سألت أنثى (تبلغ عمرها 8 سنوات) 26 October, 2025
338 السلام عليكم ورحمه الله وبركاته
معاي بنتي عمرها 8سنوات
من حوالي 4 شهور اتعصبت وقعده تبكي واغمي عليه وبعد ما فاقت معرفتش حد خالص من البيت ولا بره البيت ومعرفش نفسها قاعدة فين وقعده في الوضع دا حوالي ساعه وبعدين فاقت وعرفتنا ورحنا لدكتور وطلب اشاعه مقطعيه على المخ وقال عنده شويه التهابات وذياده كهرباء في المخ فضلت على الحال دا فتره تصرخ وتغيب متعرفش حد وتقول بحلم حد عايز يخطفني او حد عايز يخنقها وكشفنا عند كذا دكتور تاني وعملنا رسم مخ وبرضو قالو عندها زياده كهرباء في المخ وبعد كده الموضوع بقي يتطور بتقول بسمع اصوات في مخ وحد يقولها امشي من البيت ابوكي مش عايزك وتفضل تصرخ وتشد في شعرها وعايزه تجري من البيت
بعد كده بقيت تدخل في اغماء مؤقت وتفوق مش قادره تتكلم ولسانه تقيل وجسمهم منمل الاغماء بيتكرر معاها مرات كتيره اوي على مدار اليوم
اهلا بحضرتك ، يفضل تعمل رسم مخ مطول لمده ساعتين ، والعرض على طبيب نفسية وعصبية مع الاشعه المقطعية على المخ ، للتفريق بين ان الاعراض النفسية الموجوده ناتجه عن سبب خاص بالمخ ام انها اعراض نفسية خالصه ...
دكتور أحمد عوض حبيب 