اي الافضل خلع ضرس العقل ولا حشو لاني عندى ضرس العقل...

طلما وصل للألم الشديد جدا يبقى افضل حل هوا الخلع

الافضل ان هو يتم عمل اشعه قبل اي شيء ثم يتم التحديد الاجراء المناسب وممكن حضرتك تنورينا في العياده مع خصم لمرضى التطبيق

لا يمكن تحديد الأفضل لاي حاله بدون كشف مسبق و عمل الإشاعات المطلوبه ، في حالات المريض فتحة الفم عنده صغيره و دا هيجعل علاج ضرس العقل صعب عشان استحالة عزله ، في حالات تانيه المريض بيكون خالع ضرس او اتنين اللي قبل ضرس العقل و هنا لازم نحافظ علي ضرس العقل لأسباب كتير تخص الاكل و العضه و الهضم بتاع فك المريض .

ضرس العقل لو حضرتك بتعض عليه وبتستفيد بيه يبقي ممكن نحاول نحافظ عليه
اما لو مسبب مشاكل والتهابات بسبب مثلا مكانه
فبنعمل اشعة وبعد كذا نحدد

اهلاً بحضرتك الألم الشديد في ضروس العقل ممكن يكون سببه التهاب باللثة حوالين الضرس أو تسوس أو مشكلة في وضع الضرس نفسه
عشان نحدد إذا كان الأفضل حشو ولا خلع لازم يتم الكشف وعمل أشعة أولاً
لأن القرار بيختلف من حالة للتانية
أنصحك تنورنا في أقرب وقت خاصة لو الألم شديد وبعد الفحص والأشعة هنعرف السبب ونختار العلاج المناسب لتخفيف الألم وحل المشكلة بشكل نهائي

اذا الم شديد يفضل الخلع

بعد عمل الأشعات و الفحوصات اللازمه في حاله وجود حاجه وظيفيه لدي ضرس العقل و بيتم استخدامه في المضغ يفضل الحفاظ عليه

هو علي حسب حالتهم قابلين للحشو و طبعا بما إن فيه وجع جامد بنسبة كبيرة ممكن يحتاجوا حشو عصب و دا بيتحدد بالكشف و الاشعة و علي حسب كمان قنواتهم العصبية لو خالع الضروس اللي قبله بنحاول نحافظ عليه لو الحالة تسمح

لو ضرس العقل مسوس تسوس عادي مش واصل للعصب يبقي الافضل الحشو خصوصا لو ضرس العقل في الفك المقابل موجود ،
طيب لو التسوس واصل للعصب يبقي غالبا الخلع هو الحل الاقرب لان علاج العصب في. ضرس العقل بيبقي صعب نظرا لضيق المسافة (المطلوية للتدخل لعلاج العصب) بين الفكين عند ضروس العقل، لكن لو الاضراس الخلفية ما قبل ضرس العقل مخلوعين من قبل يبقي الافضل بذل مجهود في علاج عصب ضرس العقل للاستفادة منه في عمل تركيب ثابت

علي حسب حاله الضرس بي لو واصلين عصب ف الافضل خلع

في الاغلب الاوقات بنضطر نخلعهم بس لو حابب تحافظ عليهم بيبقي علي حسب عوامل معينه زي مثلا في الاشعه شكل الجذور بتاعتهم ايه طالعين عدل ولا فيهم حاجه طالعه بميل .. لو طالعين ممانهم مزبوط هل هيساعدو في الاكل ومهمين في العضه ولا لا.. وهكذا

الف سلامه على حضرتك
الأفضل في ضروس العقل هو الخلع وليس الحشو
وشكرا

الخلع في ضروس العقل هو الأفضل إلا في حالات معينه منها مثلا مفيش غيره هنحتاج تركيب عليه أو لامس العصب الأساسي للفك فخلعه هيكون محتاج جراحه وجه وفكين

الو الالم غير محتمل و الدروس الاساسيه موجوده فاحسن حل هو خلع دروس العقل اما لو الدوس الاساسيه فيها مشكله بنحتاج نحافظ على دروس العقل عشان تقوم بالوظيفه تقدر تزورنا نعمل تشخيص و خطة علاج مناسبه

لو الضروس بعد تقييم الحالة مش محتاجينها و التسوس فيها كبير او وضع الضرس غير طبيعي (مائل او مدفون) نفضل الخلع لان الحشوات في ضروس العقل مش اسهل اجراء لصعوبة الوصول لاخر ضرس بالفك و لكن لو بعد التقييم من الدكتور تأكد من امكانية اصلاحه من الممكن عمل حشو له

الاولى في جميع الاسنان الحفاظ عليها نعمل حشوه مانخلع ماعدى ضروس العقل الأحسن لو فيها تسوس عميق الخلع افضل

اهلا بحضرتك يا فندم
الف سلامه عليك ،عمواماً ضرس العقل بيُفضل خلعه مش الحشو تماماً
تنورنا اي وقت احنا موجودين.