بعاني جداً من العصبية اللي أنا فيها من اقل شي بتعصب...

العصبيه الزائده تشمل عدة اسباب :-
مثل ـ
- فرط نشاط الغده
- حالات اكتئاب ..مشاكل حياتية
تراكمات سلبيه وكبت
أسباب كتير ممكن تسبب عصبيه زائده
التشخيص الدقيق يفرق ويوضح الحاله بشكل أفضل
."أتمنى لحضرتك الشفاء العاجل بأذن الله "

ياربب تكون بخير وصحة وسلامة ، بص حضرتك العصبية اللي بتعاني منها من اكبر الاسباب اللي بتخليك عصبي هي معاناتك من القلق والتوتر فتبدا تحس بغضب جواك بسبب المشكلات اللي بتقابلك وعدم ايجاد حلول مناسبه لتلك المشكلات علشان كده لازم تحدد شده القلق والتوتر اللي بتعاني منها هل هي بسيطه ولا متوسطه ولا شديده ولا شديده جدا وبعد كده نبدا بالخطه العلاجيه عن طريق اخصائي نفسي اكلينيكي

هتكون محتاجين نتعلم مهارات اداره غضب
ازاى ندير الغضب من غير خسائر
الغضب من المشاعر الأساسية
بتقول فى حد تتعدى على حقى
بس الحرفانه انك تتطلع بأقل الخساير

مشكلة العصبية ممكن تكون بسبب عوامل كتير .... حاول تجمع وتشوف هي بتزيد معاك أمتي وقت الضغط النفسي ،وقت ما تكون مش نايم كويس وقت ما تكون مش بتاكل كويس ... وهكذا
بعدين أبدا اتمرن علي سلوك يهدي من عصبيتك دي زي تمارين الاسترخاء ومهارة Stop
ولو منجحتش زور متخصص يساعدك اكتر

الانفعال الزائد والصوت العالي مش المشكلة الأساسية هما عرض لمشكلة أخرى ممكن يكون كبت شديد وتجاهل للمشاعر وتفريغها فترة طويلة وبالتالي الحساسية للأمور بتكون أعلى
وممكن عرض لأمور تانية
وفي مدارس علاجية بتشتغل على تنظيم الانفعال والمشاعر
والمختص هيحدد سبب المشكلة تحديدا معاكي لإن لازم تتفهم لتفادي الانتكاس بشكل كبير

اهلا بك
العصبيه من السلوكيات المنتشره للاسف في الفترة الأخيرة وبيكون ليها اسباب اولا عضويه قد يكون سكر او عده
او اسباب نفسيه نتيجه التعرض لضغوط شديدة مكثفه او بيكون دة سلوك حضرتك للاسف انت بتكرره بدون تدارك الأمر
انصحك التوجه إلى اخصائي باطنه ولو الحمدلله مفيش مشكله عضويه هنتوجه نفسيه

العصبيه ليها اسباب كتيره ممكن قلق ممكن اكتئاب ممكن خلل في الشخصية و كل حاجه منهم ليها طريقه في العلاج

اللي بتمرّي بيه مرهق فعلًا، خصوصًا لما تحسي إن رد فعلك بيطلع أسرع منك وبعدها تندمي على ناس أو مواقف خسرتيها. لكن العصبية الشديدة غالبًا بيكون وراها ضغط متراكم، توتر، قلق، احتياج مكبوت، أو استنزاف نفسي لفترة طويلة—not مجرد “طبع وحش”.

أهلاً بك العصبية الزائدة وخروجها عن السيطرة تسبب خسائر كبيرة في العلاقات والخطوة الأهم هي وعيك بالمشكلة ورغبتك في التغيير، ما تمر به هو اندفاع انفعالي يحتاج لتدريب عقلك على الفصل بين المثير والاستجابة، ويمكنك استخدام قاعدة العشر ثواني والانسحاب مؤقتاً من المكان وتفريغ الضغوط بالرياضة، وفي حال احتجت لخطة سلوكية منظمة يسعدنا تشريفك لنا في العيادة أو لأحد الزملاء لمساعدتك بشكل تخصصي

العرض علي أخصائي نفسي وطبيب استشاري نفسي

اهلا بيك. اتمنالك أيام أهدى وأخف.

حاسس قد إيه الموضوع تاعبك. وواضح إنك متضايق من نفسك بسبب خسارة ناس قريبة منك. وده إحساس مؤلم فعلا.

العصبية الشديدة ممكن تكون مرتبطة بضغط نفسي. قلق. تراكم غضب. أو صعوبة في التحكم في الانفعال.

وقت الغضب حاول تبعد لحظات عن الموقف. خد نفس ببطء. وماتردش غير لما تهدى.

وبما إن العصبية أثرت على علاقاتك. أنصحك تبدأ جلسات نفسية عشان تفهم سبب الغضب وتتعلم طرق عملية للتحكم فيه.

العصبية الزايدة اللي عندك غالبًا مرتبطة بتوتر وضغط نفسي متراكم، وده بيخلي رد فعلك أسرع من الموقف نفسه.

حاولي وقت العصبية تاخدي نفس وتهدي قبل أي رد، ومع الوقت نشتغل على تنظيم الانفعال وتقليل التوتر.

ومهم
جدًا في حالتك إنك تعملي جلسات مع معالج نفسي، عشان يساعدك تفهمي سبب العصبية وتتحكمّي فيها بشكل أفضل بدل ما تأثر على علاقاتك

العصبيه عرض محتاج تقييم لمعرفة سببها وبالتالي التعامل معاها وتنظيم المشاعر اللي بتسببها

المشكلة الحقيقية مش في عصبيتك خالص المشكلة الحقيقية ايه اللى مخليك علطول على صفيح ساخن لازم نقعد مع بعض نعرف الأسباب الحقيقية اللى مخلياك متعصب و تاعبه أعصابك و مخليك مضايق فمش مستحمل حاجة
الواحد لما بيكون مضغوط بيكون مش مستحمل حتى صباح الخير فبراحه كده ممكن نقعد نتكلم و نحط أيدينا على اللى جواك

العصبيه ده سلوك نابع من مشاعر جواك كتير
الافضل تعرف كيفية التعامل مع المشاعر و إدارتها مع اخصائي نفسي او من خلال القراءة ف المجال النفسي

محتاجة تتعلمي تنظمي مشاعرك وتخرجي كل المواقف المكبوته جواكي اللي مش مخلياكي قادرة تتحملي.
جلسات العلاج هتفيدك جدا وهتحدد إذا كان في اضطراب معين ولا مجرد عرض وبيتم التعامل معاه عادي

سلامتك الف سلامه
اول خطوات التغيير هو الاعتراف بالمشكلة وده حضرتك عامله الحمد لله .
يجي بعد كده الكشف والفحص الطبي لمعرفه سبب المشكله والتشخيص والعلاج .

العصبية من اقل شئ دليل علي وجود مشاعر سلبية ومواقف وخبرات سيئة يجب التخلص منها ونتعلم ازاي اتعامل مع مشاعري وأفكاري من خلال علاج معرفي سلوكي من خلال معالج نفسي