مساء الخير يا فندم أنا مركبة طربوش بس حاليا نزل عن...

Question

سألت إمرأة (تبلغ عمرها 37 سنة) 15 July, 2026

4466 مساء الخير يا فندم أنا مركبة طربوش بس حاليا نزل عن مكانه و بيحشي أكل بس بنصف اول بأول بال fluss
ممكن التعايش كدة عادي بدون رفعه لمكانه لأن كل ما يترفع بينزل تاني

Answer 1

هو احنا محتاجين ف البداية نعرف السبب في نزوله بالشكل ده لأننا بنعالج السبب وليس العرض
وهل فيه تاثير حصل نتيجة نزوله ع اسطح الضرس واللثة ودي بنعرفها بأننا نشوفه ونعمل اشعة عليه
لو الدنيا كويسة ممكن ننزله في مكانه بلزق اقوي
لكن في معظم الحالات بنكون محتاجين نغيره
لان تراكم الاكل بالشكل العنيف ممكن ياثر ع سلامة الضرس وكمان الاسنان المجاورة

Answer 2

مساء النور يافندم
يفضل حضرتك نغير الطربوش لان تراكم الاكل واستخدام خيط تنضيف الاسنان بكثرة ممكن يسبب جيب لثوي
وشكرا

Answer 3

مساء الخير يا فندم ، دا معناه ان الطربوش مقاسه مش مظبوط و لازم يتعمل طربوش جديد، بالنسبة لموضوع ال flossing دا شيء كويس ولكن مش هيشيل الاكل تماما و دا هيسبب في حدوث تسوس تحت الطربوش.

Answer 4

لا طبعا لان ده هيأثر علي صحة الأسنان اللي تحت الطربوش ومع الوقت هتسوس وهتتكسر

دكتور محمد سامي محمد سليمان

(6 تقييم) 1360

اسنان
حلوان, القاهرة

Answer 5

لازم يتغير ده بعد الكشف على كلام حضرتك

دكتور أحمد سعيد شكر

(4 تقييم) 2379

اسنان
6 اكتوبر, الجيزة

Answer 6

مساء النور اهلا بحضرتك
لا الافضل نشيل الطربوش خالص وننضف مكانه ونرجع نلزقه تاني كويس لو مقاسه تمام
مينفعش حضرتك تتعايشي معاه لانه اكيد بيفضل جزء من الاكل وحضرتك مش هتعرفي تنضفيه بنسبه ١٠٠٪؜ ودا هايعمل تسوس ورائحه كريهه

Answer 7

الف سلامة على حضرتك ..
لازم الطربوش يتفير لانه بالشكل دا غير مناسب مع ضرسك و تراكم الاكل هيعمل تسوس في الضروس المجاورة و كمان هيضعف الضرس دا و يعمل تآكل في اللثة و المشاكل تزيد اكتر ..
الافضل يتغير

Answer 8

مساء الخير
ما لازم نعرف بينزل ليه هل فيه تسوسات تحته هل مقفل كويس عالضرس اصلا هل حدود التركيبة كويسة و لا فيها مشكلة

Answer 9

واجب تزورى طبيب الأسنان و تحلي المشكله بشكل نهائي

دكتور شريف محمد الجندي

(34 تقييم) 6020

اسنان , جراحة الوجه والفكين
الشروق, القاهرة

Answer 10

مساء النور اي تحشير للأكل في مشكله في الطربوش او الاسنان الي جنب الطربوش لازم اشوف حضرتك في العياده

Answer 11

ممكن تنوريني ف العياده وف اكثر من حل أن شاء الله

دكتور عمرو الرفاعي

84

اسنان , جراحة الوجه والفكين
فيصل, الجيزة

Answer 12

يجب تشخيص الجيد لتحديد سبب المشكله وكيفيه علاجها

دكتورة شروق محمد جمال الدين

(6 تقييم) 1391

اسنان
المعادي, القاهرة

Answer 13

يفضل متابعه الضرس باشاعه مقطعيه ومعرفه ان كان يلزمه التغيير ام التنظيف ثم التثبيت فقط

دكتور محمد أبوعمر

824

اسنان , جراحة الوجه والفكين
ايتاي البارود, البحيرة

Answer 14

الأفضل حضرتك تزور العياده و يتغير لان الجيوب و الأماكن ال بتحضر اكل هتزيد مع الوقت و هتعمل مشاكل فالضروس والأسنان المجاوره للطربوش

Answer 15

نزل من مكانه؟؟؟
هل تقصدي اللزق فك والطربوش بيخرج من علي السن الطبيعي ولو بشكل بسيط؟
اذا كان الامر كذلك فيجب مراجعة طبيب الاسنان لاعادة لزق الطربوش
اما اذا كان اللثة هي اللي اتحركت وانحسرت وظهر جزء من السن الطبيعي بعد حدود الطربوش في هذه الحالة يجب إزالة الطربوش وعمل مقاس جديد وتعديل تحضير الضرس (برد الضرس) لان استمرار انكشاف جزء من الضرس حتي مع التنظيف الجيد غالبا بيحصل تسوس في الضرس وتحت الطربوش فالافضل يتغير مع الاهتمام بالتنظيف دائما وليس بعد ظهور المشكلة