انا بعمل حاجات انا مببقاش عايزه اعملها وبرجع اندم...

تنظيم المشاعر والتعامل مع الاندفاعيه في التصرفات من الحاجات اللي هيساعدك فيها العلاج النفسي وده بعد تقييم مشكلتك من طبيب نفسي وتحديد الخطه العلاجيه المناسبه

اشكر وعيك وانك عارفه وواضحه في مشكلتك وشايفاها كويس
بس اللى مش شيفاه هوه السبب اللى خلاكى تعملى كدا
لما نشوف السبب ونعرف التأثير بتاعه فين في افكارنا ومعتقتدنا ده هايخلى السلوك يحصله تغير
انتى انسانه جدعه ولكن محتاجه شخص متخصص للمساعده

حسب وصفك هي مشكله اندفاع وبشكل سلوكي تكرارى لازم متخصص يشخص حسب كونك أثناء التصرف بيكون المتحكم الوعي ولا اللاوعي هو اللي بيدفعك لكدا ومنقدرش برضوا نشخص أنه Kleptomania
دون دراسه حاله حسب الخط الزمني للحاله في بعض الحالات العلاج السلوكي المعرفي بيجيب نتيجه بتقنيات ضبط النفس و تأجيل القرارات وتذكير النفس بالعواقب حتي لا تشعري بالذنب تجاه للتصرف بعدها وتعديل الأفكار وتصحيحها مفيد جدا المتابعه حتي زوال الأعراض وعمل جلسات وقائيه بعدها لعدم حدوث انتكاسات مستقبلا

الواضح من سؤال حضرتك أنها عبارة عن سلوك اندفاعي واضح السلوك بيسبق التفكير وبعدين يحصل الندم اوقات السلوك بيكون الهدف منه الشعور اللحظي بالسعاده او زياده بعض الهرمونات لازم نروح لمتخصص بشكل مباشر يقدر يساعد في وضع خطة علاج مناسبة الاندفاع بشكل عام