عندي قلق وتوتر واكتئاب وفقدان شغف وكره لكل شي وعايزة...

تقدري تحجزي مع طبيب علي حسب المكان بتاعك وسعره المناسب علشان ضروري متابعه مستمره لان جرعات العلاج بتتغير ببروتوكول ثابت حتي لو الاعراض خفت ونصيحه لازم ثيرابي بجانب الطبيب علشان نتعمل ازاي نتعامل مع المشاعر دي بطريقه فعاله خصوصا ان الادويه طبيعي تقعد فتره مش العمر كله الا لو الاكتئاب مزمن ودا يرجع للطبيب المعالج وتشخيصه الاكلينكي

لابد من العرض على استشارى او أخصائي طب نفسى لكتابة العلاج المناسب

اهلا بيكي. اتمنالك دوام الصحة والعافية
القلق والتوتر والاكتئاب وفقدان الشغف مشاعر مرهقة جدا. لكن أدوية الاكتئاب مينفعش تبدأيها من نفسك خصوصا مع ضغط الثانوية العامة.
الأفضل تروحي لطبيب نفسي يقيّم حالتك ويختار علاج مناسب لا يضعف تركيزك. في أدوية كتير ممكن تساعد بدون تأثير واضح على المذاكرة لكن اختيارها لازم يكون حسب حالتك.
ابدئي كمان بتنظيم النوم. تقليل المنبهات. وتقسيم المذاكرة لأجزاء صغيرة. ولو عندك أفكار إيذاء للنفس لازم تطلبي مساعدة فورا.

اتشرف بزيارتك وان شاء الله متعامل مع الضغوط اللي بتمري بيها بطرق ومدارس علاجية فعالة وسريعة وبعد التقييم ممكن جدا متكونيش محتاجة ادوية اكتئاب او قلق .
تسعدني مساعدتك .

مينفعش وضار جدا جدا أخذ أي أدوية نفسية دون الرجوع لطبيب، اختاري طبيب نفسي ترتاحيله هو يشخص الحالة ويكتبلك الدواء المناسب بالجرعات المناسبة

مهم جدًا متاخديش أي أدوية اكتئاب من نفسك أو بترشيح من حد، لأن كل حالة ليها علاج مختلف، وفي أدوية فعلًا ممكن تأثر على التركيز عند بعض الناس وأدوية تانية لا
وحاولي دلوقتي متحمليش نفسك فوق طاقتها، حتى لو إنجازك قليل فده طبيعي مع الضغط اللي إنتِ فيه. خطوة خطوه وكل شي هيبقي تمام

الأعراض اللي عندك محتاجة تقييم نفسي كويس عشان نحدد هل ده ضغط نفسي شديد ولا أعراض اكتئاب وقلق محتاجة تدخل دوائي. مش كل أدوية الاكتئاب بتأثر على التركيز، وفي أدوية بيتم اختيارها حسب حالتك وطبيعة دراستك، لكن مهم جدًا ما تاخديش أي دواء من نفسك. ومع العلاج الدوائي هنكمل بالعلاج المعرفي السلوكي عشان نشتغل على الأفكار السلبية والتوتر واستعادة الشغف والتركيز بشكل تدريجي

الأعراض النفسيه للقلق والاكتئاب بتأثر علي التركيز أيضا فالتقييم والتشخيص من طبيب نفسي اول خطوه للتعامل معاها

واضح إنك تحت ضغط نفسي كبير، خصوصًا مع فترة الثانوية العامة، وده ممكن يسبب قلق وتوتر وفقدان شغف بشكل واضح.
لكن أدوية الاكتئاب مينفعش تتاخد من نفسك، لأن اختيار الدواء بيختلف حسب الأعراض وطبيعة حالتك، وفيه أنواع تأثيرها على التركيز قليل وأنواع تانية ممكن تعمل خمول عند بعض الناس.

الأفضل تتكلمي مع طبيب نفسي يقيّم حالتك بشكل دقيق، خصوصًا لو الأعراض مستمرة أو مأثرة على نومك، مذاكرتك، أو قدرتك على التحمل. وفي نفس الوقت حاولي متحمليش نفسك فوق طاقتها وتدي لجسمك قدر كافي من الراحة والتخطى

حبيبتي عادى كل اللي انتي بتمرى بيه و خصوصا انك ثانويه عامه و اكيد دا مزود القلق بكل اللى ذكرتيه معاكى ممكن نقعد نتكلم مع بعض فى جلسه و بناءا عليه انتى هتقدرى تقررى فعلا انتى محتاجه ادويه مساعدة تخرجك من اللى انتى فيه مع الجلسات و للا الموضوع ممكن بشويه جلسات ننور عنينا على شوية حاجات تخرجك من كل دا أنا مش بكتب ادوية خالص و كل شغلى حبيبتى جلسات لايف كوتش و معالج نفسى بس لو احتاجتى ممكن أرشدك على دكتور يساعدك بأدوية

الافضل ، تحاول تكشفي و تعرفي كيفية التعامل مع المشاعر السلبية بدون دواء
مش لازم تاخد دواء من غير ما دكتور يكتبه ليكي
علشان ف أعراض جانبية

اعراضك دي غالبا محتاجة جلسات علاج نفسي أكتر وممكن متحتاجيش أدوية وحتي لو احتاجتي الأدوية مش بتفقد التركيز.

سلامتك ألف سلامه ،وربنا يوفقك .
بس فيه معلومه مهمه فيه مفهموم خاطئ في الطب النفسي اننا نقدر نشخص نفسنا وفي الحقيقه المرض النفسي زي اي مرض بيحتاج كشف للتشخيص ووضع الخطه العلاجيه المناسبه واللي بالمناسبه بتختلف من شخص لآخر حتي لو الاتنين نفس التشخيص .

متاخديش أدوية اكتئاب من نفسك، خصوصًا وإنتِ ثانوية عامة. الأفضل تراجعي طبيب نفسي يحدد العلاج المناسب من غير ما يأثر على تركيزك.

لو احنا في ثانوية عامة داخلين علي امتحانات يبقي دي فترة موقتة طبيعية أغلبية الطلبة بيمروا بيها في نفس التوقيت
ولو احنا لسه داخلين علي الثانوية العامة يبقي الفترة دي حدثت بدري شوية
في كلتا الحالتين احنا محتاجين دعم وشخص موثوق فيه أو متخصص يساعدنا أننا نعدي المرحلة دي بدون أدوية

اولا موضوع الادويه مش هو ده اللي لازم تبدا فيه على طول لازم تتاكد فعلا ان انت عندك ده اكتئاب وده ليه اعراض معينه ويا ترى لو كان اكتئاب ايه الدرجه بتاعته لانه على اساس الدرجه بنحدد لو هنضطر ان احنا نعمل علاج دوائي او علاج كلامي عن طريق الجلسات النفسيه علشان كده بنصحك بزياره معالج نفسي في البداية وبعد كده نقول لو اننا محتاجين دواء او مش محتاجين

من الواضح انك بتمرى بضغوط نفسيه او مخاوف من الإخفاق أثرت عليكي لكن اللي بيحدد حسب شدة الأعراض واستمرارها وما تحتاجيه يستحسن مراجعة مختص يساعدك عن طريق تقنيات علاجيه وانظمه تدريبيه لتنظيم النوم وتعديل الأفكار السلبيه وإدارة الوقت وتنسيق فترات الترفيه والراحه