أسئلة طبية وأجوبة من أطباء متخصصين

تمام متوفر جلسات اون لاين تواصل مع خدمه العملاء للحجز

مساء السعاده
حضرتك اخدت العلاج تلقاء نفسك بدون امر طبيب ؟
والعلاج نفسه لا يكفي احنا مش طول عمرنا هناخد علاج لازم تعالج السبب الرئيسي مع معالج نفسي بجلسات يحددها المعالج ورجاء مراجعه طبيب المعالج للدواء لو في لو من تلقاء نفسك لازم تتوجه لمتخصص او توقفه تدريجيا مع جلسات علاج سلوكي معرفي بالشفاء العاجل لحضرتك

اولا ألف سلامة عليك دي أعراض التهابات مزمنة في القولون ممكن تكون التهابات مناعية او ممكن يكون شئ آخر، لابد من فحصك بالسونار العادي وسونار الأمعاء وعمل تحليل مهم وبعدها بناخذ القرار مع بعض بعد شرح الحالة بالتفصيل ، ف الغالب سيكون القرار عمل منظار قولون تشخيصي لكن نتائج الكشف والفحص اللي قولته لحضرتك هتحدد لينا ايه اللي موجود ونعرف هنعمل منظار القولون نبحث عن اي نوع من المشاكل ، يمكنك الحجز وتشرفنا والإجراءات كلها سهلة وبسيطة جدا

عشان تقدري تسيطري علي الافكار اللي بتجيلك بانك تاخدي حاجة مش بتاعتك ، لازم نعرف ايه الاحتياج اللي ورا التصرف دا ونحاول نشبعه بطرق اخري تكون صحية .
يشرفني مساعدتك

التعلق والعطاء الزايد لناس مبيقدروش، بيكون وراه أسباب نفسية واضحة:
الخوف من الرفض أو الوحدة: فبنحاول "نشتري" وجودهم في حياتنا بالعطاء المفرط.
ضعف الاستحقاق: الإحساس الداخلي بإننا مش كفاية، فبنربط قيمتنا بتضحيتنا وإرضاء الآخرين.
جوع عاطفي من الطفولة: رغبة غير واعية في تعويض حرمان قديم.
وهم التغيير: بنتعلق بأمل إن كتر الحب هيصلح الشخص التاني.
العطاء الزايد ده بيكون "نداء استغاثة" داخلي.. الشخص محتاج يوجه الحب ده لنفسه الأول، ويتعلم يحط حدود تحميه.

مقدرة جداً وعارفة إن اللي مريتِ بيه مع والدك (ربنا يرحمه) مكنش سهل أبداً، وإنك تشوفي موقف زي ده يحصل قدام عينيكِ دي تروما (صدمة) حقيقية مش مجرد زعل عادي. طبيعي جداً عقلك يحاول يحميكِ دلوقتي بوجع الخوف من تكرار الصدمة مع حد بتحبيه، اقبلي مشاعرك ومتقاوميهاش، افصلي الماضي عن الحاضر، رجعي نفسك للواقع(هنا والآن)، شاركي مشاعرك ومخاوفك مع مختص
البقاء لله في والدك، وافتكري دايماً إنك تستحقي تعيشي وتطمني.

قبل قرار الاعطاء لازم نأكد انخفاض مستوى الTestosterone عن طريق عينة صباحية من الدم وتكرر مرتين . وتكون فيه اعراض واضحة نتيجة نقص مستواه . وميكونش فيه رغبة في الانجاب على المدى القريب .
ولو كل ده اتحقق بتعمل فحوصات تحضيرية قبل الاعطاء صورة دم كاملة وتحليل دهون كاملة و دلالات أورام البروستاتا
بعد كدا ممكن وصف طريقة الاعطاء مع طبيب أمراض الغدد الصماء او امراض الذكورة

الطفح الجلدي بباطن القدم عند طفل ٦ شهور قد يكون بسبب حساسية أو التهاب جلدي أو تهيج من الرطوبة والاحتكاك، وأحيانًا يحتاج فحص مباشر لمعرفة السبب بدقة خاصة إذا كان منتشر أو معه احمرار شديد أو حكة.
أنصح بتجنب أي كريمات تحتوي على كورتيزون بدون وصف طبي للأطفال
ممكن تشرفينا فالعيادة من خلال الحجز علي الابلكيشن في اقرب موعد مناسب
وبيتم الكشف الطبي الدقيق للاجراء المناسب باذن الله

ظهور حبوب بها سائل أو “مياه” خلف الرأس قد يكون بسبب التهاب ببصيلات الشعر أو حساسية أو عدوى جلدية بسيطة، لكن التشخيص الدقيق يعتمد على شكل الحبوب وهل معها حكة أو ألم أو إفرازات.
أنصح بعدم حكّها أو استخدام أي كريم عشوائي حتى لا تزيد الالتهابات أو تترك آثار.

ممكن تشرفينا فالعيادة من خلال الحجز علي الابلكيشن في اقرب موعد مناسب
وبيتم الكشف الطبي الدقيق للاجراء المناسب باذن الله

انيميا مع نقص وزن وفقدان شهية...اعراض محتاجة فحص سريري لأن الأسباب كتير ومش ممكن تشخيصهم بالكلام بس