طب الدكتور الي رد عليا وقالي اني مش بحبه انا دلوقتي...

ده اسمه فخ الانسحاب عقلك بيصورلك أنك مش قادره تتعاملي مع خطيبك
بمنتهى البساطه شوفي ايه عيوب الشخص القديم وركزي فيها وشوفي مميزاتك ومميزات خطيبك الحالي
وطالما فيه قبول اتجاه خطيبك يبقى سهل تقنعي نفسك انك هتقدري تتخطي وتتعافي
وببعض الأساليب سهل انك تعدي ب ده لكن ادي نفسك وقت كافي

في عند حضرتك صدمه نفسيه و تحتاج لعمل جلسات علاج سلوكي معرفي

للأسف مش هقدر أقدّم رد أو تقييم مناسب من خلال الرسائل فقط، ويُفضّل حجز جلسة أونلاين لمعرفة التفاصيل كاملة وتقديم المساعدة بشكل أدق.

انتي محتاجه تتعرفي اكتر علي مشاعرك بشكل اعمق وتفهمي انتي متعلقه ب ايه تحديدا فالعلاقات دي علشان ممكن تكون مجرد احتياجات معينه تقدري تشبعيها بدون اشخاص وكمان عشان تقدري تعرفي نمط تعلقكك كل دا للاسف محتاج انك تروحي لثيرابي بحيث يقدر يستفسر منك عن جوانب الموضوع ككل بشكل كامل علشان تقدري تاخدي اكبر استفاده

يجب العرض للحالة على اخصائى نفسي

طالما الموضوع مأثر على نومك وتفكيرك بالشكل ده، حاولي متاخديش أي قرار وإنتِ متوترة أو مشوشة.
اسألي نفسك بهدوء:
هل أنا فعلًا مشتاقة للشخص القديم؟
ولا هاربة من تعب ومشاكل العلاقة الحالية؟

ومهم جدًا تبصي لمشاكلك مع خطيبك بصدق، لأن تجاهلها مع الوقت بيتعب أكتر.
خدي مساحة تهدي فيها تفكيرك، وابعدي شوية عن المقارنات والملاحقة الذهنية للشخص القديم، لأن التفكير المستمر بيزود ا
لتعلق أكتر

اللي إنتِ فيه غالبًا ناتج عن ضغط في العلاقة الحالية مع حنين لعلاقة قديمة، وده بيزود التفكير والتشتت.

ما تاخديش أي قرار وإنتِ في الحالة دي. ركزي تهدي التفكير الأول، ويفضل تكتبي اللي مضايقك في خطيبك وتف
همي هل مشاكل قابلة للحل ولا لا، لأن القلق والأرق بيخلوا المشاعر تبان أوضح وأقوى من حقيقتها

حبيبتي بالراحه كده خدى نفس طويل و طلعيه بالراحه و تعالى نتكلم بالعقل شويه مش معنى انى محتاجه اشوف الشخص الاولانى انى بحبه لا خالص انتى ممكن تكونى بتهربي من خطيبك دا بالشخص التانى و الاثنين مش صح و انتى لسه صغيره ممكن نقعد نتكلم مع بعض و نفكر بصوت عالي و بورقه و قلم و نوصل مع بعض انتى عايزه ايه و فيه حاجات كتير ممكن تشوفيها متكوننيش واخده بالك منها بالراحه كدا و مفيش داعي اننا ناخد قرارات مصيريه بسرعه اهدى و حاولى فى اقرب وقت نقعد مع بعض كلنا مرينا باللى انتى حساه دا

اللي انتِ فيه واضح إنه مش مجرد شوق لشخص قديم ده ضغط نفسي وتشتت عاطفي مأثر على نومك وتفكيرك وبيخلي مشاعرك تتقلب بالشكل ده.
الحالة دي غالبًا مش بتتحل بالتفكير لوحده، لأن لما الأرق والضغط يزيدوا، العقل بيبدأ يلف في دايرة مشاعر وقرارات متلخبطة.
الأفضل هنا إنك تتكلمي مع معالج نفسي يساعدك تفكي التشابك ده بهدوء
إيه حب حقيقي، وإيه هروب من ضغط، وإزاي تاخدي قرار واضح من غير تشتت.
ولو الأرق والتفكير مستمرين بالشدة دي، ده سبب كافي جدًا إنك تروحي لجلسات مش لازم يكون في أزمة كبيرة عشان العلاج يكون مفيد.

مفيش حد يقدر يقولك تعملي ايه الا انتي ،وعلشان توصلي لده محتاجه حد يساعدك وده مش بيتم الإ في إطار علاجي مش نصيحه حد يقولهالك علي النت .الطب النفسي ليس طب نصائح .

متحكميش على مشاعرك وإنتِ تحت ضغط وتفكير مستمر. أحيانًا لما تكون فيه مشاكل مع الخطيب، العقل بيبدأ يحن للماضي ويبالغ في تذكر الحلو فيه. حاولي تركزي الأول على حل المشاكل الحالية وتدي نفسك وقت قبل أي قرار، لأن التوتر وقلة النوم ممكن يخلوا المشاعر ملخبطة.
نحجز وتعملي جلسه تفريغ ونرتب الأفكار

في مراحل بيمر بها الانسان لما بيتعرض لصدمه بس يكفي ان اقول لك المرحله اللي انت فيها دلوقتي بتمر ما بين الانكار وده عقل بيرسمها ليكي انك ترفضي خطيبك الجديد ورفضك للواقع ده وفي حاله من الغضب الداخلي اتجاه الرفض اللي حصل لك من خطيبك الاولاني بعد كده مريتي بمرحله المساومه وهنا بتبداي تلومي نفسك على حاجات حصلت وافتكرتي انك لو ما عملتيش الاخطاء دي كان زمانك وضعك احسن ، علشان كده في ضروره الجلسات النفسيه علشان توضح لك كيفيه التعافي من الصدمات اللي بيمر بها الانسان