40 أنا بعاني من إدمان عادة السرية ومشاهدة الإباحية بقاله حوالي ١٠ سنين. حاولت جدًا إني أتوقف عنها بكل الطرق الممكنة، لكن للأسف بفشل كل مرة.
جرّبت:
ممارسة الرياضة بانتظام
الانشغال بأنشطة مفيدة
الالتزام بالصلاة والعبادات
محاولات كتير للابتعاد عن المثيرات
خطط مختلفة لضبط الذات
لكن رغم كل ده، برجع تاني، وده مسبب لي ضغط نفسي كبير وإحباط.
علشان كده، أنا بطلب من حضرتك تقييم حالتي وهل ينفع استخدام علاج دوائي يساعدني أتحكم في العاده السريه ومعملهاش تاني مع العلم لو مشفتش اباحيه ممكن اعمله من تفكير بس
كنت سمعت عن أدوية زي:
Seroxat 20mg (باروكستين)
Dogmatil 50mg (سولبيريد)
ومش بطلب وصفهم مباشرة، لكن بسأل حضرتك هل الأدوية دي مناسبة لحالتي؟
ولو في نوع تاني أفضل أو طريقة علاجية تدريجية دوائية أو سلوكية، ياريت حضرتك ترشدني ليها.
وشكرًا لحضرتك.
---
١ـ العادة السرية غالباً تحدث عندما تكون وحيدا في المكان علشان كده عايزك تكون دائماً مع الناس ومع اصدقائك ما تتديش لنفسك فرصة انك تكون لوحدك
٢ـ الابتعاد كل البعد عن الفراغ ، يعني اضغط نفسك في عمل او دراسة بحيث انك ميكنش عندك اي وقت انك تمارس العادة السرية
3- الابتعاد عن المثيرات وخاصة الموبايل وفيه برامج بتمنع الوصول للمواقع الاباحيه زي blocking
4ـ محاولة تنشيط الدوبامين الصحي وده هيحصل لما تعمل انشطة زي رياضة انت بتحبها او زي اكل حلوة انت بتحبها ، شاور بارد
5- الانسحاب التدريجي من العادة السرية يعني ماتوقفش الموضوع مرة واحدة يعني لو بتعمل العادة يوميا خلي الاسبوع الاول يوم اه ويوم لا في الاسبوع الاول ، وفي الأسبوع الثاني 3 مرات في الأسبوع والاسبوع الثالث 2 مرات في الأسبوع والاسبوع الرابع مرة واحدة في الأسبوع لغاية ماتوقف الموضوع نهائيا وعوض نقص الدوبامين بالرياضة والاكل الصحي
أخصائي الحسين حسن البنا عبد المنعم 
