500 انا مريت بحاجات كتير اقواها كان انفصال اهلي لانوا بس ابويا عاوز يخلف ولد واحنا خمس بنات سبت دراستي ونزلت اشتغل بعد كدا مريت بصعوبات كتيرة دلوقت انا رجعت اكمل دراسة تاني المشكلة انو اي حاجة فيها مصلحتي دماغي رفضاها مش بعرف ابقي مبسوطة مش بعرف انجز حاجة نهائي لما اجي اذاكر افضل اتثائب كتير جدا لدرجة اني بصدع وفكي يوجعني وعنيا تدمع ومش بعرف استوعب اي حاجة وتعصب وكتير فجأة يبقي مفيش حاجة مديقاني بس انا مدايقة ومخنوقة وعاوزة اتخانق مش بس المذاكرة اي حاجة كويسة ممكن تحصل في حياتي كدا دا غير تعرضي للتحرش زمان ودي مأثرة جامد عليا دايما دماغي عاملة عالم تاني غير اللي انا عيشاه ودا تاعبني مش بعرف انام مهما حاولت مش عارفة كل م احاول مثلا اظبط نومي اقاوم دماغي بتعب فجأة ببقي عاوزة انام وكتير جدا ببقي مش عاوزة انزل من البيت وساعات مش عاوزة اقعد في البيت دا غير انا مثلا جيت اذاكر ومقدرتش اقول خلاص ارتاح شوية تفضل دماغي تقولي كدا حتي لو ذاكرتي مش هتفهمي مش هتعرفي الوقت بيعدي والامتحانات بتقرب مش بعرف اتحكم في الموضوع دا غير الالم الجسدي بقوم من النوم ايدي منملة جدا وحلقي ناشف لدرجة اني بفضل اكح كتير لدرجة الترجيع دا غير التوتر طول الوقت متوترة ومتعصبة وقلقانة مش فاهمة ليه بجد تعبني كدا نفسي اعدي المشكلة دي بأي شكل مش عارفة اعمل ايه هو انا مش عارفة دا تخصص ايه
موضوع حضرتك إن شاء الله بسيط .. قلقك و التوتر و الضغط و عدم الراحة سواء في الحاجات الحلوة اللي بتحصل أو عدم وجود صبر على الأحداث الصعبة لإن وارد تأثير البيت عليكي و إن الأب كان عاوز يخلف ولد ده خلق عندك رفض و كره لنفسك ف بالتالي بتحاولي تهربي من الموضوع ده سواء بالنوم أو الأكل الكتير ف بالتالي الهروب ده بيخلق إحساس خنقة و ضيق و تحسي أوقات إنك مش قادرة تتحركي من السرير أو قلق زيادة و تفكير كتير يمنعك من النوم...الحل في المواجهة... إننا نعترف إننا متضايقين و حاسين بالرفض و حاسين بالظلم ف بالتالي واحدة واحدة الموضوع هيكون أسهل عليكي إنك تتقبليه و تتعاملي على أساسه بحيث ولا تقاطعي أهلك ولا تخسري نفسك
أخصائي أحمد محمد غريب 
