اكشف

أسئلة في تخصص صدر

أسئلة طبية تم سؤالها من خلال مستخدمين تطبيق اكشف وأجوبة من أطباء متخصصين على إكشف, يمكنك ترك سؤالك وسوف يتم اجابته في سرية تامة

بتكح على طول ومش قادره تاخد نفسها

احتمال بسبب التهاب بالحلق او التهاب بالشعب الهواءيه او التهاب باحدى الءتين او كليهما اوتضخم فى اللوزتين وبالتالى لابد من الكشف والفحص الدقيق للتاكد واعطاء العلاج الصحيح.
20 مشاهدة

لو سمحت عندي بنتي 12 سنه تعبانه يصدرها بقلها كام سنه وعملت مزرعه مفيهاش حاجه وعملنا منظار علي الشعب الهوائية وكان في مكروب علي الرئي وخدنا مضاد حيوي واحتجزت في [إقرأ المزيد...]

طالما تم عمل منظار اذن كانت الاشعة غير طبيعية وعليها تم اخذ مزرعة والمنظار احيانا يكون الميكروب مقاوم للمضادات الحيوية او ربما لم تاخذ علاج كافي او تكرر الامر بميكروب اخر لابد عرض كل الفحوصات الطبية للمريض من مزرعة وتقرير المنظار والفحوصات التي تم عملها بعد المنظار حتي نصل للتشخيص الصحيح
377 مشاهدة

ابني سنه ١٠سنين بيجيله وجع ف صدره جامد مش بيتحمله عايره اعرف ايه اليبب واوديه لدكتور تخصص ايه

الم بالصدر من الشكاوي المزعجة مهما كان السبب
وفي عمر ١٠ سنين اسباب الالم غير مريض كبير السن بالطبع والاسباب كثيرة منها البسيط لو اتخبط في صدره مثلا او اتعرض لهواء بارد ادي الي التهاب بعضلات الصدر وقد تكون اي مسكلة بالرئة او القلب ممكن ان تؤدي الم فلابد من اخد تاريخ مرضي تفصيلي والكشف وغالبا اجراء بعض الفحوصات مثل اشعة الصدر وغيرها
378 مشاهدة

انا من فترة لاحظت تخير فى مكان الثدى يعنى اليمين نزل تحت شويه والشمال فى مكانه الطبيعى وحاسه ان صدرى المش فى مكانه الطبيعى بيوجعنى وفى احمرار تحت منه فى الجلد وتحت [إقرأ المزيد...]

التهاب بغدد الثدى ... يجب الكشف عند جراح
151 مشاهدة

فيه كحه جامد لطفلي 11 سنه بقالها يجي شهر كحه بصوت وناشفه كشفنا صدر قال مافيش حاجه اعملوا منظار علي الزور عملنا المنظار قال مافيش حاجه ارجعوا للصدر تاني وبعديها معدته [إقرأ المزيد...]

متابعه مع طبيب الامراض الصدرية وعمل اشعه مقطعيه علي الصدر.....ومحتاجين تظبيط علاج المعده
66 مشاهدة

اعاني من وجع ف منتصف الصدر وخنقه شديده ف رقبتي ووجع ف القلب وحول ضلوع صدر وصداع ودوخه وبقالي ٣ ايام ف وجع ف كعب القدم والفخد واصابع اليد وعضد كشفت قلب من فتره وعملت [إقرأ المزيد...]

احتمال وجود شد عضلى حول فقرات الرقبه يسبب كل ده اهلا وسهلا تشرفينى فى العياده لاقوم بالفحص الدقيق وانشاء الله اطمءنى
13 مشاهدة

ضيق التنفس من مجرد امشى

ضيق النفس مع المجهود عرض مهم جدًا، ومحتاج تقييم دقيق وشامل

اهم اسباب ضيق التنفس مع المجهود:
امراض القلب
زي ضعف عضلة القلب أو ضيق الشرايين التاجية

أمراض الرئة المزمنة
زي انسداد الشعب المزمن أو حساسية الصدر، خصوصًا لو في تاريخ تدخين أو كحة مزمنة.

أنيميا أو أمراض الدم

زيادة الوزن أو قلة اللياقة البدنية
بتخلي التنفس والمجهود أصعب حتى لو الرئة سليمة.

نصيحتي لازم نعمل
• أشعة على الصدر
• رسم قلب وEcho للقلب
• تحليل صورة دم كاملة (CBC)

وبناءً على النتائج هنحدد السبب هل المشكلة في القلب ولا الرئة ولا الدم.
357 مشاهدة

اعاني من ضيق ف النتفس لحظي لمدة دقائق لدرجه مبقدرش اقوم ما السبب

ضيق التنفس اللحظي او المؤقت ليه أسباب كتير ممكن تكون بسيطة ومؤقتة، وممكن تشير لمرض يحتاج فحص.

من أهم الأسباب المحتملة:
القلق أو التوتر، بيعمل انقباض مفاجئ في عضلات الصدر وإحساس بعدم القدرة على التنفس لثواني أو دقايق.

نوبات تشنج بالقصبة الهوائية
بتحصل أحيانا في الناس اللي عندهم حساسية صدر أو تاريخ مع الكحة أو الربو، وبتكون لحظية.

ارتجاع في المريء
ساعات بيعمل إحساس مفاجئ بالاختناق خصوصًا بعد الأكل أو وقت النوم.

نصيحتي لو النوبات دي بتتكرر أو بتزيد، هنحتاج نعمل
أشعة على الصدر
رسم قلب
كشف وفحص كامل مع اخذ تاريخ مرضي لو فيه كحة، صفير، إحساس بالحموضة، أو قلق نفسي مصاحب للحالة.
178 مشاهدة

لو والداتي اختلطت يومين بمريض تدرن ومكانتش تعرف هل كده في خطر عليها وممكن تكون اتعدت ولا لا

العدوى من الدرن بتختلف على حسب
١. مدة التعامل
٢. مناعة والدتك
٣. مريض الدرن رئوي ولا غير رئوي
٤. المريض اتشخص ب مزرعة بصاق ولا منظار او وسيلة التسخيص
968 مشاهدة

قبل عدة اشهر خضعت لعملية استئصال جزئي للغدة الدرقية.. لكن منذ فترة بدأت الاحظ بروز طفيف للغاية في الصدر (الجزء العظمي أسفل الرقبة مباشرة) لكني لا اشعر بأي الآم أو [إقرأ المزيد...]

مفيش داعي للقلق طالما لا توجد ألام أو أعراض تانية.. أحيانًا بعد جراحة الغدة الدرقية يحدث تغير بسيط في شكل المنطقة فوق عظمة القص بسبب التئام الأنسجة أو شد الجلد أو تغير بسيط في وضع العضلات..
لكن عشان الاطمئنان الكامل يفضل عمل فحص سريري بسيط عند الطبيب أو أشعة سونار على الرقبة.. و ألف سلامة عليك
228 مشاهدة

سري
هل لديك سؤال طبي؟ إسأل طبيب متخصص

لديك سؤال طبي؟ ارسل سؤالك في سرية تامة الى طبيب متخصص للاجابة عليه في اقرب وقت

إسأل دكتور