634 مش عارفه ابدء من فين بس انا بتجيلي وساوس في العقيده من زمان بس كانت بتروح ودي المره التالته والوسواس مش بيروح نهائي وسواس في كل شي حول العقيده ال هو هل فعلاً ربنا موجود هل في حساب هل في جنه ونار و اوقات وساوس حول أنه ممكن يكون القران محرف كمان وساوس عن الرسول وكدا والوساوس بتكتر وشكوك في كل حاجه تخص العقيده المشكله اني في أول الوسواس كنت متاكده أنها فكره غلط ومش مني لاكن دلوقتي مبقتش عارفه إذا كانت هي فعلاً غلط وله لا وخوف و انا مين وازي في الاول لمه كنت بتكلم مع نفسي واحاول اقنع نفسي ان كل ده وساوس مش حقيقيه احس اني اتحسنت بس دلوقتي لا مهما اتكلمت مع نفسي بحس أن الوسواس سيطر عليا مع العلم اني بصلي الفروض كلها والفجر وبقرء القرآن بس مش بحس بالخشوع ولا حاجه بحس اني بعمل كل ده خارجي بس لاكن من جوايا مش حاسه ولمه قرأت وعرفت اني ممكن يكون عندي وسواس قهري في العقيده بقيت ارتاح بس بدء بجيلي أنه ممكن مكنش مريضه وده انا وتفكيري واني كفرت الموضوع ده مش ببخرج من دماغي خالص طول اليوم ببقي مخنوقه وخايفه مش باكل ومش بتكلم وحتي مش عارفه اذاكر وأنا في تالته ثانوي بعيط كتير وادعي ربنا في الصلاة بس مفيش حاجه بتتغير الموضوع بقي متعب ومش عارفه اعمل حاجه في يومي ويوم ابقي كويسه وعشره لا بقعد اتفرج علي فديوهات في الدين علشان اخشع بس انا دلوقتي حسه ب ضياع في الدين مبقتش عارفه حاجه ونفسي ارجع تاني لعلقتي بربنا كمان بخاف اسمع القران أو قصص الأنبياء لأن الوسواس بيجيلي وبفتكره انا نفسي اكون مريضه فعلاً وكل ده مش هتحاسب عليه
اهلا بحضرتك
اول ما يبدأ الوسواس اتسعيذ بالله ورسوله مرة واحدة فقط ثم تجاهل الفكره
كل ما ييجي الوسواس
ما يدخلش في جدال مع الفكرة وتمسك فيها أو تقنع نفسك أن عندك وسواس اقول لنفسك انا اسيطر على تفكير مش تفكير يسيطر عليا
اول ما تجيلك الفكره حالا تقومي تشغلي نفسك باي شئ
المخ مكنش تشغيله فى المفيد هيشغلك
يبدلها بحاجة عملية يمسك موبايل، يقرأ حاجة، يسمع قرآن قصير تفكر في ذكرى حلوه حاجه مستقبيليه
يعمل نشاط حركي يوميًا مشي 20 دقيقة أو أي رياضة لأن ده بيقلل القلق اللي بيغذي الوسواس
الارهاق الجسماني مهم جدا لحالتك بحيث تنام بكل سهوله بدون ما افكر كتير
أذكار المساء سورة البقرة أو حتى آيات منها ولو بالتسجيل
يكتب في ورقة قبل النوم الوسواس مش أنا وربنا مش هيحاسبني على اللي غصب عني
يثبت وقت يومي قصير 10 دقايق يقرأ أو يسمع حاجة عن العقيدة الصحيحة، عشان يطمن قلبه بالعلم، بس من غير يدخل في جدال داخلي مع الوساوس.
لو الوساوس شديدة ومستمرة أكتر من شهرين وبتأثر على حياته يروح لطبيب نفسي، لأن أحيانًا بيحتاج علاج سلوكي أو دوائي
أخصائية نادية احمد 
