أسئلة طبية وأجوبة من أطباء متخصصين

يتم تدريج العلاج علي مدار أسبوع
يعني باخد نص الكميه اسبوع وبعدين اسبوع ااقل الجرعه التانيه
يعني لو بتاخد قرص بنقلله لنص قرص لمدة أسبوع وبعد كده ربع قرص لمدة أسبوع وبعدين نوقف
بس في حاجه اهم احنا اصلا اخدناه ليه
فيه بعض المشاكل والاضطرابات النفسية اني اشتغل علي نفسي واكون مع ثيرابيت افضل من العلاج الدوائي

اعمل سونار على الخصيتين والحبل المنوي وشرفنا للكشف ومعاك النتيجة

مقياس سمع وضغط اذن وكشف مهم جدا

نعم في بعض الحالات بيتم ذلك .

في بعض الحالات عندما يكون السن مكسور كسر كبير و لكن العصب سليم تماما يتم عمل تلبيسة للاسنان للمحافظة عليها

متاح اكتر من مدرسة علاجية وبيتم تحديد المدرسة علي حسب المشاكل الموجودة

مساء الخير اللي بتشرحه عن نفسك هو في إطار مشكلتين اضطراب القلق العام واضطراب الشخصية الكمالية والاتنين احيانا بيبقوا في نفس الشخص والعلاج الدوائي زي المسكن بيقلل دواير القلق وبيزود السيروتونين في الدماغ ويقلل من الادرينالين وتوابعه على الجسم لكن المشكلة في الجينات الوراثية اننا بنبقي أهلنا على الأغلب اناس قلقة او وسواسيه او شخصيات كمالية يعني احنا شاربين منهم مش بمزاجنا احنا محتاجين نتعلم في العلاج النفسي طرق التراحم مع الذات وتقبل النقص والخطأ وتغيير الاسكيمة اللي اترسمت في دماغنا وهكذا عشان كده العلاج المعرفي السلوكي هيفرق معك الاستمرار في دوا زي لوسترال مش هيفيدك لانه جرعة ٥٠ مجم ولا حاجة وكمان في آثار جانبية اهمها قلة الرغبة الجنسية عند الرجال واحيانا تبلد المشاعر لا عارف افرح ولا عارف أحزن وخلافه بقي شوف معالج نفسي يجيد العلاج المعرفي السلوكي ومدارس التراحم والتقبل والالتزام هيفرقوا معك كتير الف سلامه

مساء الخير في مدرسه نظم الأسرة الداخليه ودي إحدى المدارس العلاجية بتتكلم ان الانسان جواه كيانات مختلفه وكل كيان هو حتما له وظيفه وعلى الاغلب حمايته او انها تخلي شخصيته متسقة مع الواقع ومع المجتمع وفي العلاج النفسي بنبقي عايزين نخليهم يشتغلوا مع بعض مش ضد بعض عشان الشعور اللي بتوصفيه ده يقل وارد طبعا يكون اتعرضنا لصدمات نفسية مفاجأة ويمكن وده الأغلب اننا تربينا في بيئة متناقضة ومتضاربة في زرع المفاهيم والقيم وتطبيقها مع قلة المرونة في التعامل مع الخطأ اتمنى تدوري على النسخة الأنسب من نفسك حتى لو كانت البنت الجريئة مع محاولات تقليل الأخطاء او تصحيحها وعدم تكرارها احنا الأصل في خلق الإنسان الخطأ والاستغفار والسعي للتصحيح

يلزم عمل تحليل بول وفحص البروستاتا لتحديد العلاج حسب السبب ألف سلامة علي حضرتك

مرض الذئبة الحمراء هو مرض مناعي بيخلي الجسم يهاجم نفسه، وده ممكن يسبب مشاكل في الجلد والمفاصل وأحيانًا الكلى.
العلاج موجود وبيكون عن طريق أدوية بتنظم المناعة، ومع المتابعة المنتظمة المريض يقدر يعيش بشكل طبيعي جدًا
مهم جدًا: تجنب الشمس والمتابعة مع طبيب متخصص بيفرقوا كتير في التحكم في المرض