

ممكن يكون بسبب حساسيه ممكن تشرفينا نبص عليها واحتما كبير تتعاد

ممكن في جزء عالي في الحشو ال ومحتاج يتوطي او ممكن حساسيه مطرح الحشو

ننتظر شويه مع اخد علاج للالتهابات لو مرحش الوجع نعمل اشعه ونشوف الإجراء المناسب هيكون ايه

ممكن يكون ليه اكتر من سبب بالشعه و التشخيص هنقدر نعرف ايه المشكله